Air India Plane Crash: अहमदाबादमध्ये विमान कोसळले; विमानात एकूण 242 प्रवासी; अपघतानंतर एअर इंडियाची पहिली प्रतिक्रिया, म्हणाले..
Ahmedabad Plane Crash: गुजरातमधील अहमदाबादमध्ये एक मोठी विमान दुर्घटना घडली आहे. अहमदाबादच्या सरदार पटेल आंतरराष्ट्रीय विमानतळावरुन लंडनला जात असलेलं प्रवासी विमान मेघानीनगर परिसरात कोसळलं आहे.
Ahmedabad Plane Crash: गुजरातमधील अहमदाबादमध्ये एक मोठी विमान दुर्घटना (plane crash) घडली आहे. अहमदाबादच्या सरदार पटेल आंतरराष्ट्रीय विमानतळावरुन लंडनला जात असलेलं प्रवासी विमान (passenger aircraft) मेघानीनगर (Meghaninagar) परिसरात कोसळलं आहे. पुढे आलेल्या माहितीनुसार, रहिवासी परिसरात हे विमान कोसळल्याची प्राथमिक माहिती आहे. एअर इंडियाचं (Air India) एआय 171 (AI171) हे विमान असल्याचे बोललं जात आहे.
अपघतानंतर एअर इंडियाची पहिली प्रतिक्रिया, म्हणाले..
दरम्यान, या विमान अपघातावर एअर इंडियाने आता स्पष्टीकरण देत आपली पहिली प्रतिक्रिया दिली आहे. अहमदाबाद ते लंडन गॅटविक या विमानाने उड्डाण घेतलेली फ्लाइट AI171 ही आज, 12 जून 2025 रोजी एका दुर्घटनेत सामील झालं. सध्या, आम्ही तपशीलांची पडताळणी करत आहोत आणि लवकरच पुढील अपडेट्स http://airindia.com आणि आमच्या X हँडलवर (https://x.com/airindia) शेअर करू, अशी माहिती एअर इंडियाकडून देण्यात आली आहे. एअर इंडियाचे प्रवक्ते यांनी आपल्या अधिकृत X हँडलवर ही माहिती दिली आहे.
विमानात एकूण 242 प्रवासी
पुढे आलेल्या माहितीनुसार, एअरइंडिया बी 787 ड्रीमलाइनर विमान,एआय 171 (AI171) सेक्टर अहमदाबाद ते लंडन (गॅटविक) विमानतळ, दुपारी 1.38 वाजता एका निवासी भागात (मेघनी नगर) कोसळले होते. उड्डाणानंतर 5 मिनिटांनी ते कोसळले. यावेळी पायलट इन कमांड सुमित सभरवाल, सह-पायलट क्लाईव्ह कुंदर यांच्यासह विमानात 232 प्रवासी प्रौढ, 230 बालके आणि २ इतर लोक होते. क्रू स्टाफ 10 + २ असे एकूण 242 प्रवासी या विमानात असल्याची प्राथमिक माहिती पुढे आली आहे.
Flight AI171, operating Ahmedabad-London Gatwick, was involved in an incident today, 12 June 2025. At this moment, we are ascertaining the details and will share further updates at the earliest on https://t.co/Fnw0ywg2Zt and on our X handle (https://t.co/Id1XFe9SfL).
— Air India (@airindia) June 12, 2025
-Air India…
गुजरातचे मुख्यमंत्री नेमकं काय म्हणाले?
अहमदाबादमध्ये एअर इंडियाच्या प्रवासी विमानाच्या अपघाताने मला खूप दुःख झाले आहे. मी अधिकाऱ्यांना या अपघातात तात्काळ बचाव आणि मदत कार्य हाती घेण्याचे आणि जखमी प्रवाशांवर युद्धपातळीवर त्वरित उपचार करण्याची व्यवस्था करण्याचे निर्देश दिले आहेत. अशी प्रतिक्रिया गुजरातचे मुख्यमंत्री भूपेंद्र पटेल यांनी दिली आहे. जखमी प्रवाशांना उपचारासाठी नेण्यासाठी ग्रीन कॉरिडॉरची व्यवस्था करण्याच्या आणि रुग्णालयात उपचारांसाठी सर्व व्यवस्था प्राधान्याने करण्याच्या सूचना मी दिल्या आहेत.केंद्रीय गृहमंत्री अमितभाई शाह यांनीही माझ्याशी बोलून या विमान अपघातात बचाव आणि मदत कार्यात एनडीआरएफ पथके आणि केंद्र सरकारकडून पूर्ण सहकार्य करण्याचे आश्वासन दिले आहे. असेही ते म्हणाले.
इतर महत्वाच्या बातम्या
महत्त्वाच्या बातम्या
