Jammu Kashmir : बारामुल्ला आणि शोपियानमध्ये लष्कराकडून दहशतवाद्यांच्या 4 साथीदारांना अटक, AK47 रायफलसह दारूगोळा जप्त
Jammu Kashmir : जम्मू-काश्मीरमधील बारामुल्ला आणि शोपियान जिल्ह्यातून सुरक्षा दलांनी लष्कर-ए-तोएबाच्या चार दहशतवाद्यांना अटक केली आहे.
Jammu Kashmir : जम्मू आणि काश्मीरमधील बारामुल्ला आणि शोपियान जिल्ह्यातून सुरक्षा दलांनी लष्कर-ए-तोएबाच्या चार दहशतवाद्यांना अटक केली आहे. पोलीस प्रवक्त्यांनी बुधवारी दिलेल्या माहितीनुसार, सुरक्षा दलांसह पोलिसांनी प्रतिबंधित दहशतवादी संघटना लष्कर-ए-तोएबाशी संबंधित दहशतवाद्यांच्या दोन साथीदारांना बारामुल्ला येथून अटक केली आहे. त्यांच्या ताब्यातून दारूगोळ्यासह इतर साहित्य जप्त करण्यात आल्याचे त्यांनी सांगितले. खचदारी जेहानपोराचा अज्ञात दहशतवादी गट बारामुल्लाच्या मुख्य भागात पोलीस आणि इतर सुरक्षा दलांविरुद्ध शांतता आणि कायदा आणि सुव्यवस्था बिघडवण्यासाठी अवैध शस्त्रे आणि दारूगोळा वापरत असल्याची विश्वसनीय सूत्रांकडून पोलिसांना माहिती मिळाली होती.
मिळालेल्या माहितीवरून कारवाई करत, सुरक्षा दलांनी जेहानपोरा-खदनियार लिंक रोडसह अनेक ठिकाणी नाकेबंदी केली, असे प्रवक्त्यांनी सांगितली. प्रवक्त्यांनी पुढे सांगितले की, तपासादरम्यान जेहानपोराच्या बाजूने एका स्कूटीवर दोन लोक दिसले, जे संशयास्पद वाटत होते. नाकेबंदी पाहून त्यांनी पळून जाण्याचा प्रयत्न केला, परंतु सतर्क पोलिसांच्या पथकाने दोघांनाही पकडले. त्याच्याकडून झडती घेतली असता त्याच्याकडून एके 47 रायफलच्या 40 राऊंड जप्त करण्यात आल्या.
इम्तियाज अहमद आणि मुनीर अहमद अशी त्यांची नावे असून ते खचदरी जेहानपोरा येथील रहिवासी आहेत, असे प्रवक्त्यांनी सांगितले. प्राथमिक चौकशीदरम्यान, दोघांनी कबूल केले आहे की ते लष्कर-ए-तोएबा या बंदी घातलेल्या संघटनेसाठी काम करतात आणि दहशतवाद्यांसाठी बेकायदेशीर शस्त्रे आणि दारूगोळा वाहतूक करतात, ज्याचा वापर पोलीस आणि सुरक्षा दलांवर हल्ले करण्यासाठी केला जातो. गुन्हा दाखल करण्यात आला असून तपास सुरू असल्याचे त्यांनी सांगितले.
दरम्यान, पोलिसांनी लष्कर-ए-तोएबाच्या दोन दहशतवाद्यांना शोपियानमधून अटक केली आहे. एका प्रकरणाच्या तपासादरम्यान, पोलीस अधिकार्‍यांना दहशतवाद्यांचे दोन सहकारी आकिब मुश्ताक लोन आणि अमीर अमीन सोफी यांच्या सहभागाची माहिती मिळाली. दोघेही लष्करशी संबंधित असून ते शडचेक भागातील रहिवासी असल्याचे त्यांनी सांगितले. दोन्ही आरोपींना अटक करण्यात आली आहे.
महत्त्वाच्या इतर बातम्या :
iPhone 13 : गेहलोत सरकारकडून सर्व 200 आमदारांना iPhone 13 भेट, 'हे' आहे कारण?
E Challan : ट्रॅफिक नियम मोडल्याने ई-चलन निघालंय? घरबसल्या सहज ऑनलाईन भरा दंड
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
