![ABP Premium](https://cdn.abplive.com/imagebank/Premium-ad-Icon.png)
Budh Purnima 2023: बुध्द पौर्णिमा उत्सव, हिंगोलीतील कायदा-सुव्यवस्थेची परिस्थिती हाताळण्याठी विशेष कार्यकारी दंडाधिकाऱ्यांची नियुक्ती
Hingoli News : कायदा आणि सुव्यवस्थेचा प्रश्न हाताळण्यासाठी जिल्ह्यातील 13 पोलीस स्टेशनसाठी प्रत्येकी एक याप्रमाणे 13 विशेष कार्यकारी दंडाधिकारी यांची नियुक्ती करण्यात आली आहे.
![Budh Purnima 2023: बुध्द पौर्णिमा उत्सव, हिंगोलीतील कायदा-सुव्यवस्थेची परिस्थिती हाताळण्याठी विशेष कार्यकारी दंडाधिकाऱ्यांची नियुक्ती Maharashtra News Hingoli District Budh Purnima 2023 Appointment of Special Executive Magistrates to handle law and order situation in Hingoli Budh Purnima 2023: बुध्द पौर्णिमा उत्सव, हिंगोलीतील कायदा-सुव्यवस्थेची परिस्थिती हाताळण्याठी विशेष कार्यकारी दंडाधिकाऱ्यांची नियुक्ती](https://feeds.abplive.com/onecms/images/uploaded-images/2023/05/05/2a1c458db31a8cdc1cafd3ce8ccebcc41683262408000737_original.jpg?impolicy=abp_cdn&imwidth=1200&height=675)
Hingoli News : आज देशभरात बुध्द पोर्णिमा (Budh Purnima 2023) साजरी करण्यात येत आहे. दरम्यान या उत्सवानिमित्त हिंगोली जिल्ह्यात (Hingoli District) कॅन्डल मार्चचे आयोजन करण्यात येते. त्यामुळे या उत्सव काळात कायदा आणि सुव्यवस्था अबाधित ठेवण्याच्या दृष्टीने बंदोबस्त लावण्यात येतो. परंतु बुध्द पोर्णिमा काळात शुल्लक कारणावरुन अशांतता निर्माण होऊन कायदा आणि सुव्यवस्थेची परिस्थिती अचानक निर्माण होण्याची शक्यता आहे. अशाप्रकारे अचानक उद्भवलेल्या कायदा आणि सुव्यवस्थेच्या परिस्थितीस तोंड देण्यासाठी बंदोबस्तातील अधिकाऱ्यासोबत विशेष कार्यकारी दंडाधिकारी यांची आवश्यकता आहे. दरम्यान अशी परिस्थिती लक्षात घेऊन संपूर्ण हिंगोली जिल्ह्यात आज कायदा आणि सुव्यवस्थेचा प्रश्न हाताळण्यासाठी जिल्ह्यातील 13 पोलीस स्टेशनसाठी प्रत्येकी एक याप्रमाणे 13 विशेष कार्यकारी दंडाधिकारी यांची नियुक्ती जिल्हाधिकारी तथा जिल्हादंडाधिकारी जितेंद्र पापळकर यानी फौजदारी प्रक्रिया संहिता 1973 अन्वये नियुक्ती केली आहे.
जिल्ह्यातील 13 पोलीस स्टेशनसाठी प्रत्येकी एक याप्रमाणे 13 विशेष कार्यकारी दंडाधिकारी यांची नियुक्ती करण्यात आली आहे. ही नियुक्ती आजच्या एका दिवसासाठी असणार आहे. तसेच उपविभागीय अधिकारी तथा उपविभागीय दंडाधिकारी यांनी नेमून दिलेल्या पोलीस स्टेशनशिवाय त्यांच्या उपविभागावर दंडाधिकारी म्हणून नियंत्रण ठेवावे. तहसीलदार तथा तालुका कार्यकारी दंडाधिकारी यांनी त्यांना नेमून दिलेल्या पोलीस स्थानकाशिवाय त्यांच्या तालुक्यात कार्यकारी दंडाधिकारी म्हणून नियंत्रण ठेवावेत, असे आदेश जिल्हाधिकारी यांनी दिले आहेत.
विशेष कार्यकारी दंडाधिकारी यांची यादी...
- वसमत शहर आणि ग्रामीण पोलीस स्टेशनसाठी वसमतचे उपविभागीय अधिकारी तथा उपविभागीय दंडाधिकारी डॉ.सचिन खल्लाळ यांची
- हट्टा पोलीस स्टेशनसाठी वसमतचे तहसीलदार तथा तालुका दंडाधिकारी अरविंद बोळंगे
- कुरुंदा पोलीस स्टेशनसाठी वसमतचे महसूल विभागाचे नायब तहसीलदार विलास तेलंग
- हिंगोली शहर व ग्रामीण पोलीस स्टेशनसाठी उपविभागीय अधिकारी तथा उपविभागीय दंडाधिकारी उमाकांत पारधी
- नरसी नामदेव पोलीस स्टेशनसाठी हिंगोली तहसीलदार तथा तालुका कार्यकारी दंडाधिकारी नवनाथ वगवाड
- बासंबा पोलीस स्टेशनसाठी हिंगोली महसूल विभागाचे नायब तहसीलदार अनिता वडवळकर
- कळमनुरी पोलीस स्टेशनसाठी कळमनुरीच्या तहसीलदार तथा तालुका कार्यकारी दंडाधिकारी सुरेखा नांदे
- बाळापूर पोलीस स्टेशनसाठी कळमनुरी येथील महसूल विभागाचे नायब तहसीलदार पाठक
- औंढा नागनाथ पोलीस स्टेशनसाठी तहसीलदार तथा तालुका कार्यकारी दंडाधिकारी डॉ. कृष्णा कानगुले
- सेनगाव पोलीस स्टेशनसाठी तहसीलदार तथा तालुका कार्यकारी दंडाधिकारी मांडवगडे
- गोरेगाव पोलीस स्टेशनसाठी सेनगाव येथील महसूल विभागाचे नायब तहसीलदार डी. के. गायकवाड यांची नियुक्ती करण्यात आली आहे.
इतर महत्वाच्या बातम्या :
हिंगोली जिल्ह्यात आठ दिवसापासून अवकाळीचा कहर, भाजीपाला पिकांचं मोठं नुकसान; बळीराजा आर्थिक संकटात
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)