Cyclone Asani : 'असनी' चक्रीवादळाने बदलला मार्ग; IMD कडून इशारा, 'या' भागांसाठी 'रेड अलर्ट'

Cyclone Asani : या पार्श्वभूमीवर हवामानशास्त्र विभागाने (IMD) “रेड अलर्ट” जारी केला असून आपत्ती व्यवस्थापनाकडून स्थानिक नागरिकांना सतर्क राहण्याचा इशाराही देण्यात आला आहे.  

Cyclone Asani

Cyclone Asani : भारतीय हवामानशास्त्र विभागाच्या माहितीनुसार, असनी चक्रीवादळाचा मार्ग बदलला आहे, बंगालच्या उपसागरावर 'असनी' चक्रीवादळाचा प्रभाव आंध्र प्रदेश, ओडिशा, तामिळनाडू, पुद्दुचेरी आणि लगतच्या राज्यांमध्ये दिसायला सुरुवात झाली आहे, हवामान खात्यानुसार या ठिकाणी जोरदार वाऱ्यासह पाऊस पडत आहे. सध्या वादळामुळे सुरक्षेच्या दृष्टिकोनातून अनेक विमानांची उड्डाणे रद्द करण्यात आली आहेत.

आंध्र प्रदेशात रेड अलर्ट जारी

चक्रीवादळ 'असनी' हे विशाखापट्टणमच्या दक्षिण-आग्नेय-पूर्वेला सुमारे 330 किमी अंतरावर असल्याने, मंगळवारी रात्रीपर्यंत चक्रीवादळ असनी उत्तर-पश्चिमेकडे सरकेल असा अंदाज हवामान खात्याने वर्तवला होता. त्यानंतर हे चक्रीवादळ उत्तर-ईशान्येकडे सरकण्याची शक्यता आहे. 'असनी'च्या इशाऱ्यांमुळे ओडिशा ते आंध्र प्रदेशपर्यंतची राज्य सरकारे सतर्क आहेत. हवामान विभागाच्या म्हणण्यानुसार, चक्रीवादळ आंध्र प्रदेशच्या किनारपट्टीकडे सरकत आहे, त्यामुळे आंध्र प्रदेशात रेड अलर्ट जारी करण्यात आला आहे, हे वादळ आज काकीनाडा किंवा विशाखापट्टणमजवळ पश्चिम-मध्य बंगालच्या उपसागरात पोहोचू शकते. विशाखापट्टणममधील आयएनएस देगा आणि चेन्नईजवळील आयएनएस राजली या नौदल हवाई स्थानकांवर बाधित क्षेत्रांचे हवाई सर्वेक्षण, तसेच गरज पडल्यास मदत आणि बचाव कार्यासाठी सज्ज ठेवण्यात आली आहेत.  दरम्यान चक्रीवादळाशी सामना देण्यासाठी आपत्ती व्यवस्थापनाकडून स्थानिक नागरिकांना सतर्क राहण्याचा इशाराही देण्यात आला आहे. 

वाऱ्याचा वेग वाढण्याची शक्यता
आंध्र प्रदेशातील IMD ने माहिती दिली आहे की, आज सकाळी 8.30 वाजेपर्यंत श्रीकाकुलम, विझियानगरम, विशाखापट्टणम, पूर्व गोदावरी, कृष्णा, गुंटूर आणि पश्चिम गोदावरी जिल्ह्यांमध्ये वाऱ्याचा वेग 40-50 किमी प्रतितास ते 60 किमी प्रतितास पर्यंत पोहोचण्याची शक्यता आहे. 

 

Koo App

Super Cyclonic Storm ‘Asani’ over Southeast & adjoining Westcentral Bay of Bengal (BoB), near lati 13.0°N & long 87.5°E, about 570 km west-northwest of Port Blair to move northwestwards till 10 May night & reach Westcentral & adjoining Northwest BoB off North AP & Odisha coast

View attached media content

- Prasar Bharati News Services (@pbns_india) 9 May 2022

चक्रीवादळ 'असनी' ने मार्ग बदलला

चक्रीवादळ 'असनी' ने आपला मार्ग बदलला आहे, या चक्रीवादळाला सामना देण्यासाठी अनेक राज्यांचे हवामान विभाग आणि आपत्ती व्यवस्थापन पथके सक्रियपणे काम करत आहेत. पूर्व किनारपट्टीजवळ आल्यानंतर वादळ पुन्हा उत्तर-ईशान्य दिशेने वळण्याची शक्यता हवामान खात्याने व्यक्त केली आहे. हे वादळ पूर्व किनार्‍याकडे सरकत असून, त्यामुळे बाधित भागात ताशी 120 किलोमीटर वेगाने वारे वाहत असून पाऊसही पडताना दिसत आहे. सोमवारी हे वादळ विशाखापट्टणमपासून 550 किमी दक्षिण-पूर्व, पुरीच्या दक्षिणेस 680 किमी होते. ते 100 ते 110 किमी प्रतितास वेगाने वाऱ्यासह उत्तर-पश्चिम दिशेने सरकत आहे. चक्रीवादळामुळे ओडिशा, पश्चिम बंगाल आणि आंध्र प्रदेशसह लगतच्या किनारी भागात पावसाची शक्यता आहे. अशा स्थितीत मच्छीमारांनी पुढील किमान दोन दिवस या भागात न जाण्याचा सल्ला हवामान खात्याने दिला आहे.

मुंबईत ढगाळ वातावरण 
असनी चक्रीवादळाचा परिणाम पश्चिम किनार्‍यालगत अरबी समुद्रावर देखील होण्याची शक्यता आहे. हवामान विभागाच्या माहितीनुसार दक्षिण कोकण आणि घाटात पाऊस पडण्याची शक्यता वर्तविण्यात येत आहे. तर ठाणे अंतर्गत भागात कमी स्वरूपात पाऊस पडू शकतो. मुंबईत बहुतांशी ढगाळ वातावरण असेल, तर मुंबईच्या काही भागांमध्ये पावसाची शक्यता आहे.

ओडिशा सरकारने योजना आखल्या

ओडिशा सरकारने चार किनारी जिल्ह्यांतील लोकांना सुरक्षित स्थळी हलवण्याची योजना आखली आहे. ओडिशाच्या सर्व बंदरांवर रिमोट चेतावणी देण्यात आली आहे. हे चक्रीवादळ ओडिशा किंवा आंध्र प्रदेशात धडकणार आहे, असा हवामान खात्याचा अंदाज आहे. दरम्यान पूर्व किनारपट्टीवर जोरदार पावसाची शक्यता आहे.