World PCOS Day 2024 : अनियमित मासिक पाळी...लठ्ठपणा.. केस गळणे...PCOS महिलांच्या दैनंदिन जीवनावर 'असा' करतो परिणाम; ही लक्षणं तुम्हाला नाही ना?

World PCOS Day 2024 : महिलांमध्ये या समस्येबद्दल अजूनही कमी जागरूकता आहे. याबाबत जनजागृती करण्यासाठी दरवर्षी 1 सप्टेंबर रोजी जागतिक पीसीओएस दिन साजरा केला जातो. 

World PCOS Day 2024 women health lifestyle marathi news

Source : google

World PCOS Day 2024 : वाढत्या वयानुसार महिलांमध्ये अनेक शारिरीक तसेच मानसिक बदल होत जातात. जसे जसे वय वाढते, तसे विविध समस्यांचा सामना महिलांना करावा लागतो. PCOS या समस्येबाबत तुम्ही ऐकले किंवा वाचले असेलच, महिलांमध्ये PCOS म्हणजेच पॉलीसिस्टिक ओव्हरी सिंड्रोम ही एक सामान्य परंतु गंभीर समस्या आहे. ही एक अशी समस्या आहे, जी जगभरातील महिलांना प्रभावित करते. आरोग्य तज्ज्ञांच्या मते, ही हार्मोनशी संबंधित समस्या आहे, या समस्येबद्दल महिलांमध्ये अजूनही कमी जागरूकता आहे. त्यामुळेच याबाबत जनजागृती करण्यासाठी दरवर्षी 1 सप्टेंबर रोजी जागतिक पीसीओएस दिन साजरा केला जातो. याच निमित्ताने आज आम्ही तुम्हाला या समस्येवर मात करण्यासाठी काही महत्त्वाच्या टिप्स सांगणार आहोत. जाणून घ्या

महिलांच्या शरीरातील एंड्रोजन हार्मोनचे प्रमाण वाढते

महिलांमध्ये आढळणारी पॉलीसिस्टिक ओव्हरी सिंड्रोम (पीसीओएस) ही एक गंभीर समस्या मानली जाते. जी महिलांमध्ये सामान्यतः रिप्रोडक्टिव वयात उद्भवते. त्यामुळे अनियमित मासिक पाळी येणे, मुरुमे, लठ्ठपणा, केस गळणे अशा अनेक समस्याही उद्भवू लागतात. याच्या लक्षणांवर काही मार्गांनी मात केली जाऊ शकते. मेयो क्लिनिकच्या मते, जर तुम्हाला PCOS असेल, तर तुम्हाला मासिक पाळी वारंवार येत नाही किंवा तुमची मासिक पाळी अनेक दिवस टिकू शकते. या काळात तुमच्या शरीरातील एंड्रोजन हार्मोनचे प्रमाणही खूप जास्त असू शकते.

 

महिलांमध्ये कमी जागरुकता

यामुळे पीडित महिलेला अनियमित मासिक पाळी येणे, पुरळ येणे, लठ्ठपणा, केस गळणे अशा समस्यांना सामोरे जावे लागू शकते. स्त्रियांमध्ये वंध्यत्वाचे सर्वात सामान्य आणि सर्वात महत्त्वाचे कारण असूनही, या समस्येबद्दल लोकांमध्ये अजूनही कमी जागरूकता आहे. याबाबत जनजागृती करण्यासाठी दरवर्षी 1 सप्टेंबर रोजी जागतिक पीसीओएस दिन साजरा केला जातो. या समस्येवर मात करण्यासाठी काही महत्त्वाच्या टिप्स जाणून घ्या..

निरोगी आहार घ्या

PCOS च्या लक्षणांवर मात करण्यासाठी, कमी कार्ब, प्रथिनेयुक्त आहार, जसे की ॲटकिन्स आहार, दिनचर्याचा एक भाग बनविला जाऊ शकतो. तसेच हायड्रेटेड राहा आणि योग्य वेळी अन्न खाण्याचा नियम करा.

 

पूर्ण झोप घ्या

शारीरिक आरोग्य सुधारण्यासाठी मानसिक आरोग्य उत्तम असणे अत्यंत आवश्यक आहे. यासाठी तुम्ही योग आणि ध्यान यांसारख्या पद्धतींचा अवलंब करू शकता. तसेच पूर्ण झोप घ्या. दररोज 7-8 तास झोप घेण्याचा प्रयत्न करा.

 

जास्त ताण घेऊ नका

तणावामुळे अनेक समस्या उद्भवू शकतात आणि अनेक समस्या आणखी वाढू शकतात. अशा परिस्थितीत, पीसीओएसवर मात करण्यासाठी, तणाव कमी करा, जेणेकरुन कॉर्टिसोल आणि इन्सुलिनची पातळी नियंत्रित करण्यास मदत होईल.

 

योग्य आहाराचे पालन करा

रिफाइंड पीठ, जास्त साखर, प्रक्रिया केलेले किंवा पॅकेज केलेले पदार्थ टाळून निरोगी आहाराचे पर्याय निवडा. तुमचे वजन नियंत्रित करण्यासाठी तुम्ही ग्लूटेन-मुक्त आणि दुग्ध-मुक्त आहाराचे पालन करू शकता.

 

शारीरिक क्रिया

शारीरिक तंदुरुस्ती राखण्यासाठी, स्नायू तयार करण्यासाठी आणि वजन नियंत्रित करण्यासाठी, इतर फिटनेस व्यायाम जसे की खेळ, एरोबिक्स जीवनशैलीचा समावेश करता येऊ शकेल.

 

वैद्यकीय उपचार

PCOS ची लक्षणे हाताळण्यासाठी डॉक्टरांचा सल्ला नक्की घ्या. तसेच त्यांनी सांगितलेले उपचार पाळा आणि डॉक्टरांनी दिलेली औषधे वेळेवर घेत राहा.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )