![ABP Premium](https://cdn.abplive.com/imagebank/Premium-ad-Icon.png)
Chaitra Navratri 2024 : हो.. तूच दुर्गा..तू भवानी! आज चैत्र नवरात्रीच्या तिसऱ्या दिवसाचा 'रंग' खास! 'या' रंगाचे कपडे घालून दिसाल हटके, जाणून घ्या
Chaitra Navratri 2024 : चैत्र नवरात्रीत कोणत्या दिवशी दुर्गा मातेच्या कोणत्या रूपाची पूजा केली जाते. तसेच या दिवसात कोणत्या रंगाचे कपडे परिधान केल्याने खास दिसाल? जाणून घ्या..
![Chaitra Navratri 2024 : हो.. तूच दुर्गा..तू भवानी! आज चैत्र नवरात्रीच्या तिसऱ्या दिवसाचा 'रंग' खास! 'या' रंगाचे कपडे घालून दिसाल हटके, जाणून घ्या Chaitra Navratri 2024 lifestyle marathi news colour of third day of Chaitra Navratri is special What color clothes should be worn on which day Chaitra Navratri 2024 : हो.. तूच दुर्गा..तू भवानी! आज चैत्र नवरात्रीच्या तिसऱ्या दिवसाचा 'रंग' खास! 'या' रंगाचे कपडे घालून दिसाल हटके, जाणून घ्या](https://feeds.abplive.com/onecms/images/uploaded-images/2024/04/11/92eaafca1f2ebb9791c60375ccf9bdce1712800343731381_original.jpg?impolicy=abp_cdn&imwidth=1200&height=675)
Chaitra Navratri 2024 : असं म्हणतात, देवी दुर्गा (Goddess Durga) ही या विश्वाची रक्षक आहे. त्यांनी वेळोवेळी विविध रूपे घेऊन आपल्या भक्तांचे रक्षण केले आहे. त्याचप्रमाणे एक स्त्री सुद्धा याच देवीचे रुप असून आजच्या युगात ती एका शक्तीप्रमाणे सर्व जबाबदाऱ्या एकत्रितपणे हसतमुखाने पार पाडत असते. जेव्हा जेव्हा वाईटाचा कोप वाढला तेव्हा देवी दुर्गा शैलपुत्री, ब्रह्मचारिणी, चंद्रघंटा, कुष्मांडा, स्कंध माता, कात्यायनी, कालरात्री, महागौरी आणि सिद्धिदात्रीच्या रूपात आली आणि राक्षसांचा संहार करून निसर्ग आणि सृष्टीचे रक्षण केले. त्याच प्रमाणे स्त्री सुद्धा विविध रुपांनी या जगात वावरत आहे, आणि दुष्टशक्तींना तोंड देत आहे. आम्ही तुम्हाला येथे सांगणार आहोत की चैत्र नवरात्रीत कोणत्या दिवशी दुर्गा मातेच्या कोणत्या रूपाची पूजा केली जाते? तसेच या दिवसात कोणत्या रंगाचे कपडे परिधान केल्याने भक्तांवर विशेष आशीर्वाद प्राप्त होतो. चला जाणून घेऊया नवरात्रीच्या कोणत्या दिवशी कोणत्या रंगाचे कपडे घालावेत-
9 दिवसांमध्ये दुर्गा देवीच्या 9 वेगवेगळ्या रूपांची पूजा
यंदा चैत्र नवरात्री 9 ते 17 एप्रिल या कालावधीत असणार आहे. नवरात्रीच्या या 9 दिवसांमध्ये दुर्गा देवीच्या 9 वेगवेगळ्या रूपांची पूजा केली जाते. नवरात्रीच्या या 9 दिवसांमध्ये रंगांनाही विशेष महत्त्व आहे. असे मानले जाते की या दिवसात मातरणीचे आवडते कपडे परिधान केल्याने भक्तांची प्रत्येक इच्छा पूर्ण होते.
9 एप्रिल हा नवरात्रीचा पहिला दिवस
या दिवशी देवी दुर्गेच्या शैलपुत्रीच्या रूपाची म्हणजेच हिमालयाच्या कन्येची पूजा केली जाते. देवी शैलपुत्रीचा आवडता रंग पिवळा आहे. नवरात्रीच्या पहिल्या दिवशी पिवळ्या रंगाचे कपडे घालणे शुभ असते.
