Hindu Religion: भगवान शंकराचे माता-पिता कोण आहेत? श्रीमद देवी महापुराणात उल्लेख, बहुतेक लोकांना माहित नाही, जाणून घ्या.. 

Hindu Religion: भगवान महादेवाचे संपूर्ण जगात भक्त आहेत. परंतु बहुतेक लोकांना हे माहित नाही की, भगवान शिवाचे पालक कोण आहेत? एका पुराणात याचा उल्लेख आहे.

Hindu Religion astrology marathi news Who were parents of Lord Shiva Mentioned in Shrimad Devi Mahapuran

Source : google

Who Is Lord Mahadev's Parents: हिंदू धर्मात अनेक देवी-देवता आहेत. ज्यांची पूजा केली जाते, जे अनेकांचे आराध्य दैवतही आहेत. पण या देवांबद्दल अनेकांना तितकी माहिती नाही. अनेकदा लोकांच्या मनात प्रश्न येतो, भगवान शंकराचे माता-पिता कोण आहेत? तर श्रीमद देवी महापुराणात भगवान शंकराच्या माता -पिताबद्दल उल्लेख आहे. श्रीमद देवी महापुराण हे प्रामुख्याने 12 स्कंध (विभाग) मध्ये विभागलेले आहे. प्रत्येक स्कंधमध्ये देवीच्या वेगवेगळ्या लीली आणि कथांचे वर्णन आहे. हे महापुराण शक्तीच्या उपासनेचे महत्त्वाचे साधन आहे. त्यामध्ये देवीच्या उपासनेचे आणि विधींचे तपशीलवार वर्णन आहे. श्रीमद देवी महापुराण देवीचा महिमा आणि सामर्थ्य दर्शवते. हे शास्त्र देवी उपासकांसाठी अत्यंत महत्वाचे आहे. त्यांची भक्ती आणि आदर वाढवते. देवीच्या असीम कृपेने हे पुराण सर्व प्रकारचे संकट दूर करते आणि भक्तांना मोक्ष प्राप्त करण्यास मदत करते.

भगवान विष्णू, भगवान शिव आणि भगवान ब्रह्माजींचे आई-वडील कोण आहेत?

या महापुराणानुसार, एकदा भगवान नारदजींनी त्यांचे पिता भगवान ब्रह्माजींना विचारले की, हे विश्व कोणी निर्माण केले? भगवान विष्णू, भगवान शिव आणि तुमचे आई-वडील कोण आहेत? तर भगवान ब्रह्माजींनी नारदजींना त्रिमूर्तीच्या जन्माबद्दल सांगितले. त्यांनी जे सांगितले ते खरोखरच धक्कादायक होते. ते म्हणाले की, देवी दुर्गा आणि शिवस्वरूप ब्रम्ह योगाच्या मिलनातून ब्रह्मा, विष्णू आणि महेश हे जन्माला आले, म्हणजेच निसर्गाच्या रूपातील देवी दुर्गा ही आपल्या तिघांची माता आहे आणि सदाशिव आपले पिता आहेत. .

भगवान ब्रह्मा आणि भगवान विष्णू यांच्यात वाद

श्रीमद देवी महापुराणात भगवान विष्णू आणि भगवान ब्रह्मा यांच्यातील वादाची कथा आहे, त्यानुसार एकदा भगवान ब्रह्मा आणि भगवान विष्णू यांच्यात भांडण झाले आणि त्यांच्यात वाद झाला. तेव्हा ब्रह्मदेव म्हणाले की, मी विश्वाची निर्मिती केली आहे आणि मीच निर्माता आहे. ज्याच्या उत्तरात भगवान विष्णू म्हणाले की मी तुझा पिता आहे. कारण तू माझ्या नाभीतून निघालेल्या कमळापासून जन्माला आला आहेस आणि हळूहळू हा वाद वाढत गेला.

भगवान शिवापेक्षा सामर्थ्यवान काहीही नाही..

त्यानंतर या दोघांचे भांडण ऐकून सदाशिव तेथे पोहोचले आणि म्हणाले की पुत्रांनो, हे जग निर्माण करणे आणि ते सांभाळणे ही दोनच कामे मी तुम्हाला दिली आहेत. अशा प्रकारे मी शंकर आणि रुद्र यांना विनाश आणि संहाराची कार्ये दिली आहेत. यासोबत ते म्हणाले की, माझे पाच मुख आहेत. एका तोंडातून आकार, दुसऱ्या तोंडातून उकार. तिसऱ्या मुखातून मुखर, चौथ्या मुखातून बिंदू आणि पाचव्या मुखातून नाद अर्थात असे शब्द आले आहेत. जर ते पाच एकत्र केले तर एक अक्षर ओम तयार होते, जे आज आपण सर्व भगवान शिवाचा मूळ मंत्र म्हणून ओळखतो. असे सांगितल्यावर भगवान ब्रह्मा आणि विष्णू दोघांनाही समजले की या जगात भगवान शिवापेक्षा सामर्थ्यवान काहीही नाही आणि ते दोघेही भगवान शंकरांना प्रणाम करून निघून गेले

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )