Pankaja Munde Dasara Melava 2024 : पंकजा मुंडेंच्या दसरा मेळाव्यातील बॅनरवरून भावाचा फोटो गायब; धनंजय मुंडे म्हणाले...

Pankaja Munde Dasara Melava 2024 : पंकजा मुंडे आणि धनंजय मुंडे हे तब्बल 12 वर्षांनंतर भगवानगडावरील दसरा मेळाव्यात एकत्र येणार आहेत.

Pankaja Munde and Dhananjay Munde

Source : ABP Majha

बीड : भाजपच्या विधान परिषदेच्या आमदार पंकजा मुंडे (Pankaja Munde) आणि कृषिमंत्री धनंजय मुंडे (Dhananjay Munde) हे तब्बल 12 वर्षांनंतर भगवानगडावरील दसरा मेळाव्यात (Dasara Melava 2024) एकत्र येणार आहेत. मात्र या दसरा मेळाव्यानिमित्त लावलेल्या बॅनरवर धनंजय मुंडे यांचे फोटो नसल्याने हा एक चर्चेचा विषय झाला आहे. आता यावर धनंजय मुंडे यांनी प्रतिक्रिया दिली आहे. 

राज्यात दसरा मेळाव्याची मोठी परंपरा आहे. दिवंगत गोपीनाथ मुंडे (Gopinath Munde) यांच्या भगवान गडावरील मेळाव्याकडे राज्यभराचे लक्ष वेधले जात होते. त्यांच्यानंतर पंकजा मुंडे यांनी सावरगाव घाट येथील भगवान भक्तीगडावर दसरा मेळावा सुरू केला. यात पंकजा यांच्यासोबत त्यांच्या दोन्ही बहिणी आणि राज्यातील अनेक ओबीसी नेते उपस्थिती लावतात. धनंजय मुंडे यांनी दिवंगत गोपीनाथ मुंडे यांच्याविरोधात भूमिका घेतल्यानंतर मुंडे घराण्यात फुट पडली होती. मात्र, राज्यातील बदलत्या समिकरणात भाजपा आणि अजित पवार गटाची राष्ट्रवादी सत्तेत सोबत आली आहे. लोकसभेसाठी निवडणुकीच्या दरम्यान पंकजा मुंडे आणि त्यांचे भाऊ धनंजय मुंडे हे अनेक वर्षांनी एकत्र आल्याचे पाहायला मिळाले.  

फोटो कुठे असावे आणि नसावे हे फार महत्त्वाचे नाही : धनंजय मुंडे

यानंतर आज सावरगाव घाट येथे पंकजा मुंडे यांचा दसरा मेळावा पार पडत आहे. या मेळाव्याला धनंजय मुंडे तब्बल 12 हजेरी लावणार आहेत. मात्र या दसरा मेळाव्यानिमित्त लावलेल्या बॅनरवर धनंजय मुंडे यांचे फोटो नसल्याने यबाबत राजकीय वर्तुळात अनेक तर्कवितर्क लावले जात आहेत. याबाबत धनंजय मुंडे यांना विचारले असता ते म्हणाले की, माझ्यासारखा भगवान बाबांचा एक भक्त. कुठला फोटो कुठे असावा यासाठी नाही तर बाबांची भक्ती आपण व्यक्त आणि करावी, त्यासाठी आपण तिथे जात आहे. फोटो कुठे असावे आणि नसावे हे फार महत्त्वाचे नाही, असे प्रतिक्रिया त्यांनी यावेळी दिली. 

काय म्हणाल्या पंकजा मुंडे? 

धनंजय मुंडे आणि पंकजा मुंडे 12 वर्षांनी दसरा मेळाव्यासाठी एकत्र येत आहेत. याबाबत पंकजा मुंडे यांना विचारले असता त्या म्हणाल्या की, मी आणि धनंजय मुंडे अनेक वेळा एकत्र आलो आहे. दसरा मेळावा आम्ही कधीच एकत्र करायचं कारण नव्हतं. कारण मी गेल्या दहा वर्षापासून दसरा मेळावा करत आहे. त्याआधी मुंडे साहेब दसरा मेळावा करायचे. त्यावेळी आम्ही दोघेही भाषण करत नाही. आम्ही अनेकदा एकत्र येतो. आम्ही अनेक मंचावर एकत्र आलो आहोत. आम्ही अनेक सभा एकत्र घेतल्या आहेत. त्यामुळे हा मुद्दा आमच्यासाठी काही नवीन नाही, अशी प्रतिक्रिया त्यांनी दिली आहे.   

आणखी वाचा