LIVE BLOG | रमजानदरम्यान पहाटे पाच वाजता मतदानाची मागणी निवडणूक आयोगाने फेटाळली

Background

1. राज ठाकरेंच्या सभांचा खर्च मागण्याचा निवडणूक आयोगाला अधिकार नाही, पु. ल. देशपांडेंच्या सभांचा दाखला देत शरद पवारांचा निवडणूक आयोगाला सवाल

2. पाचव्या टप्प्यातल्या मतदानासाठी अमेठी, रायबरेलीतला प्रचार थंडावला, उद्या मतदान, राहुल गांधी, सोनिया गांधी आणि स्मृती इराणींची परीक्षा

3. रोड शो दरम्यान दिल्लीचे मुख्यमंत्री अरविंद केजरीवालांवर हल्ला, जीपवर चढून केजरीवालांना तरुणाकडून चापट, आप कार्यकर्त्यांनी हल्लेखोराला चोपलं

4. राज ठाकरेंविरोधात आक्षेपार्ह कमेंट करणाऱ्या इसमाला मनसे कार्यकर्त्यांची मारहाण, अंबरनाथमधला प्रकार, उठाबशा काढतानाचा व्हीडिओ मनसेकडून व्हायरल

5. आजपासून तीन दिवस विदर्भात उष्णतेच्या लाटेचा अंदाज, नागपूरचा पारा 44 अंशांवर, हवामान विभागाचा नागरिकांना सतर्कतेचा इशारा

6. रॉयल चॅलेंजर्स बँगलोरचा सनरायझर्स हैदराबादवर चार विकेट्सनी विजय, केन विल्यम्सनची अर्धशतकी झुंज अपयशी

23:09 PM (IST)  •  05 May 2019

रमजानदरम्यान पहाटे पाच वाजता मतदान होणार नाही, मुस्लिम संघटनांची मागणी निवडणूक आयोगाने फेटाळली, कर्मचाऱ्यांवर ताण येत असल्याने निर्णय

20:38 PM (IST)  •  05 May 2019

संगीतकार गायक डॉ वसंतराव देशपांडे यांचा जन्मशताब्दी महोत्सव वसंतराव देशपांडे संगीत सभेतर्फे रवींद्र नाट्य मंदिरात आयोजित करण्यात आला. या कार्यक्रमाला माजी मुख्यमंत्री मनोहर जोशी, गायक पंडित शंकर अभ्यंकर, गायिका फैय्याज,गायक सत्यशील देशपांडे आणि अच्युत गोडबोले यांनी वसंतरावांच्या आठवणींना यावेळी उजाळा दिला. तर वसंतरावांचे शिष्य चंद्रकांत लिमये, गायिका नुपूर गाडगीळ, पद्मभूषण प्रभाताई अत्रे यांच्या संगीत मैफिलीने या महोत्सवात रंगत आणली.