दिल्लीत चुलत भावाकडून 8 महिन्यांच्या चिमुकलीवर बलात्कार

चिमुकलीची प्रकृती नाजूक ती व्हेंटिलेटरवर आहे. तिच्यावर कलावती सरन रुग्णालयात उपचार सुरु आहेत.

नई दिल्ली : राजधानी नवी दिल्लीत क्रूरकृत्याची परिसीमा गाठल्याची घटना समोर आली आहे. दिल्लीच्या शकूरबस्ती परिसरात आठ महिन्यांच्या मुलीवर बलात्कार झाल्याचं उघड झालं आहे. या प्रकरणी पोलिसांनी चिमुकलीच्या 28 वर्षांच्या चुलत भावाला सोमवारी रात्री उशिरा अटक केली. हे प्रकरण रविवारचं आहे. चिमुकलीची आई रविवारी रात्री कामावरुन घरी परतल्यानंतर तिला या घटनेबाबत समजलं. जखमी अवस्थेत मुलीला रुग्णालयात दाखल करण्यात असून ती व्हेटिंलेटरवर आहे. मुलीचं कुटुंब शकूरपूर वस्तीत राहतं. वडील मजुरी करतात तर आई इतरांच्या घरात धुण्या-भांड्यांचं काम करते. पोलिसांच्या माहितीनुसार, मुलीची आई रविवारी सकाळी तिला नातेवाईकांकडे ठेवून कामाला गेली. काही वेळाने मुलीचे वडीलही कामासाठी निघाले. संध्याकाळी आई कामावरुन परतली असता, मुलगी रडत होती, आणि तिच्या गुप्तांगांमधून रक्तस्राव सुरु होता.

I had left for work leaving my children at home. My wife works too. So she too left for work soon after. When she came back, she saw blood-soaked bed & clothes of the child. When she told this to her sister-in-law she made excuses. My child is in critical condition now: Father pic.twitter.com/CkFpuChUmh

— ANI (@ANI) January 30, 2018

मुलीची आई तिला आरोपीच्या आईकडे ठेवून कामाला गेली होती. तिच्यासोबत खेळण्याच्या बहाण्याने आरोपी तिला वरच्या मजल्यावर घेऊन गेला आणि तिच्यावर अत्याचार केले. आरोपीने चिमुकलीचं तोंड दाबून ठेवलं होतं, जेणेकरुन तिच्या रडण्याचा-ओरडण्याचा आवाज बाहेर जाऊ नये, असंही पोलिस म्हणाले. लैंगिक अत्याचाराबाबत पोलिसांनी केलेल्य प्राथमिक चौकशी आरोपीने गुन्हा दाखल केलं नाही आणि त्यानंतर तो पसार झाला. यामुळे पोलासांचा संशय बळावला आणि अखेर त्याला अटक करण्यात आली. आरोपी अविवाहित आहे. त्याच्याविरोधात आयपीसीच्या कलमांअंतर्गत आणि पॉक्सो कायद्याअंतर्गत सुभाष पोलिस स्टेशनमध्ये गुन्ह्याची नोंद झाली आहे. चिमुकलीची प्रकृती नाजूक ती व्हेंटिलेटरवर आहे. तिच्यावर कलावती सरन रुग्णालयात उपचार सुरु आहेत.