Video : बुर्ज खलिफावर झळकला बहुप्रतिक्षित हॉलिवूड चित्रपटाचा टीझर

चित्रपटाच्या प्रसिद्धीसाठी अनेकदा काही अफलातून मार्गांचा अवलंब केला जातो. त्यातच आता अशा कलात्मक आणि प्रभावी पद्धतीनं चित्रपट प्रेक्षकांपर्यंत पोहोचवला जाण्याचा हा मार्ग सध्या सर्वांच्याच पसंतीस येत आहे.

Wonder Woman 1984 या चित्रपटाबाबत मागील बऱ्याच दिवसांपासून रसिकांमध्ये कमालीची उत्सुकता पाहायला मिळत आहे. हीच त्सुकता शिगेला पोहोचली असताना इस्रायली सुपरस्टार गल गॅडोट हिनं सोशल मीडियावर एक अफलातून व्हिडीओ शेअर केला आहे. या व्हिडीओमध्ये तिच्या आगामी चित्रपटाची झलक पाहायला मिळत आहे.

चित्रपटाच्या प्रसिद्धीसाठी अनेकदा काही अफलातून मार्गांचा अवलंब केला जातो. त्यातच आता अशा कलात्मक आणि प्रभावी पद्धतीनं चित्रपट प्रेक्षकांपर्यंत पोहोचवला जाण्याचा हा मार्ग सध्या सर्वांच्याच पसंतीस येत आहे.

मुख्य म्हणजे तिनं शेअर केलेला व्हिडीओ कमालीचा गाजण्यास कारण ठरतंय ते म्हणजे तो प्रदर्शित होण्याचं ठिकाण. दुबईतील जगप्रसिद्ध बुर्ज खलिफा या इमारतीवर Wonder Woman 1984ची झलक पाहायला मिळत असल्याचा एक व्हिडीओ गलनं शेअर केला. यामध्ये रात्रीच्या वेळी, अंधाराच्या पार्श्वभूमीवर 'वंडर वुमन'मुळं झळाळून निघलेल्या या इमारतीनं अनेकांचेच डोळे दीपवले.

सर्वात उंच इमारतीवर आपल्या आगामी चित्रपटाची झलक दिसल्याचा आनंदही तिनं सोशल मीडिया पोस्टच्या कॅप्शनमधून शेअर केला. हे अविश्वसनीय आहे.... अशा शब्दांत गलनं उत्सुकता शब्दांवाटे व्यक्त केली. सोबत चमचमणारा इमोटीकॉनही जोडला. अवघ्या काही तासांमध्येतच तिनं शेअर केलेल्या या व्हिडिओला लाखो व्ह्यूज मिळाले.

View this post on Instagram

 

A post shared by Gal Gadot (@gal_gadot)

यंदाच्या ख्रिसमसच्या निमित्तानं Wonder Woman 1984 हा चित्रपट प्रेक्षकांच्या भेटीला येत आहे. भारतामध्ये हा चित्रपट नाताळ सणाच्या एक दिवस आधी म्हणजेच 24 डिसेंबरला प्रदर्शित होणार आहे. (Jenkins, Gadot, Deborah Snyder, Zack Snyder, Charles Roves, Stephen Jones) यांची निर्मिती असणाऱ्या या चित्रपटातून क्रिस्टन वीग, पेड्रो पास्कल, कोनी नेलसन, रॉबिन राईट यांच्यासोबतच गल गॅडोटही झळकणार आहे.