वरूण धवन आणि श्रद्धा कपूर यांच्या 'स्ट्रीट डांसर 3D' चित्रपटाचा ट्रेलर लॉन्च

वरूण धवन आणि श्रद्धा कपूर यांचा आगामी चित्रपट 'स्ट्रीट डांसर 3D'चा ट्रेलर लॉन्च करण्यात आला आहे. हा चित्रपट 24 जानेवारी 2020मध्ये रिलीज होणार आहे.

मुंबई : वरूण धवन आणि श्रद्धा कपूर यांचा आगामी चित्रपट 'स्ट्रीट डांसर 3D'चा ट्रेलर लॉन्च करण्यात आला आहे. अनेकदा पाहायला मिळतं की, निर्माते एखादी प्रेस कॉन्फरन्स घेऊन ट्रेलर लॉन्च करतात. परंतु, यावेळी या चित्रपटाचा ट्रेलर प्रेक्षकांसमोर रिलीज करण्यात आला. ट्रेलर लॉन्चसाठी एक डबल डेकर ओपन बसचा वापर करण्यात आला असून मुंबईतील एका मल्टिफ्लेक्ससमोर या चित्रपटाचा ट्रेलर लॉन्च करण्यात आला. यावेळी वरूण धवन आणि श्रद्धा कपूर यांनी बसमधून उतरून डान्सही केला.

View this post on Instagram

 

#StreetDancer3D

A post shared by Varun Dhawan (@varundvn) on Dec 18, 2019 at 1:34am PST

'स्ट्रीट डांसर 3D'च्या ट्रेलरमधून चित्रपटाच्या कथेचा अंदाज लावला जाऊ शकतो. ट्रेलरमध्ये तुम्ही पाहू शकता की, पाकिस्तान आणि भारत या दोन डान्स टीमवर आधारीत आहे. यामध्ये श्रद्धा कपूरचा पाकिस्तानच्या डान्स टीममध्ये समावेश आहे, तर वरूण धवन भारताच्या डान्स टीममध्ये आहे. ट्रेलरमध्ये डान्सपेक्षा जास्त इमोशन्स आणि डायलॉगचा समावेश आहे. वरूण धवन आणि श्रद्धा कपूर यांच्यात लहान-मोठी भांडणंही पाहायला मिळतात. डान्स हा चित्रपटाचा केंद्रबिंदू असला तरिही त्यामध्ये भारत-पाकिस्तानची फोडणी दिली आहे. त्यामुळे ट्रेलरला फॅन्सकडून लाईक्सचा वर्षाव होताना दिसत आहे.

दरम्यान, या चित्रपटाचं दिग्दर्शन रेमो डिसूजाने केलं आहे. यामध्ये प्रभुदेवाही मुख्य भूमिकेत दिसणार आहे. चित्रपटांमध्ये वरूण आणि श्रद्धा व्यतिरिक्त यामध्ये नोरा फतेही, राघव जुयल, धर्मेश, पुनित पाठक, सलमान यूसुफ आणि अपारशक्ति खुराना हे कलाकारही दिसून येणार आहेत. हा चित्रपट 24 जानेवारी 2020मध्ये रिलीज होणार आहे. याआधी श्रद्धा आणि वरूण एबीसीडी 2 या चित्रपटाही एकत्र दिसले होते. विशेष म्हणजे हा चित्रपटही डान्सवर आधारित होता.

पाहा चित्रपटाचा ट्रेलर :

संबंधित बातम्या :