Health: हिवाळ्यात फक्त 21 दिवस रोज 1 चमचा 'तीळ' खा, अन् कमाल बघा! शरीरात होणारे बदल पाहून थक्क व्हाल, आहारतज्ज्ञ सांगतात...

Health: तीळ खाल्ल्याने अनेक आरोग्य फायदे मिळतात. आहारतज्ज्ञांकडून त्याचे फायदे आणि खाण्याची योग्य पद्धत जाणून घ्या..

Health lifestyle marathi news Eat 1 teaspoon of sesame seeds every day for just 21 days in winter

Source : Google

Health: सध्या हिवाळा सुरू झाला आहे. देशातील वातवरण झपाट्याने बदलत आहे. कुठे पारा जास्त तर कुठे कमी.. बदलत्या ऋतूमध्ये आपल्याला आपल्या आरोग्याची विशेष काळजी घेणे आवश्यक आहे. आरोग्याची काळजी घेण्यासाठी सर्वात महत्त्वाची गोष्ट म्हणजे उत्तम आहार. जर आपला आहार निरोगी असेल, तर गंभीर किंवा संसर्गजन्य रोग आपल्याला लवकर प्रभावित करणार नाहीत. आहार असा असावा की हिवाळ्याच्या काळात आपण आपल्या जेवणात अशा काही गोष्टींचा समावेश करतो, ज्या आरोग्यासाठी फायदेशीर ठरू शकतात. तीळ हे असेच एक हिवाळ्यातील सुपरफूड आहे, जे या ऋतूत खाल्ल्याने बरेच फायदे होतील. 21 दिवस रोज तीळ खाल्ल्यास काय होईल आणि ते खाण्याची योग्य पद्धत कोणती आहे. जाणून घ्या..

21 दिवस रोज 1 चमचा 'तीळ' खाल्ल्याने काय होईल?

आहारतज्ज्ञ प्रेरणा सांगतात की, तीळ हे औषधापेक्षा कमी नाही. सर्व वयोगटातील लोक ते खाऊ शकतात. गरोदर स्त्रिया देखील काही खबरदारी घेऊन त्यांचे सेवन करू शकतात. झिंक आणि सेलेनियम सारखे घटक तिळामध्ये असतात, जे आपली रोगप्रतिकारक शक्ती मजबूत ठेवतात. या बिया आपल्याला संसर्गाशी लढण्यास मदत करतात. आहारतज्ञ प्रेरणा सांगतात की, तीळ तुमचे हिवाळ्यापासून तसेच आजकाल देशातील बहुतांश भागांमध्ये पसरलेल्या प्रदूषणापासून संरक्षण करू शकतात. आहारतज्ज्ञ प्रेरणा चौहान आम्हाला हिवाळ्यातील सुपरफूड तिळाबद्दल सांगत आहेत, ज्या एक व्यावसायिक आहारतज्ज्ञ आणि प्रसिद्ध YouTuber आहे, ज्या दररोज त्यांच्या पेजवर व्हिडीओद्वारे आरोग्याशी संबंधित माहिती शेअर करतात.

हाडे आणि दात

आहारतज्ञांच्या मते, तीळामध्ये दुधापेक्षा जास्त कॅल्शियम असते, ज्यामुळे हाडे आणि दात मजबूत होतात. 21 दिवस रोज तीळ खाल्ल्यास हाडांचे आरोग्य सुधारते. त्याचबरोबर ज्या लोकांच्या शरीरात कॅल्शियमची कमतरता आहे किंवा संधिवात आहे त्यांनी रोज तीळ खावे.

फुफ्फुस डिटॉक्स करते

तीळ आपल्या फुफ्फुसांना खोलवर स्वच्छ करू शकतात. या बिया गुळात मिसळून खाल्ल्यास फुफ्फुसांना प्रदूषणाचा त्रास होत नाही.

 

हृदयाच्या आरोग्यासाठी फायदेशीर

तीळ हे ओमेगा-3 फॅटी ॲसिड आणि मॅग्नेशियमचे स्रोत आहे, जे हृदयाच्या आरोग्यासाठी फायदेशीर आहे. हे रक्तदाब नियंत्रित करते, कोलेस्टेरॉलची पातळी कमी करते आणि हृदयविकारांपासूनही आपले संरक्षण करते. 21 दिवस तीळ खाल्ल्याने हृदयविकाराचा धोका कमी होतो.

अशक्तपणा दूर होतो

तिळाच्या बियांमध्ये लोह असते, जे रक्ताची कमतरता किंवा अशक्तपणाच्या बाबतीत तुमच्यासाठी खूप फायदेशीर आहे. तीळ खाल्ल्यानेही रक्त शुद्ध होते. रक्तामध्ये विषारी घटक असल्यास त्वचेच्या समस्या वाढतात. तीळ खाल्ल्याने रक्त शुद्ध होते आणि हिमोग्लोबिनची पातळीही वाढते.

तीळ कसे खावेत?

आहारतज्ज्ञ सुचवितात की तीळ खाण्याचे काही सोपे मार्ग खालीलप्रमाणे आहेत:

• तीळ गूळ मिसळून, छोटे लाडू बनवून खा. 
• तुम्ही लाल, काळे आणि पांढरे तीळ, कोणतेही तीळ किंवा तिन्ही मिसळून लाडू बनवू शकता. 
• लक्षात ठेवा, लाडू बनवण्यासाठी तूप किंवा तेल वापरण्याची गरज नाही.
• ज्या लोकांना कोरड्या खोकल्याची समस्या आहे त्यांनी तिळाचा काढा करून त्यात थोडासा गूळ किंवा साखर मिसळून प्यावे. 
• हे पेय दिवसातून 2 ते 3 वेळा प्यायल्यास लवकर आराम मिळेल.
• त्याच वेळी, तुम्हाला हवे असल्यास, तुम्ही दररोज 1 चमचा तीळ जसे आहे तसे किंवा हलके भाजून खाऊ शकता.  

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )