Ola S1 इलेक्ट्रिक स्कूटर भारतात लॉन्च, सिंगल चार्जवर धावणार 141 Km

New Ola electric scooter: Ola Electric ने Ola S1 इलेक्ट्रिक स्कूटर भारतीय बाजारात लॉन्च केली आहे. ही स्कूटर 99,999 रुपये (एक्स-शोरूम) च्या किमतीत लॉन्च करण्यात आली आहे.

Ola Electric

New Ola electric scooter: Ola Electric ने Ola S1 इलेक्ट्रिक स्कूटर भारतीय बाजारात लॉन्च केली आहे. ही स्कूटर 99,999 रुपये (एक्स-शोरूम) च्या किमतीत लॉन्च करण्यात आली आहे. स्कूटरवर FAME-2 इलेक्ट्रिक वाहन सबसिडी लागू झाल्यास याची एक्स-शोरूम किंमत 1 लाख रुपयांपेक्षा कमी असेल. कंपनीने Ola S1 ई-स्कूटरची 499 रुपयांमध्ये बुकिंग सुरू केली आहे. ओला इलेक्ट्रिकच्या अधिकृत वेबसाइटवरून ही स्कूटर बुक केली जाऊ शकते (https://book.olaelectric.com/).

बुकिंग केल्यानंतर 2 सप्टेंबरपासून ही स्कूटर ग्राहकांना खरेदी करता येईल. कंपनी 7 सप्टेंबरपासून स्कूटरची होम डिलिव्हरी सुरू करणार आहे. Ola S1 Ola S1 Pro चे हाय रेंज मॉडेल भारतीय बाजारात आधीच उपलब्ध आहे. कंपनी फक्त 2,999 रुपये प्रति महिना EMI वर स्कूटर खरेदी करणाऱ्यांना देत आहे.

कशी आहे डिझाइन?

डिझाइनच्या बाबतीत Ola S1 S1 Pro सारखीच दिसते आणि या प्लॅटफॉर्मवर आधारित आहे. Ola S1 चे S1 Pro सारखेच स्लीक बॉडी आहे. याशिवाय जेट ब्लॅक, लिक्विड सिल्व्हर, पोर्सिलेन व्हाइट, कोरल ग्लॅम आणि निओ मिंट या पाच रंगांमध्ये इलेक्ट्रिक स्कूटर विक्रीसाठी उपलब्ध असेल.

141 किमी रेंज 

कंपनीचा दावा आहे की, Ola S1 इलेक्ट्रिक स्कूटरची ARAI प्रमाणित रेंज 141 किमी आहे. साधारणपणे रस्त्यावर ही स्कूटर 128 किमीची रेंज सहज देऊ शकते. S1 प्रो प्रमाणेच S1 चालवण्‍याची मजा येईल असे ओलाचे म्हणणे आहे. कंपनीने दिलेल्या माहितीनुसार, S1 Pro ची टॉप स्पीड 95 किमी/तास आहे. ज्यामुळे ही स्कूटर हायवेवर देखील सहज चालवता येते. ही स्कूटर केवळ 3.8 सेकंदात 0 ते 100 किमी/ताशी वेग पकडू शकते.

Ola S1 स्कूटरमध्ये MoveOS 3 ही लेटेस्ट ऑपरेटिंग सिस्टम अपडेट केली जात आहे. कंपनीचे म्हणणे आहे की, या अपडेटमध्ये ग्राहकांकडून मिळालेल्या फीडबॅकच्या आधारे ऑपरेटिंग सिस्टममध्ये बदल करण्यात आले आहेत. MoovOS 3 अनेक नवीन फीचर्स देण्यात आले आहेत. 

ओलाने S1 प्रो लाही नवीन रंगात S1 लॉन्च केली आहे. कंपनीने नवीन खाकी रंगात S1 Pro ई-स्कूटर लॉन्च केली आहे. हा फ्रीडम एडिशन रंग आहे, ज्यासह स्कूटर आता एकूण 11 रंगांमध्ये उपलब्ध आहे. दरम्यान, ओला इलेक्ट्रिक तामिळनाडूतील किशनगिरी येथे जगातील सर्वात मोठा दुचाकी कारखाना उभारत आहे. कंपनी या कारखान्यात इलेक्ट्रिक वाहनांसाठी देशातील सर्वात मोठा सेल उत्पादन प्रकल्प उभारत आहे. या कारखान्यामुळे इलेक्ट्रिक वाहनांमध्ये वापरल्या जाणाऱ्या लिथियम-आयन बॅटरीसाठी देश स्वयंपूर्ण होईल, असा कंपनीचा दावा आहे. ओला लवकरच या कारखान्यात इलेक्ट्रिक कारचे उत्पादन सुरू करणार आहे.