Coranavirus Updates: काळजी घ्या! राज्यात कोरोनाचा झपाट्याने फैलाव; गेल्या 24 तासांत 114 नव्या रुग्णांची नोंद, प्रशासनाकडून विशेष खबरदारी

Coranavirus Updates: महाराष्ट्रासह देशात कोरोना रुग्णांच्या संख्येत झपाट्याने वाढ होत असल्याचे बघायला मिळत आहे. पुण्यात 42 आणि मुंबईत 37 एक्टिव्ह केसेस (Coranavirus Updates) असल्याचे समोर आले आहेत.

covid19 cases in maharashtra

Source : ABP Majha

Corona Virus : महाराष्ट्रासह देशात कोरोना (Corona) रुग्णांच्या संख्येत झपाट्याने वाढ होत असल्याचे बघायला मिळत आहे. अशातच आता गेल्या 24 तासांत 114 नव्या रुग्णांची नोंद करण्यात आली आहे. परिणामी प्रशासनाकडून विशेष खबरदारी घेण्यात येत असून रुग्णांच्या संख्येत होणारी वाढ लक्षात घेता आरोग्य यंत्रणाही सतर्क झाली आहे. 

दरम्यान, काल (6 जून) 24 तासांमध्ये 98 नव्या रुग्णांची नोंद झाली असून, आज पुन्हा पुण्यात 42 आणि मुंबईत 37 एक्टिव्ह केसेस (Coranavirus Updates) असल्याचे समोर आले आहेत. शिवाय या दोन्ही महत्त्वाच्या शहरांप्रमाणेच राज्यातील इतरही जिल्ह्यात रुग्णांच्या संख्येत झपाट्याने वाढ होत असल्याने ही चिंतेची बाब मनाली जात आहे. सध्या महाराष्ट्रात 577 सक्रिय रुग्ण असून प्रशासनाकडून योग्य ती घेतली जात आहे. तर जानेवारी 2025 पासून मुंबईमधील एकूण रुग्ण रुग्णांची 612 वर पोहचली आहे. जानेवारी 2025 पासून आज पर्यंत सद्व्याधीने ग्रस्त असलेले 17  आणि  इतर 1 असे एकूण 18 रुग्ण दगावले असल्याची माहिती समोर आली आहे.

राज्यातील कोविडच्या रुग्णांची आकडेवारी

पुणे मनपा - 42 
मुंबई - 37
ठाणे मनपा- 1
नवी मुंबई मनपा-4 
कल्याण मनपा-3 
मीरा भायंदर 7 
पनवेल मनपा -7 
पुणे-2 
पिंपरी चिंचवड मनपा-6 
सातारा -1 
कोल्हापूर मनपा-1 
सांगली मनपा -1 
छ. संभाजीनगर-1 
परभणी मनपा-1 

परभणीत डॉक्टरला झाली कोरोनाची लागण, आरोग्य विभागाकडून कोरोना कक्ष सुरू 

देशासह महाराष्ट्रात कोरोना बाधितांची संख्या वाढलीय. याच अनुषंगाने राज्याच्या आरोग्य विभागाने प्रत्येक जिल्ह्यात कोरोना कक्षाची स्थापना करून तपासण्या करण्याचे निर्देश देण्यात आल्यानंतर परभणी जिल्ह्यात कोरोनाचा कक्ष सुरू करण्यात आला आहे. परभणीच्या जिल्हा सामान्य रुग्णालयात अँटी जेन तपासण्या केल्या जात आहे. याच तपासण्या दरम्यान पुण्याहून परभणीत आलेल्या एका डॉक्टरला कोरोनाची लागण झाली असल्याचे स्पष्ट झाले आहे.  त्यामुळे त्यांच्यावर उपचार सुरू आहेत. मात्र कुणीही घाबरून जाण्याचे कारण नाही. कोरोनाचा नवीन व्हेरीयंट हा घातक नसुन याचे सिम्टमस हे नार्मल आहे. परंतु नागरिकांनी काळजी घेतली पाहिजे, असे जिल्हा शल्य चिकित्सकांनी आवाहन केले आहे.

नागपुरात कोरोनामुळे एका रुग्णाचा मृत्यू

नागपुरात कोरोनामुळे एका रुग्णाचा मृत्यू झाल्याचे पुढे आले आहे. दगावलेला पुरुष संवर्गातील स्वाईन फ्लूचा 60 वर्षीय रुग्ण सावनेरचा होता . स्वाईन फ्लू सदृश लक्षणे असल्याने प्रथम नातेवाईकांनी त्यांना जवळच्या दवाखान्यात उपचार केले. परंतु, त्रास वाढतच असल्याने त्याला रुग्णालयात हलवले गेले. उपचारादरम्यान त्याचा मे महिन्याच्या शेवटी मृत्यू झाला. नागपुरातील हा स्वाईन फ्लूचा 2025 मधील पहिला मृत्यू आहे. याआधी दोन रुग्णाचा मृत्य झाला होता. मात्र दुर्धरआजाराने ग्रस्त होते. आरोग्य विभागाच्या पुणे कार्यालयातील नोंदणीनुसार नागपूर विभागातील सहा जिल्ह्यात या आजाराचे 1 जानेवारी ते 5  जून 2025 दरम्यानच्या काळात एकूण 27 रुग्ण आढळले. त्यापैकी सर्वाधिक 14  रुग्ण हे केवळ नागपूरच्या शहरी भागातील आहेत. तर नागपूर ग्रामीणलाही 6 रुग्ण नोंदवले गेले. त्यापैकी नागपूर ग्रामीणच्या एका रुग्णाचा मृत्यू झाला. तर गोंदिया जिल्ह्यात १ रुग्ण, चंद्रपूर जिल्ह्यात ३ रुग्ण, भंडारा जिल्ह्यात १ रुग्ण, गडचिरोली जिल्ह्यात १ रुग्ण नोंदवला गेला आहे. आढळलेल्या रुग्णांपैकी बरेच रुग्ण मे महिन्यात आढळले आहेत. तर बहुतांश रुग्ण बरे होऊन घरी पोहचल्याचा दावा आरोग्य विभागाने केला आहे.

इतर महत्वाच्या बातम्या