Coronavirus Updates : चिंता वाढली! कोरोना रुग्णसंख्या वाढली, कोरोनाबाधितांची संख्या सहा हजारांपार, 34 रुग्णांचा मृत्यू

Coronavirus Cases Today : केंद्रीय आरोग्य मंत्रालयाच्या आकडेवारीनुसार, देशात गेल्या 24 तासांत 6 हजार 422 नवीन रुग्णांची नोंद झाली आहे.

Coronavirus Cases Today in India

Coronavirus Cases Today in India : देशातील कोरोनाचा आलेख पुन्हा एकदा वाढताना दिसत आहे. सलग दुसऱ्या दिवशी देशातील कोरोनाबाधितांच्या संख्येत वाढ झाली आहे. देशात गेल्या 24 तासांत नोंद झालेल्या नवीन कोरोना रुग्णांची संख्या सहा हजारांच्या पलिकडे गेली आहे. केंद्रीय आरोग्य मंत्रालयाच्या आकडेवारीनुसार, देशात बुधवारी दिवसभरात 6 हजार 422 नवीन रुग्णांची नोंद झाली आहे. तसेच गेल्या 24 तासांत 34 रुग्णांचा मृत्यू झाला आहे. आधीच्या दिवसाच्या तुलनेत कोरोना रुग्णांचे प्रमाण वाढले आहे. देशात मंगळवारी दिवसभरात 5 हजार 108 नवीन कोरोना रुग्णांची नोंद झाली. त्यामुळे बुधवारी रुग्णसंख्येत 1 हजार 314 रुग्णांची वाढ झाली आहे.

देशात एकूण 5 लाख 28 हजार 250 रुग्णांचा मृत्यू

भारतात बुधवारी दिवसभरात 34 रुग्णांचा मृत्यू झाला आहे. देशात कोरोना महामारी पसरण्यास सुरुवात झाल्यापासून आतापर्यंत एकूण 5 लाख 28 हजार 250 रुग्णांचा मृत्यू झाला आहे. देशात गेल्या 24 तासांत 5 हजार 748 रुग्ण कोरोना संसर्गातून बरे झाले आहेत. सध्या देशातील सक्रिय रुग्णांचे प्रमाण 0.1 टक्के आहे. तर कोरोना रुग्ण बरे होण्याचे प्रमाण 98.71 टक्के आहे. केंद्रीय आरोग्य मंत्रालयाच्या आकडेवारीनुसार, देशात सध्या 46 हजारांहून जास्त उपचाराधीन रुग्ण आहेत. सध्या देशात 46 हजार 389 सक्रिय कोरोना रुग्ण आहेत.

#COVID19 | India reports 6,422 fresh cases and 5,748 recoveries, in the last 24 hours.

Active cases 46,389
Daily positivity rate 2.04% pic.twitter.com/0P04hujg8N

— ANI (@ANI) September 15, 2022

महाराष्ट्रात बुधवारी 881 रुग्णांची नोंद

महाराष्ट्रात 881 कोरोनाच्या नव्या रुग्णांची भर पडली तर 963 रुग्ण कोरोनामुक्त  झाले आहेत.  राज्यात बरे होण्याचे प्रमाण 98.11 टक्क्यांवर आले आहे.. तर राज्यात आजही नवीन कोरोना रुग्णांपेक्षा बरे होणाऱ्या रुग्णांची संख्या जास्त आहे. राज्यात पाच कोरोनाबाधित रुग्णांच्या मृत्यूची नोंद झाली आहे. राज्यातील मृत्यूदर हा 1.82 टक्के इतका झाला. तर आतापर्यंत राज्यामध्ये 79,59,133 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 98.11 टक्के इतकं झालं आहे. 

#AmritMahotsav#Unite2FightCorona#LargestVaccineDrive

𝗖𝗢𝗩𝗜𝗗 𝗙𝗟𝗔𝗦𝗛https://t.co/BIrdYP6Ytb pic.twitter.com/kMamH1Sd0q

— Ministry of Health (@MoHFW_INDIA) September 15, 2022

महत्त्वाच्या इतर बातम्या