![ABP Premium](https://cdn.abplive.com/imagebank/Premium-ad-Icon.png)
Food : वीकेंड होईल फर्स्ट क्लास! जेव्हा कुटुंबासाठी टेस्टी 'चिकन कीमा मटर' बनवाल, सर्वजण करतील कौतुक, रेसिपी जाणून घ्या..
Food : तुम्हीही चिकनचे शौकीन असाल आणि नेहमीच्या पद्धतीने ते खाण्याचा कंटाळा आला असाल तर यावेळी तुम्ही चिकन कीमा मटर ट्राय करू शकता.
![Food : वीकेंड होईल फर्स्ट क्लास! जेव्हा कुटुंबासाठी टेस्टी 'चिकन कीमा मटर' बनवाल, सर्वजण करतील कौतुक, रेसिपी जाणून घ्या.. Food lifestyle marathi news Make tasty Chicken Keema Matar on weekends and everyone will appreciate know the recipe Food : वीकेंड होईल फर्स्ट क्लास! जेव्हा कुटुंबासाठी टेस्टी 'चिकन कीमा मटर' बनवाल, सर्वजण करतील कौतुक, रेसिपी जाणून घ्या..](https://feeds.abplive.com/onecms/images/uploaded-images/2024/06/23/5917bc0e9e632eaebeeb5ece57539e461719120179598381_original.jpg?impolicy=abp_cdn&imwidth=1200&height=675)
Food : शनिवार-रविवार म्हटलं की अनेकांसाठी स्पेशल असतो. विशेष म्हणजे मांसाहार खवय्यांसाठी तर पर्वणीच असते, अनेक मांसाहार खवय्यांना चिकन खूप आवडते. चिकनमध्ये प्रथिने भरपूर असल्याने ते आरोग्यासाठीही खूप फायदेशीर आहे. अनेक खवय्यांसाठी प्रत्येक वेळी त्याच पद्धतीने चिकन बनवणे कंटाळवाणे ठरते. जर तुम्हीही चिकनचे शौकीन असाल आणि नेहमीच्या पद्धतीने ते खाण्याचा कंटाळा आला असाल तर यावेळी तुम्ही चिकन कीमा मटर ट्राय करू शकता. हा पदार्थ तुम्ही कुटुंबियांसाठी बनवाल तर सर्वजण बोटं चाखतील. रेसिपी जाणून घ्या
चिकन हा प्रोटीनचा चांगला स्रोत
मांसाहार प्रेमी चिकन मोठ्या आवडीने खातात. ही अनेकांची आवडती डिश आहे. हे स्वादिष्ट असण्यासोबतच आरोग्यासाठीही खूप फायदेशीर आहे. चिकन हा प्रोटीनचा चांगला स्रोत आहे, जे खाल्ल्याने शरीरात प्रोटीनची कमतरता होत नाही. लोकांना ते त्यांच्या आवडीनुसार खायला आवडते. चिकन बिर्याणी असो किंवा बटर चिकन असो, लोक साधारणपणे अशा पद्धतीने चिकन तयार करण्याचा आनंद घेतात. मात्र, प्रत्येक वेळी असेच खाणे कधीकधी कंटाळवाणे होते. अशा परिस्थितीत जर तुम्हाला काही नवीन करून पहायचे असेल तर यावेळी तुम्ही चिकन किमा मटर बनवू शकता. चला जाणून घेऊया चिकन कीमा मटरची सोपी आणि स्वादिष्ट रेसिपी-
साहित्य
1 किलो चिरलेला चिकन
1 1/2 कप हिरवे वाटाणे
4 वेलची
2 तमालपत्र
1/2 टीस्पून काळी मिरी
1/2 टीस्पून जिरे
2 चमचे आले-लसूण पेस्ट
1 1/2 कप बारीक चिरलेला कांदा
2 कप बारीक चिरलेला टोमॅटो
1/2 कप दही
1 टीस्पून काश्मिरी लाल मिरची पावडर
1 टीस्पून धणे पावडर
1 टीस्पून गरम मसाला
2 चमचे कसुरी मेथी
2 चमचे चिकन मसाला
तूप/तेल (पसंतीनुसार)
मीठ (चवीनुसार)
बनवण्याची पद्धत
एक पॅन घ्या आणि त्यात थोडे तेल गरम करा. गरम झाल्यावर त्यात तमालपत्र, काळी वेलची, मिरपूड घालून ते सुगंधित होऊन तपकिरी होईपर्यंत शिजवा.
आता जिरे घाला आणि ते तडतडायला लागेपर्यंत परतून घ्या. यानंतर आले-लसूण पेस्ट घालून कच्चापणा जाईपर्यंत शिजवा.
नंतर गॅस मध्यम-मंद करा आणि पॅनमध्ये चिरलेला कांदा घाला, तो गुलाबी होईपर्यंत शिजवा.
आता त्यात चिरलेला टोमॅटो घालून मिक्स करा. पॅनचे झाकण झाकून ठेवा जेणेकरून सर्व साहित्य चांगले मिसळून टोमॅटो मऊ होतील.
तेल वेगळे व्हायला लागल्यावर त्यात धनेपूड, काश्मिरी तिखट, गरम मसाला पावडर आणि मीठ असे कोरडे मसाले घाला.
आता थोडे दही फेटून त्यात कसुरी मेथी घाला. चांगले मिसळा आणि इतर घटकांसह मिक्स करण्यासाठी पॅनमध्ये घाला.
तेल सुटू लागले की त्यात स्वच्छ धुतलेला चिकन खिमा घाला. सतत ढवळत राहा, म्हणजे गुठळ्या राहणार नाहीत. पॅनमध्ये खिमा मसाला घाला आणि चांगले मिसळा.
चिकन किमा मटर तयार आहे. चिरलेली हिरवी कोथिंबीर घालून सजवा आणि सर्व्ह करा.
हेही वाचा>>>
Food :'अशी कशी देवाची करणी!' नारळाच्या आत पाणी नेमकं येतं कुठून? माहीत नसेल तर जाणून घ्या
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)