Ahmedabad Plane Crash: 1:10 वाजता बोर्डिंग, 1:17 वाजता टेकऑफ, काही मिनिटांतच एअर इंडियाचे विमान कोसळले, अपघाताची टाइमलाइन आली समोर
Ahmedabad Plane Crash: गुजरातमधील अहमदाबाद येथे एअर इंडियाचे विमान उड्डाणानंतर लगेचच कोसळले. या विमानाच्या टेकऑफनंतर काही वेळातच हे विमान कोसळलं आणि भीषण दुर्घटना झाली आहे.
Air India Plane Crash: गुजरातमधील अहमदाबादमध्ये मोठी दुर्घटना घडली आहे. अहमदाबादमध्ये एअर इंडियाचे विमान उड्डाणानंतर लगेचच कोसळले यामध्ये अनेक जण दगावल्याची शक्यता वर्तवली जात आहे. या विमानाच्या अपघातानंतर विमानाने पेट घेतला. परिसरात मोठ्या प्रमाणावर धुराचे लोट पसरले आहेत.
अपघाताची संपूर्ण वेळ
दुपारी 1.10 - बोर्डिंग पूर्ण, टेकऑफची तयारी
एअर इंडियाचे विमान एआय-171 अहमदाबादहून लंडनला जाणार होते. सर्व 242 प्रवासी विमानात होते आणि विमान धावपट्टीवर टेकऑफसाठी तयार होते.
दुपारी 1.17 – टेकऑफ
विमानाने अहमदाबाद विमानतळावरून उड्डाण केले. सुरुवातीचे काही मिनिटे उड्डाण सामान्य होते.
विमानात एकूण 242 लोक होते
विमानात एकूण 242 लोक होते, ज्यात 230 प्रौढ, 2 मुले आणि 12 क्रू मेंबर्स (10 केबिन क्रू आणि 2 पायलट) होते. अपघाताच्या वेळी विमान पायलट-इन-कमांड सुमित सभरवाल आणि सह-पायलट क्लाइव्ह कुंदर यांच्या नेतृत्वाखाली होते. अपघातानंतर विमानतळावरील आपत्कालीन पथकाने बचावकार्य सुरू केले आहे. घटनास्थळापासून दूरवर धुराचे लोट दिसत आहेत. मेघानीनगरमधील अनेक इमारतींचे नुकसान झाले आहे. मदत आणि बचाव कार्य युद्धपातळीवर सुरू आहे.
डीजीसीए, डीएडब्ल्यू, एडीएडब्ल्यू आणि एफओआयचे वरिष्ठ अधिकारी आधीच अहमदाबादमध्ये उपस्थित होते. ते या अपघाताशी संबंधित सर्व माहिती गोळा करत आहेत आणि तपास प्रक्रिया सुरू करण्यात आली आहे. एनडीआरएफच्या मते, गांधीनगरहून एनडीआरएफ तीन पथके विमान अपघातस्थळी पाठवण्यात आली आहेत, ज्यामध्ये 90 कर्मचारी आहेत. वडोदराहून आणखी तीन पथके पाठवण्यात येत आहेत.
अमित शाह यांनी अपघाताची घेतली माहिती
केंद्रीय गृहमंत्री अमित शाह यांनी गुजरातचे मुख्यमंत्री भूपेंद्र पटेल यांच्याशी या दुर्घटनेबाबत चर्चा केली आहे. त्यांच्याकडून एअर इंडिया विमान अपघाताची माहिती घेतली आहे. केंद्र सरकारने सर्वतोपरी मदत करण्याचे आश्वासन दिले आहे.
गुजरातचे माजी मुख्यमंत्री देखील विमानात
गुजरातचे माजी मुख्यमंत्री विजय रूपाणी देखील हे देखील विमानात होते. विजय रूपाणी लंडनला जात होते. ते त्यांच्या कुटुंबाला भेटण्यासाठी लंडनला जात होते. त्यांच्या पत्नी आणि मुलीसह त्यांचे अनेक नातेवाईक लंडनमध्ये राहतात, ज्यांना ते भेटणार होते.
नेमकं काय घडलं?
आज(गुरूवारी, ता, 12) रोजी अहमदाबाद येथे मेसर्स एअर इंडियाच्या बी787 विमान व्हीटी-एएनबीला अपघात झाला. आज अपघात झाला त्यावेळी मेसर्स एअर इंडियाचे बी787 विमान व्हीटी-एएनबी अहमदाबादहून AI-171 उड्डाण करत असताना (अहमदाबाद ते गॅटविक) उड्डाण केल्यानंतर लगेचच क्रॅश झाले. विमानात 242 लोक होते ज्यात 2 पायलट आणि 10 केबिन क्रू होते. हे विमान कॅप्टन सुमित सभरवाल आणि फर्स्ट ऑफिसर क्लाइव्ह कुंदर यांच्या नेतृत्वाखाली उड्डाण करत होते. कॅप्टन सुमित सभरवाल हे एलटीसीचे 8200 तासांचा अनुभव असलेले विमानचालक आहेत. सह-वैमानिकाला 1100 तासांचा उड्डाणाचा अनुभव होता.
एटीसीनुसार, विमान अहमदाबादहून 1.39 भारतीय वेळेनुसार (0809 यूटीसी) धावपट्टी 23 वरून निघाले. त्यांनी एटीसीला मेडे कॉल दिला, परंतु त्यानंतर एटीसीने केलेल्या कॉलला विमानाने कोणताही प्रतिसाद दिला नाही. रनवे 23 वरून उड्डाण केल्यानंतर लगेचच विमान विमानतळाच्या बाहेर जमिनीवर कोसळले. अपघातस्थळावरून प्रचंड काळा धूर येत असल्याचे दिसून आले.
महत्त्वाच्या बातम्या
