Marathwada Rain News: मराठवाड्यात सरासरीच्या तुलनेत 100 मिलिमीटर अधिकचा पाऊस

Marathwada Rain News: सर्वाधिक 1046 मिलिमीटर पावसाची नोंद नांदेड जिल्ह्यात झाली आहे.

Marathwada Rain News

Marathwada Rain News: यंदा जुलै महिन्यातच पावसाने जोरदार हजेरी लावली असतानाच, मराठवाड्यात (Marathwada) अनेक भागात अतिवृष्टी (Heavy Rain) सुद्धा पाहायला मिळाली. त्यातच आता परतीच्या पावसाने जोरदार धुमाकूळ घातल्याने अनेक भागात मुसळधार पाऊस कोसळतांना पाहायला मिळाले. त्यामुळे यावर्षी मराठवाड्यात सरासरीच्या तुलनेत 100 मिलिमीटर अधिकचा पाऊस झाल्याची नोंद करण्यात आली आहे. मराठवाडा विभागाचे वार्षिक पर्जन्यमान 679 मिलिमीटर असून, त्याच्या तुलनेत आत्तापर्यंत 772 मिलिमीटर पावसाची नोंद करण्यात आली आहे. त्यामुळे 114 मिलिमीटर अधिकच्या पावसाची नोंद करण्यात आली आहे. 

पहा कोणत्या जिल्ह्यात किती पाऊस... 

जिल्हा	वार्षिक सरासरी	झालेला पाऊस
औरंगाबाद	581 मिलिमीटर	661 मिलिमीटर
जालना	603 मिलिमीटर	785 मिलिमीटर
बीड	566 मिलिमीटर	673 मिलिमीटर
लातूर	706 मिलिमीटर	740 मिलिमीटर
उस्मानाबाद	603 मिलिमीटर	670 मिलिमीटर
नांदेड	814 मिलिमीटर	1046 मिलिमीटर
परभणी	761 मिलिमीटर	650 मिलिमीटर
हिंगोली	795 मिलिमीटर	890 मिलिमीटर
एकूण	679 मिलिमीटर	779 मिलिमीटर

अतिवृष्टीचा शेतकऱ्यांना फटका...

नेहमी कोरडा दुष्काळाच्या छायेत असणाऱ्या मराठवाड्यात गेल्या तीन वर्षांपासून अतिवृष्टी पाहायला मिळत आहे. याचा मोठा फटका शेतकऱ्यांना बसतांना पाहायला मिळत आहे. त्यातच आता परतीच्या पावसाने पुन्हा धुमाकूळ घातला आहे. त्यामुळे कापूस,सोयाबीन सारख्या पिकांना याचा सर्वाधिक फटका बसत आहे. कापूस वेचणीला असतांना पावसाने भिजत आहे. तर सोयाबीनला अधिकच्या पावसाने कोंब फुटत आहे. 

महत्वाच्या बातम्या...