Surabhi Hande : सुरभी हांडे 10 वर्षांनी पुन्हा म्हाळसाच्याच भूमिकेत! 'आई तुळजाभवानी' मालिकेत अभिनेत्रीची एन्ट्री
Surabhi Hande : भिनेत्री सुरभी हांडे ही पुन्हा एकदा म्हाळसाची भूमिका साकारत असून कलर्स मराठीवरील 'आई तुळजाभवानी' मालिकेत अभिनेत्रीची एन्ट्री होणार आहे.
Surabhi Hande : महाराष्ट्राची कुलस्वामिनी 'आई तुळजाभवानी' या मालिकेत आतापर्यंत देवीचे अनेक अवतार पाहायला मिळाले आहेत. देवीच्या विविध अवतारांचा हा आध्यात्मिक प्रवास प्रेक्षकांसाठी निश्वितच वेगळा ठरत आहे. अशातच आता म्हाळसा देवीच्या भूमिकेद्वारे घराघरात लोकप्रिय झालेली अभिनेत्री सुरभी हांडेची (Surabhi Hande) या मालिकेत एन्ट्री होणार आहे. जवळपास 10 वर्षांनी सुरभी ही म्हाळसाच्याच भूमिकेतून पुन्हा एकदा प्रेक्षकांच्या भेटीला येणार आहे.
म्हाळसा या पात्राच्या माध्यमातून प्रेक्षकांच्या मनात सुरभी हांडेने आपली वेगळी जागा निर्माण केली आहे. आता 'आई तुळजाभवानी' या मालिकेच्या माध्यमातून सुरभी प्रेक्षकांवर छाप पाडायला सज्ज आहे. चेहऱ्यावर भक्तीमय तेज, आकर्षक दागिने, पारंपारिक साडी, प्रभावशाली असं दैवी व्यक्तिमत्त्व म्हाळसाच्या रुपात पाहायला प्रेक्षक उत्सुक आहेत. 'आई तुळजाभवानी' मालिकेच्या कथानकाने वेग पकडला असून असुरांपासून भक्तांचे रक्षण करण्यासाठी म्हाळसा तुळजाला पाठिंबा देताना दिसून येईल.
'दहा वर्षांनी पुन्हा सर्वांसमोर येतेय याचा आनंद'
सुरभी हांडे म्हणाली की, "10 वर्षाने म्हाळसा आता परत सर्वांसमोर येतेय याचा आनंद आहे. म्हाळसाला बघायला प्रेक्षकांना जसं आवडतं तसंच ते पात्र साकारायला मला आवडतं. हे पात्र माझ्यासाठी नेहमीच खास होतं. आता 'आई तुळजाभवानी' या पात्राच्या माध्यमातून मला म्हाळसाला न्याय देण्याची एक चांगली संधी मिळाली आहे".
सुरभी पुढे म्हणाली,'आई तुळजाभवानी'सह म्हाळसा जेव्हा असूरांसोबत युद्ध करते असा सीन शूट करताना मला वाटत होतं की, दोन स्त्रीशक्ती कोणासोबत तरी लढत आहेत. पूजासोबत काम करताना खूप छान वाटलं..तिचंही कौतुक वाटलं. 'आई तुळजाभवानी' मालिकेत म्हाळसा हे पात्र साकारण्याची संधी दिल्याबद्दल 'कलर्स मराठी' आणि बहुरुपी प्रोडक्शनचे आभार".
View this post on Instagram
ही बातमी वाचा :
मोठ्या चित्रपटांत काम, लाखोंनी फॅन्स, अप्सरेलाही लाजवणारी 'अशी' हिरोईन जिच्या हत्येचं गुढ आजही कायम!
महत्त्वाच्या बातम्या
ट्रेंडिंग न्यूज
