मेव्हणीशी रात्रीत वाद पेटला अन् थेट शीर धडावेगळं केलं; तेच शीर डाव्या हातात घेऊन निवांत रस्त्याने चालत मंदिरात अन् जयकाराचा जप
South 24 Pargana Temple Murder : घटनेचा व्हिडिओ सोशल मीडियावर व्हायरल होत आहे. व्हिडिओमध्ये आरोपी उजव्या हातात धारदार शस्त्र आणि डाव्या हातात कापलेले डोके धरून आहे.
South 24 Pargana Temple Murder : पश्चिम बंगालमधील दक्षिण 24 परगणा जिल्ह्यात, एक पुरूष त्याच्या मेहुणीचे कापलेले डोके घेऊन परिसरात फिरताना दिसला. स्थानिकांनी पोलिसांना याची माहिती दिली, त्यानंतर आरोपीला अटक करण्यात आली आहे. या संपूर्ण घटनेचा व्हिडिओ सोशल मीडियावर व्हायरल होत आहे. व्हिडिओमध्ये आरोपी उजव्या हातात धारदार शस्त्र आणि डाव्या हातात कापलेले डोके धरून आहे. तो एका मंदिरासमोर जयकाराचा जप करतानाही दिसत आहे. एका वरिष्ठ पोलिस अधिकाऱ्याने सांगितले की, ही घटना बसंती पोलिस स्टेशन परिसरातील भरतगड गावात घडली. शुक्रवारी रात्री आरोपीचे त्याच्या मेहुणीशी भांडण झाले. रागाच्या भरात त्याने धारदार विळ्याने आपल्या मेहुणीचे डोके शरीरापासून वेगळे केले.
तपासासाठी फॉरेन्सिक टीम आली
पोलिसांनी सांगितले की, आम्ही घटनेची चौकशी करत आहोत. घटनास्थळी फॉरेन्सिक टीम पाठवण्यात आली आहे. महिलेचा मृतदेह पोस्टमॉर्टमसाठी पाठवण्यात आला आहे. हत्येत वापरलेले शस्त्र देखील आरोपीकडून जप्त करण्यात आले आहे.
आसाममध्ये पतीने पत्नीचा शिरच्छेद केला
दरम्यान, काही दिवसांपूर्वी आसाममध्ये एका 60 वर्षीय वृद्धाने आपल्या पत्नीचा शिरच्छेद केला होता. तो कापलेले डोके घेऊन सायकलवरून पोलिस ठाण्यात पोहोचला आणि आत्मसमर्पण केले. ही घटना 19 एप्रिलच्या रात्री चिरांग जिल्ह्यात घडली होती. पोलिसांनी सांगितले की, आरोपी बितीश हाजोंगने धारदार शस्त्राने आपल्या पत्नीचे डोके चिरले आणि नंतर सायकलवरून पोलिस ठाण्यात पोहोचला. त्याने आपल्या पत्नीचे कापलेले डोके सायकलच्या टोपलीत ठेवले. पोलिसांनी सांगितले की, आरोपी बितीश हा रोजंदारीवर काम करणारा कामगार आहे. त्याच्या आणि त्याच्या पत्नीमध्ये भांडणे होत होती, ज्यामुळे बितीशने त्याच्या पत्नीची हत्या केली. एका शेजाऱ्याने सांगितले की, बितीश शनिवारी रात्री कामावरून घरी परतल्यानंतर दोघांमध्ये मोठी भांडणे झाली. दोघेही दररोज किरकोळ कारणांवरून भांडत असत.
इतर महत्वाच्या बातम्या
महत्त्वाच्या बातम्या
