Tula Japnar Aahe Marathi Serial Track: 'तुला जपणार आहे' झी मराठीवरची नवी मालिका; मराठी मालिकाविश्वात पहिल्यांदाच होलोग्राफिक तंत्रज्ञानाचा वापर
Tula Japnar Aahe Marathi Serial Track: 'तुला जपणार आहे' या मालिकेतून झी मराठीवर शर्वरी लोहोकरे (Sharvari Lohokare) पुन्हा एकदा कमबॅक करणार आहेत.
Tula Japnar Aahe Marathi Serial Track: झी मराठीनं (Zee Marathi) मराठी मनोरंजन विश्वात पुन्हा एकदा नवा बेंचमार्क प्रस्थापित केला आहे. 'तुला जपणार आहे' (Tula Japnar Aahe) मालिकेच्या प्रेस लाँचच्या निमित्तानं, झी मराठीनं उपस्थित पत्रकारांसोबत एका रोमांचक कथाकथनाचा अनुभव घेण्यासाठी अत्याधुनिक होलोग्राफिक तंत्रज्ञानाचा वापर केला. हा लॉन्च इव्हेंट खरोखरच उपस्थितांसाठी वेगळा ठरला.
'तुला जपणार आहे' या मालिकेतून झी मराठीवर शर्वरी लोहोकरे (Sharvari Lohokare) पुन्हा एकदा कमबॅक करणार आहेत. तसेच, या मालिकेत नीरज गोस्वामी, प्रतीक्षा शिवणकर, मिलिंद फाटक, पूर्णिमा तळवलकर, निलेश रानडे, मनोज कोल्हटकर, अमोल बावडेकर ह्या तंगड्या कलाकारांची फौज पाहायला मिळणार आहे.
'तुला जपणार आहे' ही कथा आहे, एका आईची! अंबिकाची, जिने आपल्या मुलीच्या संरक्षणाचं व्रत घेतलय. आत्मारुपात ती तिच्या आजूबाजूला असणार आहे परंतु आत्मारुपात तिला तिच्या जाण्यानंतर दिसतात ते घरातले बदललेले फासे व तिच्या मुलीच्या जीवावर उठलेले लोक, तिच्या जाण्यानंतर मुलगी आणि वडिलांमध्ये झालेली ताटातूट या सगळ्याचा पाठलाग करत अंबिकाच्या प्रार्थनांना प्रतिसाद देत देवीने तिच्या मुलीच्या संरक्षणासाठी मीराला पाठवलं, जिची देवीवर नाराजी आहे, जिचा देवीवर विश्वास नाही. अशी मीरा आत्मारूपी अंबिकाला पाहू शकते, तिला स्पर्श करू शकते. तसंच अंबिका तिच्यासोबत देवळाच्या पायऱ्याही चढू शकते. या दोघींच्या या नात्यामागचं गूढ असेल तरी काय ? अंबिकाच्या मदतीला धावून आलेली मीरा कशी तिच्या मुलीच्या आयुष्यात येणार हे पाहण्यासारखे असेल.
तुला जपणार आहे या हॉरर, थ्रिलर आणि फॅमेली ड्रमा असणाऱ्या या मालिकेतील प्रसंग आणि घटना larger than life असणार आहेत. तसंच या मालिकेचं आकर्षण आहे ते म्हणजे VFX. या मालिकेतील VFX बघण्या आणि अनुभवण्यासारखे असणार आहेत. अविस्मरणीय कथानकासोबतच डोळे दिपवणारी अशी ही भव्य मालिका असणार आहे. या मालिकेचं पटकथा लेखन करत आहे चेतन सैंदाणे आणि याचे संवाद लिहिले आहेत पूर्णानंद वांढेकर यांनी, तर मालिकेचे निर्माते आहेत आयरिस प्रोडक्शन्सचे विद्याधर पाठारे. मालिकेचे दिग्दर्शक आहे जयंत पवार.
मायेची साद जेव्हा देवी ऐकते तेंव्हा फक्त संरक्षण नाही तर चमत्कार घडतो अशी ही गोष्ट, प्रत्येक आईच्या आपल्या बाळासाठी असलेल्या भावनांची गोष्ट! 'तुला जपणार आहे' ही नवी मालिका 17 फेब्रुवारीपासून सुरू होत आहे.
महत्त्वाच्या बातम्या
