![ABP Premium](https://cdn.abplive.com/imagebank/Premium-ad-Icon.png)
Sankashti Chaturthi 2023 : आज संकष्टी चतुर्थी, बाप्पांची 'अशी' करा पूजा! चंद्रोदयाची वेळ, शुभ मुहूर्त, पूजा पद्धत, महत्त्व
Sankashti Chaturthi 2023 : आज संकष्टी चतुर्थी असून भाद्रपद महिन्यातील कृष्ण पक्षातील चतुर्थी तिथी आहे. या दिवशी गणपतीची विधिवत पूजा केली जाते. असे केल्याने शुभ फळ मिळते असे मानले जाते.
![Sankashti Chaturthi 2023 : आज संकष्टी चतुर्थी, बाप्पांची 'अशी' करा पूजा! चंद्रोदयाची वेळ, शुभ मुहूर्त, पूजा पद्धत, महत्त्व Sankashti Chaturthi 2023 Marathi news Date and time significance pooja vidhi moonrise timing Sankashti Chaturthi 2023 : आज संकष्टी चतुर्थी, बाप्पांची 'अशी' करा पूजा! चंद्रोदयाची वेळ, शुभ मुहूर्त, पूजा पद्धत, महत्त्व](https://feeds.abplive.com/onecms/images/uploaded-images/2023/10/02/7afcb2af0bbeeab08d2cb9befea885bb1696218980681381_original.jpg?impolicy=abp_cdn&imwidth=1200&height=675)
Sankashti Chaturthi 2023 : हिंदू धर्मात संकष्टी चतुर्थीला खूप महत्त्व आहे. हा खास दिवस गणपतीला समर्पित आहे. विघ्नराज संकष्टी चतुर्थी दरवर्षी भाद्रपद महिन्यातील कृष्ण पक्षातील चतुर्थी तिथीला साजरी केली जाते. पंचागानुसार या वर्षी संकष्टी चतुर्थी 2 ऑक्टोबरला म्हणजेच आज साजरी केली जात आहे. या दिवशी विधीनुसार गणपती बाप्पाची पूजा करून उपवास केला जातो. धार्मिक श्रद्धेनुसार असे केल्याने विघ्नहर्ता आपल्या भक्तांचे सर्व संकट दूर करून त्यांना सुख-समृद्धीचा आशीर्वाद देतो. इतकेच नाही तर या दिवशी त्यांची पूजा केल्याने धन, कीर्ती, वैभव आणि कीर्ती प्राप्त होते, तसेच घरात सकारात्मक ऊर्जा संचारते. संकष्टी चतुर्थीची शुभ मुहूर्त, पूजा पद्धत आणि चंद्रोदयाची वेळ जाणून घेऊया.
संकष्टी चतुर्थीचा शुभ मुहूर्त
2023 मध्ये, भाद्रपद महिन्याच्या कृष्ण पक्षातील संकष्टी चतुर्थी तिथी 2 ऑक्टोबर रोजी सकाळी 7:36 वाजता सुरू होईल आणि 3 ऑक्टोबर रोजी सकाळी 6:11 वाजता समाप्त होईल. त्यामुळे उदय तिथीनुसार संकष्टी चतुर्थी व्रत आज म्हणजेच 2 ऑक्टोबर रोजी करण्यात येत आहे.
पूजेसाठी शुभ मुहूर्त
पंचांगानुसार, श्रीगणेशाच्या पूजेचा शुभ मुहूर्त दुपारी 4:37 ते 7:37 पर्यंत आहे.
चंद्रोदयाची वेळ
संकष्टी चतुर्थीच्या दिवशी संध्याकाळी 8:39 वाजता चंद्रोदय होईल.
संकष्टी चतुर्थीचे महत्त्व
संकष्टी चतुर्थीला खूप धार्मिक महत्त्व आहे. हा खास दिवस गणपतीला समर्पित आहे. या दिवशी विधीनुसार गणपतीची पूजा केली जाते आणि उपवास केला जातो. उपवासाच्या काळात लोक बाप्पाचे आशीर्वाद घेण्यासाठी गणेश मंदिरात जातात. श्रीगणेश हा सर्व देवतांमध्ये सर्वात प्रिय आहे. असे मानले जाते की त्यांची पूजा केल्याने जीवनातील सर्व दुःख दूर होतात आणि धन, समृद्धी आणि सुख वाढते.
पूजाविधी
सकाळी लवकर उठून आंघोळ करून स्वच्छ कपडे घाला.
घरातील मंदिराची स्वच्छता करून गणेशमूर्तीची प्रतिष्ठापना करावी.
गणपतीसमोर तुपाचा दिवा लावावा.
त्यांना फळे, फुले, अगरबत्ती आणि नैवेद्य अर्पण करा.
गणपतीला मोदक, लाडू किंवा खीर अर्पण करा.
आता त्यांची विधिवत पूजा करा आणि नंतर आरती करा.
यानंतर श्रीगणेशाच्या मंत्रांचा जप करा.
संकष्टी चतुर्थीची व्रत कथा ऐका.
संध्याकाळच्या वेळीही विधीनुसार गणेशाची पूजा करावी.
चंद्रोदयानंतर चंद्र देवाला जल अर्पण करावे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या
आजही 'या' गुहेत श्रीगणेशाचे मूळ शीर आहे सुरक्षित? जाणून घ्या यामागील रहस्य
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)