Weight loss करणाऱ्यांनो चुकूनही असं करू नका! रात्रीचे जेवण वगळत असाल तर सावधान, तोटे जाणून घ्या

Weight loss :  बरेच लोक वजन कमी करण्यासाठी रात्रीचे जेवण वगळतात, परंतु रात्रीचे जेवण वगळणे आरोग्यासाठी हानिकारक असू शकते. जाणून घ्या..

Health lifestyle marathi news skipping dinner due to Weight loss

Source : Google

Weight loss : आजकाल आपण सोशल मीडियावर आपण असे अनेक रील्स पाहतो, ज्यामध्ये तुम्हाला वेट लॉस, म्हणजेच वजन कमी करण्यासाठी अनेक उपाय सांगितले जातात, ज्याचा कसलाही विचार न करता अनेक लोक या उपायांचा अवलंब करतात. किंवा कोणीतरी येऊन तुम्हाला वेट लॉससाठी एखादा उपाय सांगत असेल, तर तोही अनेकजण न विचार करता करतात. ज्याप्रमाणे सकाळचा नाश्ता आरोग्यासाठी खूप महत्त्वाचा असतो, त्याचप्रमाणे रात्रीचे जेवणही खूप महत्त्वाचे असते. बरेच लोक वजन कमी करण्यासाठी रात्रीचे जेवण वगळतात, परंतु रात्रीचे जेवण वगळणे आरोग्यासाठी हानिकारक असू शकते. यामुळे तुम्हाला अनेक समस्यांना सामोरे जावे लागते. रात्रीचे जेवण वगळण्याचे तोटे जाणून घ्याल, तर आश्चर्यचकित व्हाल...

वजन कमी करण्यासाठी रात्रीचे जेवण वगळले तर....

नाश्ता वगळण्याचे अनेक तोटे आहेत हे सर्वांनाच माहीत आहे. आपला ब्रेकफास्ट हा पौष्टिक आणि परिपूर्ण, पोषक तत्वांनी भरलेला असावा, कारण तो शरीराला दिवसभर ऊर्जा देण्यासाठी तयार करतो. म्हणूनच नाश्त्याचे महत्त्व सगळेच बोलतात, पण रात्रीच्या जेवणाचे महत्त्व क्वचितच बोलले जाते. रात्रीच्या जेवणाचा विचार केला तर रात्रीचे जेवण हलके असावे, झोपण्याच्या दोन तास आधी ते खावे, एवढेच सांगितले जाते. या गोष्टी अगदी खऱ्या असल्या तरी काही लोकांना असे वाटते की, रात्रीचे जेवण वगळल्याने त्यांना अधिक फायदे मिळतील. असे असताना असे करणे पूर्णपणे चुकीचे आहे.

 

Weight loss करणाऱ्यांनो लक्षात ठेवा...

रात्रीचे जेवण अजिबात वगळू नये. उपवासाच्या नावाखाली रात्रीचे जेवण वगळणे किंवा वजन कमी केल्याने अल्पावधीत वजन कमी होऊ शकते, परंतु दीर्घकाळात तुम्हाला दुष्परिणामांना सामोरे जावे लागू शकते. लोकांना असे वाटते की रात्रीचे जेवण वगळल्याने तुम्हाला सकाळी हलके वाटेल, हे जरी सत्य असलं तरी, या सर्व गोष्टी केवळ मिथक आहेत. खरं तर, रात्रीचे जेवण वगळणे हे नाश्ता वगळण्याइतकेच वाईट आहे. रात्रीचे जेवण वगळण्याचे तोटे जाणून घेऊया-

रात्रीचे जेवण न केल्याने होणारे नुकसान

• ऊर्जा पातळी कमी होते.
• साखर आणि कार्बोहायड्रेट्स खाण्याची इच्छा वाढते.
• पचनाच्या समस्या सुरू होऊ शकतात.
• शरीरात पोषक तत्वांची कमतरता असू शकते.
• जास्त खाण्याची आणि वजन वाढण्याची समस्या असू शकते.
• झोपेचे चक्र आणि झोपेची गुणवत्ता प्रभावित होते, 
• ज्यामुळे मानसिक आरोग्य समस्या उद्भवू शकतात.
• रात्रीचे जेवण वगळल्याने चयापचय मंदावतो, 
• ज्यामुळे रक्तातील साखरेची पातळी कमी होते आणि ऊर्जा कमी होते. 
• यामुळे चक्कर येणे, मळमळ आणि थकवा येतो.
• मानसिक आरोग्यावर परिणाम झाल्याने ,
• दीर्घकाळ चिंता, नैराश्य आणि हार्मोनल असंतुलन यासारख्या समस्या उद्भवू शकतात.

 

हे देखील लक्षात ठेवा

वर उल्लेख केलेल्या तोट्यांवरून रात्रीचे जेवण वगळणे किती हानिकारक आहे हे तुमच्या लक्षात आले असेलच. म्हणूनच, एकाच वेळी पूर्ण जेवण न करता दिवसभरात थोडे थोडे खाणे महत्वाचे आहे. कॅलरी कमी आणि फायबर आणि प्रथिने जास्त असलेले पोषक आहार घ्या. रोज व्यायाम करा आणि मन लावून खा. एखाद्याच्या आहाराचे अनुसरण करण्याऐवजी, तज्ज्ञांचा सल्ला घ्या, तसेच तथ्यांवर आधारित आपल्या आहाराचे नियोजन करा.

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )