Corona cases : गेल्या 24 तासात देशात 1 हजार 7 नवीन कोरोना रुग्णांची नोंद, तर 818 जण कोरोनामुक्त

देशात कोरोना रुग्णांची संख्या कमी झाली आहे. गेल्या 24 तासात देशात 1 हजार 7 नवीन कोरोना रुग्णांची नोंद झाली आहे.

corona

Corona cases : देशात सध्या कोरोनाचा धोका कमी झाल्याचे चित्र आहे. देशात कोरोना रुग्णांची संख्या कमी झाली आहे. गेल्या 24 तासात देशात 1 हजार 7 नवीन कोरोना रुग्णांची नोंद झाली आहे. तर 818 रुग्ण कोरोनातून बरे झाल्याची माहिती केंद्रीय आरोग्य मंत्रालयाने दिली आहे. काल देशात 1 हजार 88 कोरोना रुग्णांची नोंद झाला होती तर, 26 जणांचा मृत्यू झाला होता. आज रुग्णसंख्येत किंचीत घट झाली आहे.

सक्रिय रुग्णांची संख्या 11 हजार 58

केंद्रीय आरोग्य मंत्रालयाने दिलेल्या माहितीनुसार, देशातील सक्रिय रुग्णांची संख्या 11 हजार 58 इतकी झाली आहे. काल दिवसभरात 818 रुग्ण कोरोनातून बरे झाले आहेत. दरम्यान, आत्तापर्यंत देशात कोरोनामुळे जीव गमावणाऱ्यांची संख्या 5 लाख   21 हजार 736 इतकी झाली आहे. देशात आतापर्यंत 4 कोटी 25  लाख 06 हजार  228 लोक संसर्गमुक्त झाले आहेत. दरम्यान, सध्या देशातील सध्याचा दैनंदिन कोरोना संसर्गाचा दर 0.23 टक्के इतका झाला आहे.

महाराष्ट्रातील कोरोनाच्या रुग्णसंख्येत  (Corona Update) किंचीत वाढ होत असल्याचे चित्र सध्या दिसत आहे.  बुधवारी राज्यात  केवळ 124  रुग्णांचे निदान झाले आहे. मंगळवारपेक्षा रुग्णसंख्येत किंचित वाढ झाली आहे.  राज्यातील  ॲक्टिव्ह रुग्णसंख्या देखील  एक हजारांखाली आली आहे. राज्यात सध्या 724 अॅक्टिव्ह रुग्ण आहे. तसेच गेल्या चोवीस तासात एक रुग्णांचा मृत्यू झाला आहे. राज्यात गेल्या 24 तासात 113 रुग्ण कोरोनामुक्त होऊन घरी परतले आहेत. दरम्यान, राज्यात काल एका कोरोना रुग्णांच्या मृत्यूची नोंद झाली आहे. राज्याचा मृत्यूदर 1.87 टक्के झाला आहे. राज्यात आतापर्यंत 77,26, 903  रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 98.11 टक्के झाले आहे. राज्यात आजपर्यंत 7, 97, 60, 948   प्रयोगशाळा तपासण्या करण्यात आल्या आहे. 

महत्त्वाच्या बातम्या: