Fashion : जुनं ते सोनं! रेट्रो, क्लासिक जुन्या फॅशन ट्रेंडचा बोलबाला! तरुणाईच्या पसंतीस उतरतेय 80-90 दशकातील फॅशन

Fashion : आजकालच्या फॅशनच्या जगात काही जुन्या ट्रेंडनेही पुनरागमन केले आहे. जी खास करून तरुणाईच्या पसंतीस उतरत आहे. 

Fashion lifestyle marathi news Retro classic old fashion trends

Source : Other

Fashion : बदलत्या काळानुसार फॅशनचं स्वरुपही बदलत चाललंय.आउटफिट्स असो.. ॲक्सेसरीज असो किंवा फुटवेअर असो...साडी असो, पँट सूट असो, सलवार कमीज असो किंवा मिडी ड्रेस असो.. काळानुरूप त्यांच्या फॅशनमध्ये बदल होत जातात. आजकालच्या फॅशनच्या जगात काही जुन्या ट्रेंडने पुनरागमन केले आहे. जी खास करून तरुणाईच्या पसंतीस उतरत आहे. आज आम्ही तुम्हाला अशाच काही ट्रेंड्सबद्दल आपण सांगणार आहोत.

 

फॅशनची सोपी व्याख्या म्हणजे...

फॅशन तज्ञांच्या दृष्टीने, फॅशनची व्याख्या अशी आहे की, आपण जे काही आत्मविश्वासाने आणि आरामदायक परिधान करता, ते फॅशन आहे. जर तुम्हाला एखाद्या सैल चेक्स शर्टमध्ये स्वतःला आरशात पाहणे चांगले वाटत असेल, तर ते बिनधास्तपणे परिधान करा. यालाच फॅशन म्हणतात.

 

जुन्या आणि क्लासी फॅशन ट्रेंडबद्दल जाणून घ्या

बदलत्या काळानुसार, काही ट्रेंड लोकांच्या नजरेतून आणि आठवणीतून हरवून गेले, तर काही ट्रेंडने आजही आपले स्थान निर्माण केले आहे. फॅशन डेच्या निमित्ताने आपण अशाच काही जुन्या आणि क्लासी फॅशन ट्रेंडबद्दल जाणून घेणार आहोत. काही वर्षांपूर्वी चित्रपटांमध्ये हिरोइन्स पफ स्लीव्हज किंवा कॉलर नेक ब्लाउजसह पोल्का डॉट साडी घालून नायकांशी रोमान्स करताना दिसत होत्या, तर नायक बेल बॉटम पँटमध्ये गुंडांना मारहाण करत असत. 

 

बेल बॉटम पँट पुन्हा एकदा ट्रेंडमध्ये

70 च्या दशकातील बेल बॉटम पँट पुन्हा एकदा ट्रेंडमध्ये आहे. तळाशी असलेली सैल किंवा रुंद पँट तुम्हाला स्टायलिश तर दिसतेच, पण आरामदायी देखील आहे. त्यासोबत टॉप, शर्ट किंवा कुर्ता एकत्र करून उत्कृष्ट लुक मिळवता येतो.

 

पोल्का डॉट

या यादीतील दुसरे नाव आहे पोल्का डॉट्स. छोटे-मोठे गोल ठिपके असलेल्या साड्या, कुर्त्यापासून ड्रेसेसपर्यंत चांगले दिसतात. रेट्रो लुक तयार करायचा असेल तर यापेक्षा चांगला पर्याय असू शकत नाही. पोल्का डॉट्स असलेली साडी, ड्रेस किंवा टॉप घालून तुम्ही जुन्या फॅशनला पुन्हा जिवंत करू शकता.

 

हाय वेस्ट जीन्स

80 आणि 90 च्या दशकातील हाय वेस्ट जीन्स पुन्हा एकदा फॅशनचा भाग बनली आहे. या जीन्स तुम्हाला स्लिम आणि स्टायलिश दिसण्यास मदत करतात.

 

रफल्स आणि फ्रिल्स

रफल्स आणि फ्रिल्सचा ट्रेंडही पुन्हा एकदा लोकप्रिय होत आहे. प्रसंगानुसार पोशाख सुंदर परिपूर्ण बनवण्यासाठी विशेषतः वधूच्या पोशाखांमध्ये याचा समावेश केला जात आहे. त्यांचा टच ड्रेसेस, साडी, ब्लाउज आणि टॉपमध्ये खूप सुंदर दिसतो.

 

विंटेज साड्या

जुन्या एम्ब्रॉयडरी आणि डिझाइन केलेल्या साड्या पुन्हा एकदा ट्रेंडमध्ये आहेत. विंटेज साड्यांचा ट्रेंड कधीही स्टाईलच्या बाहेर जात नाही. या साड्या क्लासिक लुक देतात आणि विशेष प्रसंगी त्या परिधान करून तुम्ही स्टायलिश आणि आकर्षक दिसू शकता.

 

प्लॅटफॉर्म हिल्स

प्लॅटफॉर्म हिल्सचा ट्रेंड देखील परत आला आहे. जो खूप आरामदायक आहेत. तुम्ही हे कोणत्याही पोशाखासोबत जोडू शकता.

 

फ्लोरल प्रिंट

आणखी एक जुनी फॅशन म्हणजे फ्लोरल प्रिंट. विवाहसोहळ्यांपासून ते डेट नाईट किंवा डे आउटिंगपर्यंत सर्व गोष्टींसाठी ही फॅशन सर्वोत्तम पर्याय आहेत. या प्रिंट्स सर्व प्रकारच्या कपड्यांमध्ये छान दिसतात. यामध्ये तुम्हाला फ्रेश आणि व्हायब्रंट लुक देतात.

 

मोठ्या आकाराचे ब्लेझर

80 आणि 90 च्या दशकातील मोठ्या आकाराचे ब्लेझर देखील या यादीत समाविष्ट आहेत. जे तुम्ही ड्रेसपासून डेनिमपर्यंत कोणत्याही गोष्टीसोबत जोडी करू शकता आणि यात अप्रतिम दिसू शकता. 

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )