New EVM Machine : भारतात येणार नवीन ईव्हीएम मशीन, देशातील कोणत्याही भागातून करता येणार मतदान
New EVM Machine : निवडणूक आयोगाने दिलेल्या माहितीनुसार, 10,000 नव्या डायनॅमिक ईव्हीएम मशीन आणल्या जाऊ शकतात.
New EVM Machine : भारतात लवकरच नवीन प्रकारच्या ईव्हीएम मशीन येणार आहेत. या नवीन मशीन्स रिमोट व्होटिंग मशीन म्हणून ओळखल्या जातील. सध्या मतदानासाठी वापरल्या जाणार्या ईव्हीएम मशिन्सपेक्षा ही नवीन मशिन्स आधुनिक असणार आहेत. या नव्या मशीनयाद्वारे मतदाराला देशात कुठेही बसून आपल्या मतदारसंघातील मतदान करता येणार आहे.
ज्या नवीन ईव्हीएम मशिन येणार आहेत त्याच्या बॅलेट युनिटमध्ये फक्त ज्या भागात ही मशीन वापरली जाणार आहे त्या भागातील उमेदवारांच्या नावांची यादी असणार आहे. परंतु, नव्या डायनॅमिक ईव्हीएममध्ये डेटा गोळा करण्याची क्षमता जास्त असेल. नवीन ईव्हीएममध्ये इतका डेटा जतन केला जाऊ शकतो की दिल्लीत बसलेला कोणताही मतदार उत्तर प्रदेशातील आझमगड, कर्नाटकातील बंगळुरू किंवा काश्मीरमधील श्रीनगरमधील लोकसभा किंवा विधानसभा मतदारसंघ शोधून त्याच्या पसंतीच्या उमेदवाराला मतदान करू शकतो. .
New EVM Machine : 10 हजार ईव्हीएम मशीन येऊ शकतात
निवडणूक आयोगाने दिलेल्या माहितीनुसार, 10,000 नव्या डायनॅमिक ईव्हीएम मशीन आणल्या जाऊ शकतात. देशातील प्रत्येक जिल्ह्यातील दुर्गम आणि शहरी भागात अशा 5-6 मशीन्स तैनात करण्यात येतील. शिवाय मोठ्या शहरांमध्ये देखील त्यांची संख्या प्रमाणानुसार वाढवली जाईल. परंतु, मोठ्या शहरांमध्ये नवीन ईव्हीएमची संख्या वाढवावी लागेल कारण तेथे स्थलांतरित मतदारांची संख्या खूप जास्त आहे.
निवडणूक आयोगा या नव्या मशीन लवकरात लवकर आणण्यासाटी प्रयत्नशील आआहे. निवडणूक आयोगाच्या नियोजन यशस्वी झाले तर 2024 च्या लोकसभा निवडणुकीआधी या नव्या मशीन येतील. या नव्या मशीनयाद्वारे मतदाराला देशात कुठेही बसून आपल्या मतदारसंघातील मतदान करता येणार आहे.
रिमोट व्होटिंग मशीन म्हणजे काय?
रिमोट व्होटिंग मशीन अर्थात आरव्हीएमबाबत गेल्या वर्षी 29 डिसेंबर रोजी माहिती समोर आली होती. यावर स्पष्टीकरण देताना निवडणूक आयोगाने म्हटले होते की, RVM च्या माध्यमातून स्थलांतरित नागरिक म्हणजेच त्यांच्या मूळ राज्याबाहेर राहणारे मतदार देखील आपल्या भागातील नेत्याला मतदान करू शकतात. उदाहरणार्थ, मतदार पुण्याता जन्माला आला असेल आणि काही कारणास्तव तो दुसऱ्या राज्यात किंवा इतर ठिकाणी राहत असेल तर तो मतदार मतदान करू शकत नाही. परंतु, आरव्हीएमच्या मदतीने अशा मतदारांना मतदानाचा हक्क बजावता येणार आहे. EVM प्रमाणे RVM ला कोणत्याही प्रकारचे इंटरनेट किंवा कनेक्टिव्हिटी आवश्यक नसते.
16 जानेवारी रोजी झाले प्रात्यक्षिक
निवडणूक आयोगाने 16 जानेवारी रोजी देशातील राष्ट्रीय आणि प्रादेशिक राजकीय पक्षांसमोर रिमोट व्होटिंग मशीनचे (RVM) प्रात्यक्षिक दाखवले होते. मिळालेल्या माहितीनुसार, निवडणूक आयोग रिमोट मतदान यंत्रांबाबत राजकीय पक्षांशी चर्चा करणार आहे. यासोबतच त्यांनी 31 जानेवारी 2023 पर्यंत आरव्हीएमशी संबंधित मुद्द्यांवर लिखित स्वरुपात आपले म्हणणे मांडण्याची मागणी केली होती. मात्र, अनेक राजकीय पक्षांनी ईव्हीएमप्रमाणेच आरव्हीएमवरही प्रश्न उपस्थित करण्यास सुरुवात केली आहे.
Before You Go
BMC Manhole Reality Check Special Report : मुंबईत पावसाचा पहिलाच तडाखा अन् पालिकेची नाचक्की!
महत्त्वाच्या बातम्या
