Monthly Periods : जन्म बाईचा, खूप घाईचा! मासिक पाळी वेळेवर येत नाही? 'या' पदार्थाचे सेवन करा, समस्येपासून मिळेल सुटका

Monthly Periods : अनेक महिलांना मासिक पाळी वेळेवर न येण्याच्या समस्येला सामोरे जावे लागते. अशात आज आम्ही तुम्हाला एक घरगुती उपाय सांगणार आहोत, ज्यामुळे या समस्येपासून सुटका मिळू शकते. 

Woman Health marathi news Menstruation

Monthly Periods : "जन्म बाईचा, बाईचा, खूप घाईचा.. काय मी सांगू? काय हे झाले? का तुला सखे न्हाहणे आले?" हे गाणं आपल्या सर्वांनाच माहित आहे. मासिक पाळी म्हणजे स्त्रियांच्या आयुष्यातील एक वरदान मानले जाते. प्रत्येक महिन्याला पाळी येणे हे चांगले आरोग्याचे लक्षण समजले जाते. मात्र चुकीच्या खाण्यापिण्याच्या सवयी आणि चुकीच्या जीवनशैलीमुळे मासिक पाळी वेळेवर न येणे ही महिलांमध्ये सामान्य समस्या बनली आहे. 

 

यापेक्षा जास्त काळ मासिक पाळी येत नसेल तर...

आजकाल प्रत्येक दुसरी स्त्री या समस्येचा सामना करत आहे. वेळेवर मासिक पाळी न येण्याचे मुख्य कारण म्हणजे शरीरातील हार्मोन्सचे असंतुलन. महिलांच्या शरीरातील हार्मोनल असंतुलनामुळे मासिक पाळी अनियमित होणे, थायरॉईड, पीसीओएस, मूड बदलणे, नैराश्य येणे आदी समस्या दिसून येतात. एका अभ्यासानुसार, महिलांमध्ये मासिक पाळी सामान्यतः 22 ते 28 दिवस असते. जर महिलांना यापेक्षा जास्त काळ मासिक पाळी येत नसेल तर त्याला हार्मोनल असंतुलन म्हणतात. तुम्हालाही या समस्येचा सामना करावा लागत असेल, तर विलंब न करता डॉक्टरांकडे जा. मासिक पाळी वेळेवर येण्यासाठी काही घरगुती उपाय आहेत जे तुम्हाला थोडी मदत करू शकतात. त्याबद्दल जाणून घेऊया

आयुर्वेदातील शतावरीचे फायदे

जर तुमची मासिक पाळी वेळेवर येत नसेल तर तुम्ही शतावरी देखील घेऊ शकता. आयुर्वेदात महिलांसाठी शतावरी खाणे खूप फायदेशीर मानले जाते. याचे सेवन केल्याने तुम्ही अनियमित मासिक पाळीच्या समस्येपासून मुक्त होऊ शकता. याचे सेवन कसे करावे ते जाणून घेऊया-

बायोएक्टिव्ह कंपाउंड शतावरीमध्ये आढळतात आणि त्यात फायटोएस्ट्रोजेन प्रभाव देखील असतो. महिलांच्या शरीरातील हार्मोनल असंतुलनासाठी शतावरी खूप फायदेशीर ठरते. शतावरी पीसीओएस आणि वंध्यत्वावर उपचार करण्यासाठी देखील वापरली जाते. स्तनपान करणाऱ्या महिलांना शतावरी पावडर मध किंवा दुधात मिसळून प्यायल्यानेही फायदा होतो.

याचे सेवन केल्याने मासिक पाळी दरम्यान रक्त प्रवाह सामान्य राहतो आणि पोटदुखी आणि पेटके होत नाहीत. यामुळे झोप येण्यासही मदत होते आणि थायरॉईडची समस्या दूर होते

शतावरी कसे सेवन कराल?

दिवसातून दोनदा अर्धा चमचा शतावरी खाणे सुरक्षित मानले जाते. अनियमित मासिक पाळीच्या समस्येपासून मुक्त होण्यासाठी, कोमट पाण्यात शतावरी पावडर मिसळून प्यायल्याने तुमची समस्या दूर होऊ शकते.

ताबडतोब डॉक्टरांशी संपर्क साधा

ही सर्वसाधारण माहिती आहे. याचे सेवन करताना तुम्हाला कोणत्याही प्रकारची समस्या जाणवल्यास ताबडतोब डॉक्टरांशी संपर्क साधा. याशिवाय शतावरी घेण्यापूर्वी डॉक्टरांचा सल्ला जरूर घ्या.

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. त्यामुळे शरीराच्या कोणत्याही समस्येवर कोणताही उपाय करण्यापूर्वी तज्ज्ञांचा सल्ला घेणं गरजेचं आहे.)

 

महत्त्वाच्या इतर बातम्या :