Women Agniveer In AirForce : भारतीय वायुसेना करणार महिला अग्निवीरांची भरती, प्रथमच सैनिक म्हणून होणार रुजू

Women Agniveer In Indian AirForce : हवाई दलाचे प्रमुख एअर चीफ मार्शल व्ही आर चौधरी म्हणाले की, पुढील वर्षापासून महिला अग्निवीरांचीही वायुसेनेत भरती करण्यात येणार आहे.

Women Agniveer In Indian AirForce

Women Agniveer In AirForce : भारतीय लष्कर (Indian Army) आणि नौदलानंतर (Indian Navy) आता महिला अग्निवीर (Agniveer) म्हणून लवकरच भारतीय वायुसेनेत (Air Force) दाखल होणार आहेत. हवाई दलाचे प्रमुख एअर चीफ मार्शल व्ही आर चौधरी म्हणाले की, पुढील वर्षापासून महिला अग्निवीरांचीही वायुसेनेत भरती करण्यात येणार आहे. वायुसेनेच्या एका अधिकाऱ्याने सांगितले की, महिलांची भरती करण्यापूर्वी आम्हाला सर्व प्राथमिक व पायाभूत सुविधा तयार कराव्या लागतील तसेच महिला सैनिकांना कोणतीही अडचण येऊ नये, असे वातावरण तयार करावे लागेल. दरम्यान, या वर्षी वायुसेनेकडून 3000 अग्निवीरांची भरती करण्यात येणार आहे. 

प्रथमच वायुसेनेत महिला सैनिक म्हणून रुजू होणार 
भारतीय वायुदलात अधिकारी पदावर महिला आहेत, परंतु एअरमन सैनिक रँकमध्ये महिलांचा अद्याप समावेश झालेला नाही. पहिल्यांदाच वायुसेनेत महिला सैनिक म्हणून रुजू होणार आहेत. सूत्रांनी दिलेल्या माहितीनुसार, पुढील वर्षी 3500 अग्निवीरांची भरती होईल तेव्हा 3% महिलांसाठी राखीव असतील. यानंतर, दरवर्षी त्यात हळूहळू वाढ केली जाईल आणि चार वर्षांत ती 10% पर्यंत वाढवण्याचे लक्ष्य आहे. त्यानंतर त्याचा आढावा घेऊन त्यानुसार किती टक्के महिलांची भरती करायची याचा निर्णय घेतला जाईल.  वायुसेनेचे प्रमुख एअर चीफ मार्शल चौधरी म्हणाले की, या ऐतिहासिक प्रसंगी, मला हे जाहीर करताना आनंद होत आहे की, सरकारने भारतीय वायुसेनेतील अधिकार्‍यांसाठी वेपन सिस्टम विंग तयार करण्यास मान्यता दिली आहे. तसेच पुढील वर्षापासून महिला अग्निशमन दलाचा समावेश करण्याचा विचार करत आहोत, असे वायुसेनी प्रमुख म्हणाले. या संदर्भातील पायाभूत सुविधांचे बांधकाम प्रगतीपथावर आहे

...त्यानंतर त्या कायमस्वरूपी वायुसेनेचा भाग बनतील

एअरफोर्समध्ये एकूण 39 ट्रेड्स आहेत आणि महिला अग्निवीर कोणत्याही ट्रेडचा भाग असू शकतात. अग्निवीर म्हणून चार वर्षे पूर्ण केल्यानंतर ते कायमस्वरूपी वायुसेनेचा भाग बनतील. वायुसेनेत भरती होणार्‍या अग्निवीरांना सुरुवातीला कोणताही ट्रेड दिला जाणार नाही. वायुसेनेच्या एका अधिकाऱ्याच्या म्हणण्यानुसार, आम्हाला कुणालाही एका ट्रेडपुरते मर्यादित ठेवायचे नाही, त्यामुळे चार वर्षे अग्निवीर असताना त्यांना सर्व प्रकारची कामे शिकवली जातील आणि त्या आधारे त्यांची चाचणी घेतली जाईल. चार वर्षे पूर्ण झाल्यावर, कायमस्वरूपी असणार्‍यांपैकी जास्तीत जास्त 25% एअरमन बनतील आणि त्यांना पुन्हा ट्रेड दिला जाईल. या 25% महिलांची संख्या पूर्णपणे गुणवत्तेवर अवलंबून असेल.महिला अग्निवीर कायमस्वरूपी होतील तेव्हा त्यांना एअरमन देखील म्हटले जाईल.

भारतीय वायु सेनेला आज 90 वर्षे पूर्ण 

भारतीय वायु सेनेला आज 90 वर्षे पूर्ण होत आहेत. वायुसेना दिनानिमित्त चंदीगडसह आज संपूर्ण जग भारतीय वायुसेनेचे शौर्य पाहणार आहे. चंदीगडमधील गाझियाबाद येथील हिंडन एअर फोर्स स्टेशनच्या बाहेर पहिल्यांदाच एअर फोर्स डे परेडचे आयोजन करण्यात आले आहे. हवाई दलाकडून सुखना तलावावर सर्वात मोठा एअर शो आयोजित केला जाणार आहे.

संबंधित बातम्या