Jagdeep Dhankhar : जगदीप धनखड देशाचे नवे उपराष्ट्रपती, राष्ट्रपती द्रौपदी मुर्मू यांनी दिली शपथ

जगदीप धनखड हे (Jagdeep Dhankhar) देशाचे नवे उपराष्ट्रपती झाले आहेत. राष्ट्रपती द्रौपदी मुर्मू (President Draupadi Murmu) यांनी धनखड यांना आज शपथ दिली.

Jagdeep Dhankhar

Jagdeep Dhankhar : जगदीप धनखड हे (Jagdeep Dhankhar) देशाचे नवे उपराष्ट्रपती झाले आहेत. राष्ट्रपती द्रौपदी मुर्मू (President Draupadi Murmu) यांनी धनखड यांना आज दिली शपथ दिली. राष्ट्रपती भवनात जगदीप धनखड यांचा शपथविधी सोहळा संपन्न झाला. यावेळी पंतप्रधान नरेंद्र मोदी यांच्यासह मंत्रीमंडळातील अन्य मंत्री उपस्थित होते. विद्यमान उपराष्ट्रपती व्यंकय्या नायडू यांचा कार्यकाळ बुधुवारी (10 ऑगस्ट ) संपला आहे. उपराष्ट्रपतीपदाच्या निवडणुकीत एनडीएचे उमेदवार जगदीप धनखड यांचा विजय झाला होता. त्यांनी काँग्रेस नेत्या मार्गारेट अल्वा (Margaret Alva) याचा पराभव केला होता.

मार्गारेट अल्वा यांचा केला होता पराभव

जगदीप धनखड हे देशाचे 14 वे उपराष्ट्रपती झाले आहेत. राष्ट्रपती भवनात त्यांचा शपथविधी सोहळा आज संपन्न झाला. राष्ट्रपती द्रौपदी मुर्मू यांनी त्यांना शपथ दिली. उपराष्ट्रपतीपदाच्या निवडणुकीत 780 पैकी 725 खासदारांनी मतदान केले होते. संसदेच्या दोन्ही सभागृहांची मिळून एकूण सदस्यसंख्या 788 आहे. त्यापैकी वरच्या सभागृहाच्या आठ जागा सध्या रिक्त आहेत. अशा स्थितीत उपराष्ट्रपतीपदाच्या निवडणुकीत 780 खासदार मतदानासाठी पात्र ठरले होते. या खासदारांच मतदान पार पडून हा निकाल जाहीर झाला होता. एनडीएचे उमेदवार जगदीप धनकड विजयी झाले होते. उपराष्ट्रपतीपदाच्या निवडणुकीत त्यांनी विरोधी पक्षांच्या संयुक्त उमेदवार मार्गारेट अल्वा  यांचा पराभव केला होता. धनकड यांना 528, तर अल्वा यांना 182 मते मिळाली होती. त्याचवेळी 15 मते रद्द करण्यात आली होती. उपराष्ट्रपतीपदासाठी 92.94 टक्के मतदान झालं होतं.

जगदीप धनकड यांची राजकीय कारकिर्द

जगदीप धनकड यांची कारकिर्द पाहता, 1989 च्या लोकसभा निवडणुकीत झुंझुनू येथून खासदार म्हणून निवडून आले. त्यानंतर त्यांनी 1990 मध्ये संसदीय कामकाज राज्यमंत्री म्हणून काम पाहिले. व्ही पी सिंग आणि चंद्रशेखर यांच्या सरकारमध्ये ते मंत्री होते. 1991 मध्ये धनकड यांनी जनता दल सोडून काँग्रेसमध्ये प्रवेश केला. 1993 मध्ये ते अजमेरमधील किशनगडमधून आमदार झाले. यानंतर 2003 मध्ये त्यांनी काँग्रेस सोडून भाजपमध्ये प्रवेश केला. धनखर यांची जुलै 2019 मध्ये पश्चिम बंगालचे राज्यपाल म्हणून नियुक्ती करण्यात आली होती. शेतकरी कुटुंबात जन्मलेल्या धनकड यांनी चित्तौडगड येथील सैनिक स्कूलमधून शालेय शिक्षण पूर्ण केले. भौतिकशास्त्रात पदवीचे शिक्षण पूर्ण केल्यानंतर त्यांनी राजस्थान विद्यापीठातून एलएलबी केले. धनकड हे क्रीडाप्रेमी म्हणूनही ओळखले जातात. आज त्यांनी देशाचे 14 वे उपराष्ट्रपती म्हणून शपथ घेतली.

महत्त्वाच्या बातम्या: