ISRO Recruitment 2023 : दहावी पास उमेदवारांना ISRO मध्ये नोकरीची संधी, 31 डिसेंबर आधी करा अर्ज

Government Job : दहावी पास उमेदवारांनी ISRO मध्ये नोकरीची संधी आहे. इस्रोने टेक्निशियन-बी पदांसाठी अर्ज मागवले आहेत.

ISRO Recruitment 2023 ( Image Source :X )

ISRO Bharti 2023 Technician - B Posts : भारतीय अंतराळ संशोधन संस्था (Indian Space Research Organisation) म्हणजेच इस्रोमध्ये (ISRO) नोकरीची सुवर्णसंधी आहे. सरकारी नोकरीच्या शोधात असलेल्या उमेदवारांसाठी ही चांगली बातमी आहे. इस्रोने टेक्निशियन-बी पदांसाठी इच्छुक उमेदवारांचे अर्ज मागवले आहेत. या भरतीसाठी ऑनलाईन अर्ज करावा लागणार आहे. अर्ज करण्याची प्रक्रिया 9 डिसेंबर 2023 पासून सुरु झाली आहे. त्यामुळे इच्छुक आणि पात्र उमेदवारांनी isro.gov.in. या अधिकृत वेबसाईटवर जाऊन अर्ज दाखल करावा. या भरतीसाठी अर्ज दाखल करण्याची शेवटची तारीख 31 डिसेंबर आहे. शेवटच्या संधीची वाट न पाहता वेळीच अर्ज दाखल करुन या संधीचा फायदा घ्या.

ISRO Recruitment 2023 Technician B Post : महत्त्वाच्या तारखा 

ऑनलाईन अर्ज प्रक्रिया सुरु होण्याची तारीख : 9 डिसेंबर 2023 

अर्ज दाखल करण्याची शेवटची तारीख : 31 डिसेंबर 2023 

ISRO Recruitment 2023 Technician B Post : भरतीसाठी शैक्षणिक पात्रता काय?

इस्रोच्या या भरतीसाठी कोण-कोण अर्ज दाखल करु शकतो जाणून घ्या.

या पदांसाठी अर्ज करण्यासाठी पात्र उमेदवाराने मान्यताप्राप्त बोर्डातून दहावी उत्तीर्ण असणं आवश्यक आहे. याशिवाय, त्याच्याकडे संबंधित क्षेत्रात आयटीआय डिप्लोमा असण आवश्यक आहे. हा डिप्लोमा NCVT द्वारे मान्यताप्राप्त असणं गरजेचं आहे. इस्रोच्या या भरती राष्ट्रीय रिमोट सेन्सिंग सेंटरसाठी आहेत.

ISRO Recruitment 2023 Technician B Post  : वयोमर्यादा

या भरतीसाठी उमेदवाराचे वय 18 ते 35 वर्षे असणं गरजेचं आहे. पात्रेसंबंधित इतर तपशील तुम्ही अधिकृत वेबसाइटवर दिलेल्या सूचनेवरून तपासू शकता.

ISRO Recruitment 2023 Technician B Post : निवड कशी होईल?

या भरतीसाठी लेखी परीक्षा (Written Test) आणि कौशल्य चाचणीद्वारे (Skill Test) उमेदवारांची निवड केली जाईल. 

ISRO Recruitment 2023 : अर्ज शुल्क

या भरतीसाठी अर्जाची फी 100 रुपये आहे. सुरुवातीला सर्व उमेदवारांना अर्ज शुल्क प्रक्रिया शुल्क म्हणून 500 रुपये भरावे लागतील. एकूण 54 पदे भरण्यात येणार आहेत.

ISRO Recruitment 2023 : किती पगार मिळेल?

या पदांवर निवड झाल्यास, उमेदवारांना 21700 रुपये ते 69100 रुपये मासिक वेतन मिळेल. यासोबतच केंद्र सरकारच्या (Central Government) नियमांनुसार अनेक भत्तेही दिले जाणार आहेत. पदानुसार पगाराची श्रेणी बदलू शकते. सर्व तपशील जाणून घेण्यासाठी वेबसाइटवर दिलेली सूचना तपासणे चांगले होईल आणि त्यानंतरच अर्ज करा.

 महत्त्वाच्या इतर बातम्या :