10 एप्रिल बुधवार, चैत्र नवरात्रीचा दुसरा दिवस
नवरात्रीच्या दुसऱ्या दिवशी भक्ताच्या जीवनात विकास आणि यश मिळावे यासाठी ब्रह्मचारिणी देवीची पूजा केली जाते. ब्रह्मचारिणी म्हणजे ब्रह्मदेवाने सांगितलेले आचरण पाळणारी. जीवनात यश मिळवण्यासाठी शिस्त असणे गरजेचे आहे. या दिवशी हिरव्या रंगाचे कपडे घालावेत.
11 एप्रिल गुरुवार, चैत्र नवरात्रीचा तिसरा दिवस
चंद्रघंटा माता ही समाधानाची देवी मानली जाते. जीवनात कल्याण आणि समाधान मिळावे यासाठी नवरात्रीच्या तिसऱ्या दिवशी देवी चंद्रघंटाची पूजा करतात. देवी चंद्रघंटाचा आवडता रंग तपकिरी आहे. नवरात्रीच्या तिसऱ्या दिवशी तपकिरी रंगाचे कपडे घालणे शुभ असते.
शुक्रवार, 12 एप्रिल, चैत्र नवरात्रीचा चौथा दिवस
नवरात्रीच्या चौथ्या दिवशी दुर्गा मातेचे चौथे रूप कुष्मांडाची पूजा केली जाते. ही देवी भीती दूर करते. यशाच्या मार्गात भीती हा सर्वात मोठा अडथळा मानला जातो. आई कुष्मांडाचा आवडता रंग केशरी मानला जातो. अशा स्थितीत या दिवशी केशरी रंगाचे कपडे परिधान करणे अत्यंत शुभ मानले जाते.
13 एप्रिल शनिवार, चैत्र नवरात्रीचा पाचवा दिवस
नवरात्रीच्या पाचव्या दिवशी स्कंदमातेची पूजा केली जाते. ही देवी शक्ती देणारी मानली जाते. तिची पूजा केल्याने भक्तांना त्यांच्या कार्यात यशस्वी होण्याची शक्ती मिळते. स्कंदमातेला पांढरा रंग आवडतो. अशा परिस्थितीत लोकांनी या दिवशी पांढरे वस्त्र परिधान करावे.
रविवार 14 एप्रिल, चैत्र नवरात्रीचा 6 वा दिवस
नवरात्रीच्या सहाव्या दिवशी कात्यायनी देवीची पूजा केली जाते. ती आरोग्याची देवी आहे. जीवनात यश मिळवण्यासाठी शरीर सुदृढ असणे गरजेचे आहे. दुर्गा मातेच्या या रूपाची पूजा केल्याने भक्त निरोगी राहण्याची इच्छा करतात. कात्यायनी देवीला लाल रंग आवडतो. या दिवशी भाविकांनी लाल रंगाचे कपडे परिधान करावेत.
सोमवार 15 एप्रिल, चैत्र नवरात्रीचा 7 वा दिवस
देवी दुर्गेचे सातवे रूप कालरात्री आहे. काल काल म्हणजे वेळ आणि रात्री म्हणजे रात्र. रात्रीच्या वेळी साधना करून प्राप्त होणारी सर्व सिद्धी देणारी आई कालरात्री आहे. नवरात्रीच्या सातव्या दिवशी त्यांची पूजा केली जाते. देवी कालरात्रीला निळा रंग आवडतो. अशा स्थितीत लोकांनी या दिवशी निळ्या रंगाचे कपडे परिधान करावेत.
मंगळवार 16 एप्रिल, चैत्र नवरात्रीचा 8 वा दिवस
नवरात्रीच्या 8 व्या दिवशी, देवी दुर्गेचे 8 वे रूप महागौरी, पापांपासून मुक्त होण्यासाठी आणि आत्मा पुन्हा शुद्ध आणि स्वच्छ करण्यासाठी पूजा केली जाते. महागौरी देवीला गुलाबी रंग खूप आवडतो. या दिवशी भक्तांनी गुलाबी रंगाचे कपडे परिधान करणे शुभ असते.
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या इतर बातम्या :
Fashion : चैत्र नवरात्रीत हे 'बांधणी सूट' ट्राय करा, सगळ्यांमध्ये तुम्ही दिसाल हटके, कमेंट येईल भारी!
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)