Ajay Devgn : 'सिंघम अगेन'च्या शूटिंगदरम्यान अजय देवगण जखमी; अॅक्शन सीक्वेंसदरम्यान दुखापत
Ajay Devgn : अभिनेता अजय देवगण 'सिंघम अगेन'च्या (Singham Again) शूटिंगदरम्यान जखमी झाला आहे. अॅक्शन सीक्वेंसदरम्यान त्याला दुखापत झाली आहे.
Ajay Devgn Injured Singham Again Shooting : बॉलिवूड अभिनेता अजय देवगण (Ajay Devgn) सध्या 'सिंघम अगेन' (Singham Again) या सिनेमामुळे चर्चेत आहे. या सिनेमातील कलाकारांचे पोस्टर आऊट झाल्यापासून 'सिंघम'चे चाहते या सिनेमाची आतुरतेने वाट पाहत आहेत. आता या सिनेमाच्या शूटिंगदरम्यान अजय देवगण जखमी झाला आहे. अॅक्शन सीक्वेंसदरम्यान त्याला दुखापत झाली आहे.
अजय देवगण सध्या त्याच्या आगामी 'सिंघम अगेन' या सिनेमाचं शूटिंग करत आहे. या सिनेमाच्या शूटिंगदरम्यान तो गंभीर जखमी झाला आहे. या सिनेमाच्या अॅक्शन सीक्वंसच्या शूटिंगदरम्यान अभिनेत्याला दुखापत झाली आहे.
शूटिंगदरम्यान अजय देवगणला दुखापत
बॉलिवूडचा लोकप्रिय सिने-दिग्दर्शक रोहित शेट्टी (Rohit Shetty) आणि त्याची टीम सध्या त्याच्या आगामी 'सिंघम अगेन' (Singham Again) या सिनेमाचं शूटिंग मुंबईतील विले पार्ले परिसरात करत होती. दरम्यान अॅक्शन सीन शूट करताना अभिनेत्याच्या डोळ्याला दुखापत झाली आहे. मीडिया रिपोर्टनुसार, अजय देवगण एक कॉम्बैट सीक्वेंस शूट करत होता. त्यावेळी त्यावेळी त्याच्या डोळ्याला दुखापत झाली आहे.
View this post on Instagram
अजय म्हणतो,"शो मस्ट गो ऑन"
मीडिया रिपोर्टनुसार,डोळ्याला दुखापत झाल्यानंतर अजय देवगणने थोडा वेळ ब्रेक घेतला. सेटवर डॉक्टरांनी त्याच्यावर उपचार केले. दरम्यान रोहितने खलनायकांवर आधारित असलेल्या काही दृश्यांचं शूटिंग पूर्ण केलं. कामाला प्राधान्य देणाऱ्या अभिनेत्यांमध्ये अजयची गणना होते. यंदादेखील त्याने आधी 'शो मस्ट गो ऑन' असं म्हणत शूटिंग पूर्ण केलं आहे.
अजयच्या आगामी सिनेमांबद्दल जाणून घ्या... (Ajay Devgn Upcoming Movies)
'सिंघम अगेन' या सिनेमाचं शूटिंग गेल्या अनेक दिवसांपासून सुरू आहे. रोहित शेट्टी (Rohit Shetty) या सिनेमाच्या दिग्दर्शनाची धुरा सांभाळत आहे. या सिनेमात अजय देवगण (Ajay Devgn) मुख्य भूमिकेत आहे. अजयसह करीना कपूर खान (Kareena Kapoor Khan) आणि दीपिका पादुकोणदेखील (Deepika Padukone) या सिनेमाचा भाग आहेत. रणवीर सिंह (Ranveer Singh) आणि अक्षय कुमारदेखील (Akshay Kumar) या सिनेमात महत्त्वाच्या भूमिकेत दिसणार आहेत. 'सिंघम अगेन'ची घोषणा झाल्यापासून चाहते या सिनेमाची प्रतीक्षा करत आहेत.
संबंधित बातम्या
Singham 3 : 'सिंघम 3'मधील बाजीराव सिंघमचा अंगावर शहारे आणणारा लूक आऊट; बॉक्स ऑफिस गाजवायला अजय देवगन सज्ज
महत्त्वाच्या बातम्या
