BJP Candidates List 2024 : भाजपचा एकमेव 'सलाम'! भाजपच्या पहिल्या यादीत स्थान मिळालेले एकमेव मुस्लिम उमेदवार कोण आहेत?

BJP Candidates List 2024 : भाजपने पहिल्या यादीमध्ये चकवा देताना केरळमधील मलप्पुरममधून डॉ. अब्दुल सलाम या एकमेव मुस्लिम उमेदवाराला उमेदवारी दिली आहे.

Who is Abdul Salam

BJP Candidates List 2024 : भारतीय जनता पक्षाने (भाजप) आगामी लोकसभा निवडणुकीसाठी आज (2 मार्च) 195 उमेदवारांची पहिली यादी जाहीर केली. भाजपने पहिल्या यादीमध्ये चकवा देताना केरळमधील मलप्पुरममधून डॉ. अब्दुल सलाम या एकमेव मुस्लिम उमेदवाराला उमेदवारी दिली आहे. 2024 च्या लोकसभा निवडणुकीसाठी भाजपच्या उमेदवारांची पहिली यादी जाहीर झाली आहे. कालिकत विद्यापीठाचे माजी कुलगुरू अब्दुल सलाम भाजपकडून मलप्पुरममधून लोकसभा निवडणूक लढवणार आहेत आगामी लोकसभा निवडणुकीसाठी भाजपने195 उमेदवारांच्या पहिल्या एक मुस्लिम चेहरा उभा केला आहे. कालिकत विद्यापीठाचे माजी व्ही-सी अब्दुल सलाम हे केरळच्या मलप्पुरममधून निवडणूक लढवणार आहेत.

केरळमधील 12 जागांसाठी उमेदवार जाहीर करण्यात आले आहेत. भाजपच्या केंद्रीय नेतृत्वाने नवी दिल्लीत बोलावलेल्या पत्रकार परिषदेत पक्षाचे सरचिटणीस विनोद तावडे यांनी उमेदवाराची घोषणा केली. राष्ट्रीय नेतृत्वाने केरळसह देशातील 195 जागांसाठी उमेदवार जाहीर केले आहेत. उमेदवारांच्या यादीवर चर्चा करण्यासाठी भाजपच्या केंद्रीय निवडणूक समितीची काल दिल्लीत बैठक झाली. या बैठकीला नरेंद्र मोदी, अमित शहा, राजनाथ सिंह, पक्षाध्यक्ष जेपी नड्डा आदी उपस्थित होते.

कोण आहे अब्दुल सलाम?

• अब्दुल सलाम हे मूळचे तिरूर, केरळचे आहेत.
• त्यांच्या LinkedIn प्रोफाइलनुसार, 2018 पर्यंत, त्यांनी 153 शोधनिबंध, 15 पुनरावलोकन लेख आणि 13 पुस्तके जैविक विज्ञानात प्रकाशित केली आहेत.
• 2019 मध्ये त्यांनी भाजपमध्ये प्रवेश केला.
• 2021 च्या केरळ विधानसभा निवडणुकीत, त्यांनी 135 नेमोम मतदारसंघातून निवडणूक लढवली.
• अब्दुल सलाम यांनी 2011 ते 2015 पर्यंत कालिकत विद्यापीठाचे कुलगुरू म्हणून काम केले.
• लाईव्ह हिंदुस्ताननच्या वृत्तानुसार त्यांची एकूण संपत्ती 6.47 कोटी आहे, 
• त्यांच्याविरुद्ध कोणतेही गुन्हे नोंदवलेले नाहीत, असे अहवालात नमूद करण्यात आले आहे.

केरळमध्ये कुठून कोणाकडे तिकीट? 

1 कासारगोड लोकसभा मतदारसंघ – एमएल अश्विनी
2 कन्नूर लोकसभा मतदारसंघ - सी. रघुनाथ
3 वडकारा लोकसभा मतदारसंघ - प्रफुल्ल कृष्णा
4 वायनाड लोकसभा मतदारसंघ -
5 कोझिकोड लोकसभा मतदारसंघ - एमटी रमेश
6 मलप्पुरम लोकसभा मतदारसंघ - डॉ. अब्दुल सलाम
7 पोन्नानी लोकसभा मतदारसंघ - निवेदिता सुब्रमण्यम
8 पलक्कड लोकसभा मतदारसंघ - सी कृष्णकुमार
9 अलाथूर लोकसभा मतदारसंघ -
10 त्रिशूर लोकसभा मतदारसंघ - सुरेश गोपी
11 चालकुडी लोकसभा मतदारसंघ -
12 एर्नाकुलम लोकसभा मतदारसंघ -
13 इडुक्की लोकसभा मतदारसंघ -
14 कोट्टायम लोकसभा मतदारसंघ -
15 अलप्पुझा लोकसभा मतदारसंघ - शोभा सुरेंद्रन
16 मावेलीकारा लोकसभा मतदारसंघ -
17 पथनामथिट्टा लोकसभा मतदारसंघ - अनिल अँटनी
18 कोल्लम लोकसभा मतदारसंघ -
19 अटिंगल लोकसभा मतदारसंघ – व्ही मुरलीधरन
20 तिरुवनंतपुरम लोकसभा मतदारसंघ - राजीव चंद्रशेखरन

दरम्यान, भारतीय जनता पक्षाने पहिल्या यादीत उत्तर प्रदेशातील 80 जागांपैकी 51 जागांसाठी उमेदवारांची नावे जाहीर केली आहेत. त्याच वेळी, पश्चिम बंगालमध्ये 26, मध्य प्रदेशात 24, राजस्थानमध्ये 15, केरळमध्ये 12, तेलंगणात 9, आसाममध्ये 11, गुजरातमध्ये 15, झारखंडमध्ये 11, दिल्लीत 5, जम्मू आणि 2 जागा आहेत. काश्मीरमध्ये 3, उत्तराखंडमध्ये 3. याशिवाय छत्तीसगड, गोवा, अंदमान आणि दमण दीवमध्ये प्रत्येकी 1 जागेसाठी नावं जाहीर करण्यात आली आहेत.

29 फरवरी, 2024 को प्रधानमंत्री श्री @narendramodi की गरिमामयी उपस्थिति और श्री @JPNadda की अध्यक्षता में आयोजित केंद्रीय चुनाव समिति की बैठक में आगामी लोकसभा चुनाव हेतु 195 लोकसभा सीटों के लिए बीजेपी उम्मीदवार के नामों पर मंजूरी दी गई। (1/4) pic.twitter.com/Wv8yVYnegK

— BJP (@BJP4India) March 2, 2024

इतर महत्वाच्या बातम्या