NPL Vacancy 2022 : सरकारी नोकरीच्या संधी, इथे बंपर भरती, झटपट करा अर्ज

NPL Vacancy 2022 : नॅशनल फिजिकल लॅबोरेटरीमध्ये (National Physical Laboratory) तंत्रज्ञ (I) पदांसाठी बंपर भरती काढण्यात आली आहे. अजिबात वेळ काढू नका, झटपट अर्ज करा.

NPL Vacancy 2022

NPL Vacancy 2022 : नॅशनल फिजिकल लॅबोरेटरीमध्ये (National Physical Laboratory) तंत्रज्ञ (I) पदांसाठी अर्ज करण्यासाठी फक्त तीन दिवस उरले आहेत. या पदांसाठी अर्ज करू इच्छिणारे इच्छुक आणि पात्र उमेदवार लवकरात लवकर अर्ज करू शकतात. या पदांसाठी अर्ज करण्याची अंतिम तारीख 3 जुलै 2022 आहे. तुम्ही तुमचे अर्ज नोंदणीकृत पोस्टाद्वारे पाठवू शकता. या भरती प्रक्रियेअंतर्गत एकूण 89 रिक्त पदांसाठी भरती केली जाणार आहे. या पदांसाठी ऑनलाईन अर्ज स्वीकारले जाणार नाहीत. इच्छुक उमेदवारांना अर्ज केवळ पोस्टाद्वारे करता येणार आहे. 

भरतीसंदर्भातील महत्त्वाची माहिती 

एकूण 89 टेक्निशियन पदांवर भरती काढण्यात आली आहे. ज्यामध्ये ओबीसींसाठी 21, ईडब्ल्यूएससाठी 8, एससीसाठी 12 आणि एसटीसाठी 6 पदं आरक्षित करण्यात आली आहेत. इतर 32 पदं अनारक्षित आहेत. 

इच्छुक उमेदवारांसाठी शैक्षणिक योग्यता 

अर्जदार दहावी उत्तीर्ण असणं अनिवार्य आहे. तसेच, कोणत्याही मान्यताप्राप्त संस्थेतील संबंधित व्यापारातील आयटीआय पदवी देखील असणं आवश्यक आहे.

कशी होणार निवड? 

CBT परीक्षेद्वारे अर्जदारांची निवड करण्यात येणार आहे. परीक्षेचा कालावधी 2 तास 30 मिनिटांचा असून एकूण 150 प्रश्न विचारले जातील. परीक्षेचा नमुना अधिकृत वेबसाइटवर जाहीर करण्यात आला आहे. परीक्षेची तारीख अद्याप जाहीर झालेली नाही.

कसा कराल अर्ज?

इच्छुक उमेदवारांनी सर्वात आधी अधिकृत वेबसाइट nplindia.org वर भेट द्यावी. 
मुख्यपृष्ठावर दिलेल्या Careers सेक्शनवर क्लिक करावं. 
संबंधित पोस्टच्या समोर क्लिक करा.
अर्जाचा फॉर्म डाऊनलोड करा.
आता दिलेल्या पत्त्यावर पाठवा. 

अनेक तरुण सरकारी नोकरी मिळवण्यासाठी प्रयत्न करत असतात. अनेकदा वेळीच माहिती न मिळाल्यामुळे नोकरीची संधी हातातून जाते. त्यामुळेच नोकरीच्या शोधात असलेल्या तरुण-तरुणींसाठी एबीपी माझा खाजगी आणि सरकारी क्षेत्रातील नोकरीसंबंधातील माहिती जॉब माझा या विशेष कॅटेगरीमध्ये दररोज प्रकाशिक करतं. वेगवेगळ्या कंपन्या, संस्थांतील नोकर भरतीबाबत जाणून घेण्यासाठी एबीपी माझाच्या वेबसाईटला नक्की भेट द्या.  

महत्त्वाच्या इतर बातम्या :