एक्स्प्लोर

World Heart Day 2023 : व्यायामादरम्यान हृदयविकाराचा धोका कमी होईल; फक्त 'या' 5 गोष्टींची काळजी घ्या

World Heart Day 2023 : जिममध्ये व्यायाम करतानाही हृदयविकाराचा झटका येण्याचे प्रमाण वाढले आहे.

By : एबीपी माझा वेब टीम | Edited By: प्रिया मोहिते | Updated at : 29 Sep 2023 01:28 PM (IST)

World Heart Day 2023

World Heart Day 2023 : हृदयविकाराचा झटका (Heart Attack) आज जीवघेणा ठरत आहे. यामुळे होणाऱ्या मृत्यूंची संख्या वर्षानुवर्ष वाढत चाचली आहे. कोरोनानंतर हृदयविकाराच्या संख्येत झपाट्याने वाढ झाली आहे. आजकाल तरूणांमध्येही हृदयविकाराच्या झटक्याचं प्रमाण वाढलं आहे. कार्डिओ मेटाबॉलिक इन्स्टिट्यूटच्या संशोधनानुसार, 2016 ते 2022 या काळात 20 ते 30 वर्ष वयोगटातील लोकांमध्ये हृदयविकाराच्या झटक्याचे प्रमाण दरवर्षी दोन टक्क्यांनी वाढले आहे. जिममध्ये व्यायाम करतानाही हृदयविकाराचा झटका येण्याचे प्रमाण वाढले आहे. अनेक घटनांमध्ये जागीच मृत्यू झाला आहे. हृदयाच्या नसांमध्ये रक्ताच्या गुठळ्या तयार होणे हे त्याचे कारण असल्याचे डॉक्टर सांगत आहेत. अशा परिस्थितीत, व्यायाम करताना काही गोष्टी लक्षात ठेवून तुम्ही हृदयविकाराचा धोका कमी करू शकता.

व्यायाम करताना हृदयविकाराचा धोका का असतो?

डॉक्टरांच्या मते, जिम किंवा डान्स करताना शरीरात ऑक्सिजनची मागणी वाढते. ज्याचा हृदयावर परिणाम होतो. हृदय वेगाने पंप करू लागते. नसांमध्ये रक्तपुरवठा वाढल्याने हृदय योग्यरित्या कार्य करू शकत नाही आणि हृदयाचा झटका येतो. 50 ते 70 टक्के ब्लॉकेज असलेल्या लोकांमध्ये ही समस्या अधिक वाढताना दिसते. यामुळे हृदयविकाराचा झटका येण्याचं प्रमाण वाढतं.

तुमच्या हृदयाची वेळीच तपासणी करा

हृदयरोग तज्ज्ञांच्या मते, आजची जीवनशैली अशी झाली आहे की हृदयविकाराचा झटका कोणत्याही वयात येऊ शकतो. अशा परिस्थितीत याकडे गांभीर्याने पाहण्याची गरज आहे. यासाठी वेळोवेळी हृदयाची तपासणी करणं गरजेचं आहे. एंन्जिओग्राफी आणि विविध चाचण्यांद्वारे हृदयातील ब्लॉकेजची माहिती आजकाल सहज उपलब्ध आहे. अशा परिस्थितीत जर चाचणीमध्ये ब्लॉकेज आढळले तर व्यायाम करताना काळजी घ्या. डॉक्टरांचा सल्ला घ्या.

व्यायाम करताना 'अशी' काळजी घ्या