Beed : वाल्मिक अण्णाच्या बातम्या मोबाईलवर का पाहतोस? तरुणाला बेदम मारहाण, 'संतोष देशमुख' करण्याची धमकी
Santosh Deshmukh Murder Case : धारूर गावातील एक तरूण संतोष देशमुख हत्या संबंधित बातम्या पाहत असताना त्याला मारहाण करण्यात आली आहे. या प्रकरणी पोलिस ठाण्यात गुन्हा नोंदवण्यात आला आहे.
बीड : वाल्मिक कराडच्या बातम्या (Walmik Karad News) मोबाईलवर का पाहतोस असं विचारत दोघांनी एका तरुणाला बेदम मारहाण केल्याची घटना बीडमधील धारूर गावात घडली. यापुढे वाल्मिक अण्णाच्या बातम्या आणि व्हिडीओ पाहिले तर तुझा पण संतोष देशमुख (Santosh Deshmukh Murder Case) करू अशी धमकीही त्यांनी दिली. अशोक मोहिते असं मारहाण झालेल्या तरुणाचे नाव असून त्याच्यावर अंबाजोगाईतील शासकीय रुग्णालयात उपचार सुरू आहेत. तर वैजनाथ बांगर आणि अभिषेक सानप असं मारहाण करणाऱ्या आरोपींची नावं आहेत.
अशोक शंकर मोहिते हा त्याच्या मोबाईलवर सरपंच संतोष देशमुख हत्या प्रकरणाशी संबंधित बातम्या पाहत होता. यादरम्यान वैजनाथ बांगर आणि अभिषेक सानप त्या ठिकाणी आले. वाल्मिक अण्णाच्या बातम्या का पाहतोस असा त्यांनी जाब विचारला. या दोघांनीही अशोक मोहितेला शिवीगाळ करून लाथा बुक्क्याने मारहाण केली. यापुढे जर मुंडे साहेबांच्या आणि वाल्मिक अण्णाच्या बातम्या आणि व्हिडीओ पाहिले तर तुझा पण संतोष देशमुख करू अशी धमकी त्यांनी दिली.
याप्रकरणी जखमी तरुणावर रुग्णालयात उपचार सुरू असून धारूर पोलिस ठाण्यात आरोपींविरोधात गुन्हा दाखल करण्यात आला आहे.
बीडमध्ये आधीच जातीय तणाव निर्माण झाला असताना पुन्हा अशा प्रकारच्या घटना सातत्याने घडताना दिसत आहेत. कायदा आणि सुव्यवस्था राखण्यासाठी अशा असामाजिक घटकांवर पोलिसांनी नियंत्रण आणावं अशी मागणी आता सर्व स्तरातून केली जात आहे.
कृष्णा आंधळे अद्याप फरार
संतोष देशमुख यांच्या हत्येला आता दोन महिने होत आहेत. पण अजूनही कृष्णा आंधळे नावाच्या आरोपीला बेड्या ठोकण्यात सीआयडीला यश आलं नाही. शिवाय मनोज जरांगेंच्या आरोपानुसार आंधळेलाल धनंजय मुंडेंनी लपवलं असून तो आजूबाजूच्या जिल्ह्यातच आहे. धनंजय देशमुख यांच्या आरोपानुसार त्याच्याकडे काहीतरी घबाड आहे. त्यामुळे त्याला अटक होत नसल्याचं म्हटलं आहे.
संतोष देशमुखांच्या हत्येनंतर सुदर्शन घुले, सुधीर सांगळे आणि कृष्णा आंधळे एकत्रच फरार झाले होते. पैशांची जुळवाजुळव करण्यासाठी कृष्णा महाराष्ट्रात परतला. पण त्याची वाट न बघता 4 जानेवारीला घुले आणि सांगळे पुण्यात आले आणि पोलिसांच्या जाळ्यात सापडले. पण कृष्णा काही हाती आला नाही. एसआयटी आणि सीआयडीची 10-12 पथकं, दीडशे पेक्षा जास्त कर्मचारी तपास करत असूनही कृष्णा आंधळे अद्याप सापडत का नाही हा प्रश्न कायम आहे.
ही बातमी वाचा :
Before You Go
Pawar Family Special Report : बारामतीकडे लक्ष द्या, बारामतीकरांनी थेट लिहलं पवार कुटुंबाला पत्र
महत्त्वाच्या बातम्या
