Nivedita Saraf: अशोक मामांनी सिनेइंडस्ट्री गाजवली, त्यांचा मुलगा ऑक्सफोर्ड गाजवतोय; आई निवेदिता म्हणाल्या...
Nivedita Saraf Opens Up About Son: अशोक सराफ अन् निवेदिता सराफ यांचा मुलगा भारतात नसून कामानिमित्त परदेशात असतो.
What Does Ashok Saraf And Nivedita Sarafs Son Do: अशोक सराफ (Ashok Saraf) आणि निवेदिता सराफ (Nivedita Saraf) म्हणजे मराठी सिनेइंडस्ट्रीतील (Entertainment) एव्हरग्रीन जोडी. या सुपरहिट कपलनं आतापर्यंत अनेक सिनेमांमध्ये मुख्य भूमिका साकारुन प्रेक्षकांचं मनोरंजन केलं. अशोक सराफ आणि निवेदिता सराफ यांचा चाहतावर्ग खूप मोठा आहे. मराठी मनोरंजन विश्वात त्यांचे महत्त्वाचे योगदान आहे. अशोक सराफ आणि निवेदिता सराफ यांच्या अनेक मुलाखतीत त्यांच्या मुलाचा उल्लेख आहे. पण त्यांचा मुलगा नेमका करतो काय? असा प्रश्न आतापर्यंत अनेकांना पडला असेल. अशोक सराफ आणि निवेदिता सराफ या सुपरहिट जोडीचा मुलगा सिनेसृष्टीत सक्रीय नसल्याची माहिती आहे.
अशोक सराफ आणि निवेदिता सराफ यांचा मुलगा नेमका करतो काय? (Nivedita Saraf reveals son works at Oxford)
अशोक सराफ आणि निवेदिता सराफ यांना एकुलता एक मुलगा आहे. अनिकेत सराफ (Aniket Saraf) असे त्यांच्या मुलाचे नाव आहे. अनिकेत सराफ भारतात नसून, प्रोफेशनमुळे परदेशात राहत असल्याची माहिती आहे. निवेदिता सराफ यांनी 'सर्वकाही' च्या पॉडकास्टमध्ये अनेक गोष्टींचा खुलासा केला. यावेळी त्यांनी आपल्या लेकाबद्दल आणि त्याच्या प्रोफेशनबद्दल माहिती दिली.
'आमचा मुलगा परदेशात असतो. तो Oxford मध्ये इंग्रजी शिकवतो. आम्ही कधीच त्याच्यावर करिअरचा दबाव टाकला नाही. हे कर ते कर.. असं कधीही आम्ही त्याला म्हणालो नाही. खरंतर आमचा मुलगा शेफ आहे. त्याचं लिखाणही उत्तम आहे. काही वर्षांपूर्वी तो कॅनडाला होता आणि नेमकं लॉकडाऊन सुरू झालं. या काळात त्याची नोकरी गेली. आम्ही त्याला भारतात पुन्हा बोलावत होतो. पण तो आला नाही. त्याला परत यायचं नव्हतं', असं निवेदिता सराफ म्हणाल्या.
'लॉकडाऊनमध्ये उदरनिर्वाह चालवण्यासाठी त्यानं Accent कोच म्हणून काम करण्यास सुरुवात केली. यानंतर त्यानं एक परिक्षा दिली. आता तो Oxford इंग्लिश सर्कलमध्ये आहे. लॉकडाऊन संपल्यानंतर सगळं पुन्हा सुरळीत सुरू झालं. हॉटेल इंडस्ट्रीही हळूहळू सुरू झाली होती. दरम्यान, त्याचं टिचिंग प्रोफेशन सुरू होतं. तेव्हा अनिकेतला कळालं की, शेफ प्रोफेशनपेक्षा टिचिंगमध्ये व्यवस्थित पेमेंट मिळतंय'.
'सुरुवातीला अनिकेत टोरंटोला शिकवत होता. आता तो Oxford मध्ये प्रशासकीय जबाबदारीही सांभाळत आहे', अशी माहिती अनिकेत यांच्या आई निवेदिता सराफ यांनी दिली.
महत्त्वाच्या इतर बातम्या:
ABP माझाच्या बातम्या LIVE..
महत्त्वाच्या बातम्या
