Toyota Fortuner 2023: नवीन फॉर्च्युनर पुढील वर्षी होणार लॉन्च, जाणून घ्या संपूर्ण माहिती
Toyota Fortuner Upcoming New Car 2023 : टोयोटा पुढील वर्षी आपली नवीन नेक्स्ट जनरेशन फॉर्च्युनर भारतात लॉन्च करण्याच्या तयारीत आहे.
Toyota Fortuner Upcoming New Car 2023 : टोयोटा पुढील वर्षी आपली नवीन नेक्स्ट जनरेशन फॉर्च्युनर भारतात लॉन्च करण्याच्या तयारीत आहे. तसेच ही कार कंपनीकडून यावर्षी जागतिक स्तरावर अनव्हील होण्याची अपेक्षा आहे. Fortune ही भारतातील आणि आशियातील इतर बाजारपेठांमधील टोयोटाच्या उत्पादनांच्या यादीतील सर्वात महत्त्वाची SUV आहे. यामध्ये अनेक बदल पाहायला मिळतील. नवीन फॉर्च्युनर मॉडेलच्या बेसमध्ये कोणतेही बदल केले जाणार नाहीत. लांब व्हीलबेसच्या बाबतीत, नवीन फॉर्च्युनर (Toyota Fortuner latest car) सध्याच्या व्हीलबेसपेक्षा मोठी आणि अधिक प्रशस्त असेल.
नवीन मॉडेलला लेक्सस सारखी डिझाइन आणि ग्रिलसह अधिक प्रीमियम लुक मिळेल. याशिवाय मोठ्या टच स्क्रीन आणि डिजिटल इन्स्ट्रुमेंट क्लस्टरसह आतील भागात आधुनिक बदल पाहायला मिळतील. तसेच ही कार पॅनोरॅमिक सनरूफ, एडीएएस फीचर्ससह सुसज्ज असेल. नेक्स्ट जनरेशन प्रीमियम एसयूव्हीच्या जास्तीत जास्त फीचर्ससह सुसज्ज असण्यासोबतच ही कार अधिक आरामदायक असेल. यात ड्युअल झोन क्लायमेट कंट्रोल, कनेक्टेड कार तंत्रज्ञान आणि व्हॉइस असिस्टंट सारखे फीचर्स देखील मिळू शकतात.
नवीन जनरेशन फॉर्च्युनर आता नियमित डिझेल इंजिनऐवजी सौम्य हायब्रिड डिझेल पॉवरट्रेनचा कंपनी वापर करू शकते. यासोबतच हायब्रीडसह पेट्रोल इंजिनही मिळेल. यात लो-रेंज गिअरबॉक्स प्रमाणेच 4x4 मिळेल. तसेच हेवी हायड्रॉलिक युनिटच्या जागी इलेक्ट्रिक स्टिअरिंगचा वापर केला जाईल. या फीचर्ससह टोयोटा पुढील वर्षी नवीन फॉर्च्युनर भारतात लॉन्च करणार आहे. तसेच कंपनी पूर्वीप्रमाणेच आपल्या जुन्या मॉडेलची विक्री सुरू ठेवेल. जुन्या मॉडेलच्या तुलनेत नवीन मॉडेल जास्त महाग असू शकते.
महत्वाच्या बातम्या :
महत्त्वाच्या बातम्या
ट्रेंडिंग न्यूज
