Karnataka Opinion Poll: कर्नाटकात भाजपला धक्का, काँग्रेस सत्ता स्थापन करणार, सी व्होटरचा ओपिनियन पोल
ABP Cvoter Karnataka Opinion Poll: कर्नाटकात सर्वाधिक जागा जिंकून काँग्रेस सत्ता स्थापन करु शकतो तर भाजपला दुसऱ्या क्रमांकावर समाधान मानावं लागेल असं सर्वेतून समोर आलं आहे.
Karnataka Opinion Poll: कर्नाटकात सत्ताधारी भाजपला धक्का बसणार असून काँग्रेस सर्वाधिक जागा जिंकत सत्ता स्थापन करण्याची शक्यता आहे असं सी व्होटर सर्वेतून समोर आलं आहे. ओपिनियन पोलनुसार कर्नाटकात काँग्रेसला 115-127 जागा मिळू शकतात. भाजपला 68-80 तर जेडीएसला 23-35 जागा मिळतील असा अंदाज आहे.
निवडणूक आयोगाने बुधवारी कर्नाटक विधानसभा निवडणुकीच्या तारखा जाहीर केल्या आहेत. राज्यात 10 मे रोजी एकाच टप्प्यात निवडणुका होणार असून 13 मे रोजी निकाल जाहीर होणार आहेत. या घोषणेमुळे या दक्षिणेकडील राज्यात सत्ताधारी भारतीय जनता पक्ष (भाजप) आणि प्रमुख प्रतिस्पर्धी काँग्रेस यांच्यातील निवडणूक युद्धाचं बिगुल वाजलं आहे. धर्मनिरपेक्ष जनता दल हा राज्यातील तिसरा मोठा पक्ष आहे.
जनतेच्या मनात काय आहे हे जाणून घेण्यासाठी सी-व्होटरने एबीपी न्यूजसाठी ओपिनियन पोल घेतला आहे. या ओपिनियन पोलमध्ये 24 हजार 759 लोकांची मते घेण्यात आली आहेत. कर्नाटकातील सर्व जागांवर ओपिनियन पोल घेण्यात आला आहे. ओपिनियन पोलमध्ये तीन ते पाच टक्के कमी वा जास्त फरक पडू शकतो.
एबीपी न्यूज सी मतदारांचे मत सर्वेक्षण निकाल
एबीपी न्यूज सी व्होटरच्या ओपिनियन पोलमध्ये कर्नाटकात काँग्रेसला सर्वाधिक जागा मिळणार आहेत. ओपिनियन पोलनुसार कर्नाटकात काँग्रेसला 115-127 जागा मिळू शकतात. भाजपला 68-80 तर जेडीएसला 23-35 जागा मिळतील असा अंदाज आहे. इतरांना 0-2 जागा मिळण्याची अपेक्षा आहे.
कर्नाटकचा कौल
मॅटेरिस पोलनुसार कर्नाटकात काँग्रेसला 88-98 जागा मिळण्याची शक्यता आहे. भाजपला 96-106 जागा, जेडीएसला 23-33 आणि इतरांना 2-7 जागा मिळण्याचा अंदाज आहे. लोकमत सर्वेक्षणात काँग्रेसला 116-123 जागा मिळण्याची शक्यता आहे. भाजपला 77-83 जागा, जेडीएसला 21-27 जागा आणि इतरांना 1-4 जागा मिळू शकतात.
काँग्रेस सरकार स्थापन करू शकते
पॉप्युलर पोलच्या सर्वेक्षणात काँग्रेसला 82-87 जागा मिळताना दिसत आहेत. भाजपला 82-87 जागा, जेडीएसला 42-45 जागा मिळण्याचा अंदाज आहे. कर्नाटकच्या पोल ऑफ पोलमध्ये काँग्रेसला 100-108 जागा मिळण्याची शक्यता आहे. भाजपला 81-89 जागा, जेडीएसला 27-35 जागा आणि इतरांना 1-3 जागा मिळू शकतात.
ही बातमी वाचा:
महत्त्वाच्या बातम्या
ट्रेंडिंग न्यूज
