Navratri 2024 Fashion: नवरात्रीत दिसा खास! सलवार असला साधा, तरी 'हे' सुंदर मल्टी-कलर दुपट्टे लावतील चारचांद, सर्वांच्या खिळतील नजरा
Navratri 2024 Fashion : नवरात्रीत स्टायलिश लुक मिळवण्यासाठी तुम्ही साध्या डिझाईनचा सलवार-सूटसाठी हेवी वर्क दुपट्टा निवडू शकता.
Navratri 2024 Fashion : नवरात्री अवघ्या काही दिवसांवर आलीय. गणेशाच्या विसर्जनानंतर आता देवी दु्र्गेचे आगमन होणार असल्याने अवघा आसमंत खुलला आहे. या नवरात्रीत ठिकठिकाणी गरबा, दांडिया-रासचे आयोजन करण्यात येते. यावेळी अनेकांना खास दिसायचं असतं. यासाठी महिला वर्गाची काही दिवसांपूर्वीच तयारी सुरू होते, आजकाल सिंपल लूक अनेकजण पसंत करतात, त्यासाठी अनेक महिला प्लेन डिझाइन केलेले सलवार-कमीज घालतात. यासाठी, केवळ रेडिमेड पर्याय निवडणेच आवश्यक नाही, तर तुम्ही फॅब्रिक खरेदी करू शकता आणि तुमच्या आवडीनुसार सलवार सूट घेऊ शकता.
प्लेन सूटला द्या स्टायलिश लुक..!
प्लेन सूटला स्टायलिश लुक देण्यासाठी तुम्ही हेवी दुपट्टे ट्राय करू शकता. दुपट्ट्याच्या काही फॅन्सी डिझाईन्स. तसेच, या फॅन्सी दुपट्ट्यांना आकर्षक लुक देण्यासाठी आम्ही तुम्हाला सोप्या टिप्स सांगणार आहोत..
मिरर वर्क दुपट्टा
प्लेन सूटवर मॅचिंग केलेल्या दुपट्ट्याला मिरर वर्क खूप सुंदर दिसते. यामध्ये तुम्हाला एम्ब्रॉयडरी वर्कमधील अनेक डिझाईन्स पाहायला मिळतील. हा दुपट्टा प्रामुख्याने काळ्या, लाल, हिरव्या किंवा पांढऱ्या रंगाच्या सूटसोबत घालण्यास प्राधान्य दिले जाते. असे मल्टी-शेडेड दुपट्टे तुम्हाला बाजारात 300 ते 500 रुपयांना मिळतील.
पाकिस्तानी स्टाईलचा दुपट्टा
प्लेन सूटवर तुम्ही अशा प्रकारच्या हँडवर्क दुपट्ट्याला साध्या सरळ सूट किंवा फ्लेर्ड सूटसह स्टाइल करू शकता. या प्रकारचे दुपट्टे वजनानेही खूप जड असतात. कारण या दुपट्ट्यावर बारीक नक्षीकाम हाताने केले जाते. हे महागड्या रेशीम कापडाच्या मदतीने बनवले जातात. असे पाकिस्तानी दुपट्टे तुम्हाला बाजारात 400 ते 700 रुपयांपर्यंत सहज मिळू शकतात.
नेट वर्क स्कार्फ
साध्यापासून भारीपर्यंत असंख्य डिझाइन्सचे दुपट्टे तुम्हाला नेटवर पाहायला मिळतील. यामध्ये गोल्डन कलरची बॉर्डर आणि गोटा-पट्टीचे डिझाईन सर्वाधिक पसंत केले आहे. त्याच वेळी, या प्रकारचे दुपट्टे अतिशय फॅन्सी लुक देण्याचे काम करतात. या प्रकारचा स्कार्फ तुम्हाला बाजारात 200 ते 400 रुपयांपर्यंत सहज मिळू शकतो. याशिवाय, तुम्हाला पांढऱ्या रंगात भरतकामाचे भरपूर कामही पाहायला मिळेल, जे तुम्ही स्वतः रंगवू शकता.
हेही वाचा>>>
Fashion : 'सोन्याच्या साडीत सजले रुप, नाकात नथनी, गाली लाली अन् गजरा..! अदिती-सिद्धार्थचा वेडींग लूक होतोय व्हायरल
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
