Health : चहा प्रेमींनो.. गुणांचा भांडार आहे 'ब्लॅक टी'! तर दुधाचा चहा विषासारखा? ब्लॅक टीचे फायदे जाणून थक्क व्हाल
Health : बहुतेक लोकांना ब्लॅक टी प्यायला आवडते. आजकाल तो अनेकांच्या पसंतीस उतरत आहे. ब्लॅक टी प्यायल्याने अनेक आरोग्य फायदे होतात.
Health : जगभरात चहा हे सर्वाधिक लोकप्रिय पेय आहे. चहा न आवडणारा क्वचितच कोणी असेल. तुम्हीही चहाचे शौकीन असाल तर हा लेख तुमच्यासाठी आहे. बदलत्या जीवनशैलीनुसार आजकाल ग्रीन टी जरी अधिक लोकप्रिय असला तरी काळा चहा म्हणजेच ब्लॅक टी देखील तुमच्या आरोग्यासाठी खूप फायदेशीर आहे. यामधील अँटिऑक्सिडेंट गुणधर्म आढळतात जे अनेक समस्यांपासून बचाव करतात.
दुधाचा चहा आपल्या आरोग्यासाठी विषासारखा?
चहा प्रेमींसाठी चहा हा कधीही आणि कोणत्याही ऋतूत मोठ्या उत्साहाने प्यायला आवडतो. आरोग्य तज्ज्ञांच्या माहितीनुसार, दुधाचा चहा हे आपल्या आरोग्यासाठी विषासारखे आहे, ज्यामुळे अनेक प्रकारे हानी होते. अशात बहुतेक लोकांना ब्लॅक टी प्यायला आवडते. आजकाल तो अनेकांच्या पसंतीस उतरत आहे. ब्लॅक टी प्यायल्याने अनेक आरोग्य फायदे होतात. ब्लॅक टीमध्ये ग्रीन टी, किंवा इतर चहापेक्षा जास्त ऑक्सिडायझ्ड असतात. पाश्चात्य संस्कृतीत हा चहा अधिक लोकप्रिय आहे. काळ्या चहामुळे अनेक रोगांचे विषाणू दूर होतात आणि शरीर निरोगी राहते. काळ्या चहाचे असेच काही अनोखे फायदे जाणून घेऊया-
काळ्या चहाचे फायदे
-काळ्या चहामध्ये पॉलीफेनॉल नावाचे अँटी-ऑक्सिडंट असतात, जे त्वचेला नुकसान होण्यापासून वाचवतात आणि वृद्धत्वाची प्रक्रिया कमी करण्यास मदत करतात.
-काळ्या चहामध्ये असलेले कॅटेचिन्स आणि फ्लेव्होनॉइड्स त्वचेच्या संसर्गास प्रतिबंध करतात.
-हे कोरोनरी रक्तवाहिन्यांचे कार्य सुधारून हृदयाच्या समस्या दूर करते.
-यामुळे आतड्यांसंबंधी समस्या दूर होतात.
-यामुळे अरुंद हवा नलिका उघडते, ज्यामुळे श्वास घेणे सोपे होते आणि दम्याच्या रुग्णाला फायदा होतो.
-यामुळे पचनाच्या समस्या दूर होतात.
-हे प्री-मेनोपॉजच्या काळात स्तनाच्या कर्करोगाच्या धोक्यापासून संरक्षण करते.
-तेलकट त्वचेसाठी ब्लॅक टी खूप फायदेशीर आहे.
-किरणोत्सर्गामुळे होणारे त्वचेचे नुकसान भरून काढण्यास मदत होते.
-तसेच तोंडाचे आरोग्य सुधारते.
-किडनी स्टोन तयार होण्यास प्रतिबंध करते.
-हे कोलेस्ट्रॉलची पातळी नियंत्रित करते.
-त्यामुळे मधुमेहाचा धोका कमी होतो.
-त्यामुळे रोगप्रतिकारशक्ती वाढते.
-हे शरीराला मुक्त रॅडिकल्सच्या नुकसानीपासून वाचवते.
-तसेच वजन नियंत्रित ठेवण्यास मदत होते.
-काळ्या चहामध्ये थेफ्लाविन आणि थेअरुबिगिन नावाचे अँटीऑक्सिडंट आढळतात.
-ब्लॅक टी हाडांची खनिज घनता सुधारते.
-तसेच नैराश्य दूर होण्यास मदत होते.
-काळ्या चहामध्ये कॅफिनचे प्रमाण सर्वाधिक असते, त्यामुळे सकाळी लवकर सेवन केल्याने दिवसभर ऊर्जा वाढते.
हेही वाचा>>>
Health : सावधान! शरीरात शांतपणे पसरतो 'हा' प्राणघातक कर्करोग, 'ही' लक्षणं सहज दिसून येत नाहीत, डॉक्टर सांगतात...
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
ट्रेंडिंग न्यूज
