![metaverse](https://cdn.abplive.com/imagebank/metaverse-top.png)
Health Tips : डेंग्यूचा डास कसा असतो? दिवसातून कोणत्या वेळी तो सर्वात जास्त चावतो? जाणून घ्या
Health Tips : राजधानी दिल्लीत डेंग्यूचा सर्वात गंभीर प्रकार असलेल्या डेन-2 चे रुग्ण आढळून येत आहेत.
![Health Tips : डेंग्यूचा डास कसा असतो? दिवसातून कोणत्या वेळी तो सर्वात जास्त चावतो? जाणून घ्या Health Tips what is the dengue mosquito like and at what time of the day does it bite the most marathi news Health Tips : डेंग्यूचा डास कसा असतो? दिवसातून कोणत्या वेळी तो सर्वात जास्त चावतो? जाणून घ्या](https://feeds.abplive.com/onecms/images/uploaded-images/2023/09/26/27d4d66b469a3a1feb94eb77073db17e1695726555833247_original.png?impolicy=abp_cdn&imwidth=1200&height=675)
Health Tips : सध्या सगळीकडे डेंग्यूच्या (Dengue) रोगाने कहर केला आहे. या रूग्णांच्या संख्येत सातत्याने वाढ होत चालली आहे. राजधानी दिल्लीत डेंग्यूचा सर्वात गंभीर प्रकार असलेल्या डेन-2 चे रुग्ण आढळून येत आहेत. त्यामुळे डेंग्यू आणखी गंभीर होऊ शकतो अशी चिंता व्यक्त केली जातेय. या आजारापासून सर्वांनी सावध राहण्याचे आवाहन डॉक्टरांकडून करण्यात येत आहे. योग्य वेळी उपचार न केल्यास ते जीवघेणाही ठरू शकतो. डेंग्यूच्या डासांची वैशिष्ट्ये जाणून घेऊयात.
डेंग्यूचा मुख्य वाहक एडिस इजिप्ती नावाचा डास आहे. हा एक अतिशय खास प्रकारचा डास आहे.
- हा एक अतिशय लहान आकाराचा डास आहे, ज्याची लांबी फक्त काही मिलीमीटर आहे.
- या डासाचा रंग काळा आहे पण त्याच्या शरीरावर पांढर्या रंगाचे ठिपके देखील आहेत जे सहज ओळखण्यास मदत करतात.
- हा डास खूप वेगाने उडू शकतो आणि लांब अंतरापर्यंत पोहोचू शकतो.
- चावण्याची आणि रक्त शोषण्याची या डासाची खूप मजबूत क्षमता आहे.
- हा डास दिवसा देखील सक्रिय असतो, बहुतेक सकाळी आणि संध्याकाळी हा डास चावतो, अंदाजे सकाळी 7 ते 10 आणि संध्याकाळी 4 ते 6 या वेळेत हा डास चावण्याची शक्यता तीव्र असते.
- तो कोणत्याही ठिकाणी, अगदी घरामध्येही चावू शकतो.
- या डासाचे आयुष्य साधारणपणे 2 ते 4 आठवडे असते.
जाणून घ्या डेंग्यूचे डास दिवसा का सक्रिय असतात?
- दिवसाच्या वेळी, हे डास अगदी सहजपणे मानव आणि प्राण्यांपर्यंत पोहोचतात.
- दिवसा वातावरणात उष्णता असते ज्यामुळे त्यांच्या शरीराचे तापमान राखण्यास मदत होते.
- दिवसा जास्त वारा असतो जो या डासांसाठी अनुकूल असतो.
- दिवसा जास्त व्यायाम आणि हालचालींमुळे, मानवी त्वचेला जास्त घाम येतो ज्यामुळे डास आकर्षित होतात.
- दिवसभरात, डासांपासून दूर राहण्यासाठी मानव कमी काळजी घेतात, त्यामुळे हे डास जास्त चावतात.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
Health Tips : डेंग्यूचा संसर्ग वारंवार होऊ शकतो? हा संसर्ग कितपत घातक आहे? वाचा आरोग्य तज्ज्ञांचं मत
Check out below Health Tools-
Calculate Your Body Mass Index ( BMI )
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)