Udhayanidhi Stalin on Trisha Krishnan: त्रिशावरील वक्तव्य, उदयनिधी स्टॅलिन यांना ताब्यात घेण्यासाठी घरी पोहोचले, पत्नी म्हणाली, 10 मिनिटं थांबा, ते टॉयलेटमध्ये आहेत
Udhayanidhi Stalin on Trisha Krishnan: तामिळनाडू विधानसभेतील विरोधी पक्षनेते उदयनिधी स्टॅलिन यांना ताब्यात घेण्यापूर्वी नेमकं काय घडलं?
Udhayanidhi Stalin Trisha Krishnan: तामिळनाडूच्या राजकारणात (Tamilnadu) मोठे वादळ उठले आहे. डीएमके नेता आणि तामिळनाडू विधानसभेतील विरोधी पक्षनेते उदयनिधी स्टॅलिन (Udhayanidhi Stalin) यांना अभिनेत्री त्रिशा कृष्णनवर (Trisha Krishnan) केलेल्या कथित आक्षेपार्ह वक्तव्याप्रकरणी पोलिसांनी ताब्यात घेतलं आहे. हे प्रकरण समोर येताच तामिळनाडू येथील राजकीय वर्तुळात खळबळ उडाली. मात्र, त्यांच्या अटकेच्या काही वेळ आधी चेन्नईतील त्यांच्या घरातील एक व्हिडीओ सोशल मीडियात व्हायरल होत आहे. यामुळे हे प्रकरण अधिकच तापलं आहे.
उदयनिधी स्टॅलिन यांना ताब्यात घेण्यापूर्वी नेमकं काय घडलं? (Udhayanidhi Stalin Detained on trisha Krishnan comment)
व्हायरल व्हिडीओमध्ये उदयनिधी स्टॅलिन यांची पत्नी दिसत आहे. उदयनिधी स्टॅलिन यांची पत्नी किरुथिगा उदयनिधी पोलीस अधिकाऱ्यांशी बोलत असल्याचं दिसत आहे. व्हिडीओत किरुथिगा उदयनिधी हे पोलीस अधिकाऱ्यांना, 'ते टॉयलेटमध्ये आहेत, कृपया थोडा वेळ द्या...'. यानंतर किरुथिगा उदयनिधी यांच्या घरात पोलीस, नेते मंडळी आणि कुटुंबामध्ये चर्चा होते. हे देखील कॅमऱ्यात कैद झालं आहे.
व्हिडीओमध्ये आपण पाहू शकतो की, पोलीस अधिकारी उदयनिधी स्टॅलिन यांना ताब्यात घेण्यासाठी त्यांच्या घरात थांबलेले दिसत आहेत. एक पोलीस अधिकारी म्हणतात की, 'आम्ही खूप वेळ वाट पाहत होतो. मी इथे काहीही बेकायदेशीर करत नाहीये. आम्ही फक्त आमचं कर्तव्य बजावत आहोत', असं त्यांनी म्हटलं. यावर सिनेमा निर्माते आणि लेखिका कृथिका उदयनिधी म्हणाले की, 'ते अजून तयार होत आहेत. टॉयलेटमध्ये आहेत....कृपया यासाठी थोडा वेळ द्या'.
यावेळी तामिळनाडूचे मंत्री मा. सुब्रमण्यम देखील तिथे उपस्थित असतात. ते देखील पोलीस अधिकाऱ्यांना थोडावेळ थांबण्यासाठी विनंती करतात. पण पोलीस अधिकाऱ्यांनी स्पष्ट सांगितलं की, 'आम्ही अजून वाट नाही पाहू शकत. आणखी किती आम्ही वाट पाहणार? वारंवार 10 मिनिट, 10 मिनिट असं बोललं जात आहे. आम्ही आमचं काम करत आहोत. आम्हाला आमचं काम करु द्या...'. यावर मंत्री मा. सुब्रमण्यम म्हणतात की, 'त्यांना बाथरुममधून बाहेर येऊ द्या. फक्त 10 मिनिट अजून वाट बघा. तोपर्यंत वकील सरवनन देखील येतील...', असं म्हणतात. या घटनेचा व्हिडीओ सोशल मीडियात व्हायरल होत आहे.
महत्त्वाच्या इतर बातम्या:
महत्त्वाच्या बातम्या
