Victoria Marathi Film : कलाकारांच्या चेहऱ्यावर दिसल्या जखमा, रहस्यमयी ‘व्हिक्टोरिया’ चित्रपटातील थरारक लूक पाहिलेत?

Marathi Movie : 'व्हिक्टोरिया' या चित्रपटात अभिनेता पुष्कर जोग (Pushkar Jog), सोनाली कुलकर्णी (Sonalee Kulkarni) आणि आशय कुलकर्णी (Aashay Kulkarni) हे कलाकार प्रमुख भूमिकेत दिसणार आहेत.  

Victoria

Victoria Marathi Film : निर्माता आनंद पंडित आणि अभिनेता पुष्कर जोग (Pushkar Jog) यांचा 'व्हिक्टोरिया' (Victoria) हा मराठी चित्रपट लवकरच प्रेक्षकांच्या भेटीस येणार आहे. ‘वेल डन बेबी’ या चित्रपटांच्या यशानंतर आनंद पंडित मोशन पिक्चर एल एल पी आणि गुसबम्प्स एंटरटेनमेंट यांनी नुकतीच 'व्हिक्टोरिया'  या नव्या चित्रपटाची घोषणा केली होती. नुकतेच या चित्रपटातील कलाकारांचे फर्स्टलूक सोशल मीडियावर रिलीज करण्यात आले आहेत.

'व्हिक्टोरिया' या चित्रपटात अभिनेता पुष्कर जोग (Pushkar Jog), सोनाली कुलकर्णी (Sonalee Kulkarni) आणि आशय कुलकर्णी (Aashay Kulkarni) हे कलाकार प्रमुख भूमिकेत दिसणार आहेत. हीरा सोहल ही अभिनय क्षेत्रात पदार्पण करत असून, जीत अशोक आणि ‘माझा होशील ना’ फेम अभिनेता विराजस कुलकर्णी हे दिग्दर्शनात पदार्पण या चित्रपटामधून करत आहेत.

पाहा थरारक लूक :

या पोस्टमध्ये कलाकारांचे थरारक लूक दिसत आहेत. पुष्कर जोग (Pushkar Jog), सोनाली कुलकर्णी (Sonalee Kulkarni) आणि आशय कुलकर्णी (Aashay Kulkarni) या तीनही कलाकारांच्या चेहऱ्यावर जखमा आणि व्रण दिसत आहेत. हे लूक पाहून चित्रपटात नक्की काय रहस्य पाहायला मिळणार, याची उत्सुकता प्रेक्षकांमध्ये निर्माण झाली आहे.

'व्हिक्टोरिया'  चित्रपटाची कथा पटकथा आणि संवाद ओमकार गोखले, जीत अशोक आणि विराजस कुलकर्णी यांनी लिहिले आहेत. आनंद पंडित, रूपा पंडित आणि पुष्कर जोग हे या चित्रपटाचे निर्माते आहेत. वैशल शाह हे सह निर्माता आहेत. गतवर्षी या चित्रपटाच्या मुहूर्त संपन्न झाला आणि या बिग बजेट चित्रपटाची शूटिंग स्कॉटलंड येथे होणार आहे. या चित्रपटामध्ये पुष्कर जोग, सोनाली कुलकर्णी  आणि आशय कुलकर्णी यांची केमिस्ट्री पाहण्यासाठी प्रेक्षक उत्सुक आहेत.

इतर बातम्या: 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha