Pushpa 2: The Rule : 'गंगम्मा जतारा' म्हणजे नेमकं आहे तरी काय? पुष्पा 2 मध्ये फक्त सहा मिनिटांचा सीन अन् तब्बल 60 कोटींचा चुराडा!

Pushpa 2 The Rule : पहिल्याच वीकेंडमध्ये अल्लू अर्जनच्या चित्रपटाने 800 कोटींची कमाई केली आहे. दरम्यान, 'पुष्पा 2' चित्रपटातील एका दृश्याचे खूप कौतुक होत आहे.

Pushpa 2: The Rule

Source : PTI

Pushpa 2 The Rule : अल्लू अर्जुन आणि रश्मिका मंदान्ना यांच्या 'पुष्पा 2' चित्रपटाने रिलीज होताच खळबळ उडवून दिली आहे. अल्लू अर्जुन आणि रश्मिका मंदान्ना यांना पाहण्यासाठी लोक थिएटरबाहेर लांबच लांब रांगा लावत आहेत. पहिल्याच वीकेंडमध्ये अल्लू अर्जनच्या चित्रपटाने 800 कोटींची कमाई केली आहे. दरम्यान, 'पुष्पा 2' चित्रपटातील एका दृश्याचे खूप कौतुक होत आहे. 'पुष्पा 2' चित्रपटात दिसलेल्या 6 मिनिटांच्या सीक्वेन्सबद्दल बोलत आहोत, ज्याचे नाव आहे 'गंगम्मा जतारा'. हा एक सीन दुबईत चित्रित करण्यात आला आहे. मात्र, हा सीन भारतात खूप पसंत केला जात आहे. या रिपोर्टमध्ये आम्ही तुम्हाला 'गंगम्मा जटारा' बद्दल काही खास गोष्टी सांगणार आहोत.

'गंगम्मा जतारा' हा पुष्पा 2 मधील 6 मिनिटांचा सीक्वेन्स 

'गंगम्मा जतारा' हा पुष्पा 2 मधील 6 मिनिटांचा सीक्वेन्स आहे ज्यामध्ये अल्लू अर्जुन साडी परिधान करून जगाला त्याचे जबरदस्त रूप दाखवत आहे. या सीनमध्ये अल्लू अर्जुनच्या चेहऱ्यावर भारी मेकअप दिसत आहे. हा देखावा 'तिरुपती गंगाम्मा जतारा' या धार्मिक उत्सवापासून प्रेरित आहे जो तिरुपतीचे मूळ रहिवासी दरवर्षी साजरा करतात. हा वार्षिक उत्सव आहे जो मे महिन्याच्या पहिल्या पंधरवड्यात साजरा केला जातो. या उत्सवात गंगामाची श्री व्यंकटेश्वराची धाकटी बहीण म्हणून पूजा केली जाते. हा सण महिलांच्या सन्मानाशी जोडलेला दिसतो.

 

 

 

 

 

View this post on Instagram

 

 

 

 

 

 

 

 

 

 

 

A post shared by Allu Arjun (@alluarjunonline)

निर्मात्यांनी जवळपास 60 कोटी रुपये खर्च केले 

जटारा दरम्यान, तिरुपती देवस्थानम भगवान व्यंकटेश्वराकडून देवी गंगामाला भेट 'पेरीसू' पाठवते, ज्यामध्ये साडी, बांगड्या आणि हळद आणि कुमकुम सारख्या मेकअपच्या वस्तू असतात. हा विधी करण्यासाठी लोक पायीच मंदिरात जातात. या वेळी पुरुष साडी नेसून मंदिरात पोहोचतात. साडी नेसण्याच्या या विधीला पॅरेंटलु वेषम म्हणतात. पुष्पा 2 मध्ये देखील अल्लू अर्जुन निळ्या रंगाची साडी नेसलेला दिसत आहे. रश्मिका मंदान्नाच्या चित्रपटातील हा सीन दाखवण्यासाठी निर्मात्यांनी जवळपास 60 कोटी रुपये खर्च केले आहेत. अल्लू अर्जुननेही सीनमध्ये जिवंतपणा आणण्यासाठी खूप मेहनत घेतली आहे. पुष्पा या चित्रपटाच्या माध्यमातून निर्मात्यांनी लोकांना 'गंगम्मा जतारा'चे महत्त्व पटवून देण्याचा प्रयत्न केला आहे. मेकर्सच्या या प्रयत्नाला सोशल मीडियावर भरभरून दाद मिळत आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Allu Arjun (@alluarjunonline)

इतर महत्वाच्या बातम्या