Titeeksha Tawade and Siddharth Bodke : 'मी सिद्धार्थला एक निरोप देईन', असा आहे लग्नाआधीच्या 'व्हॅलेंटाईन्स डे'ला तितिक्षाचा प्लॅन

Titeeksha Tawade and Siddharth Bodke : अभिनेत्री तितिक्षा तावडे आणि अभिनेता सिद्धार्थ बोडके यांनी नुकतच त्यांच्या लग्नाची बातमी दिली. तसेच आता तितिक्षाने तिच्या लग्नाचा प्लॅन देखील सांगितला आहे. 

Titeeksha Tawade and Siddharth Bodke (Credit - instagram))

मुंबई : अभिनेत्री तितिक्षा तावडे (Titiksha Tawde) हिने नुकतच अभिनेता सिद्धार्थ बोडके (Sidharth Bodke) सोबत असलेल्या नात्याबाबत खुलासा केला. त्यांच्या केळवणाचा फोटो शेअर करत त्यांच्या लग्नाची बातमी चाहत्यांना दिली. तितिक्षाने इन्स्टाग्रामवर केलेल्या पोस्टवर सिनेसृष्टीतल्याही त्यांच्या अनेक मित्रमैत्रीणींनी प्रेमाचा वर्षावर केलाय. सध्या सगळीकडे व्हॅलेंटाईन्स वीकचे वारे वाहतायत. त्यातच तितिक्षा लग्नाआधी आलेल्या त्यांच्या या व्हॅलेंटाईन्स डेच्या प्लॅनविषयी माहिती दिलीये. 

अभिनेत्री तितिक्षा तावडे ही सध्या झी मराठी वाहिनीवरील सातव्या मुलगीची सातवी मुलगी या मालिकेमधून सध्या प्रेक्षकांच्या भेटीला येत आहे. तसेच सिद्धार्थ हा येणाऱ्या श्रीदेवी प्रसन्न या चित्रपटांमध्ये झळकणार आहे. तितिक्षा आणि सिद्धार्थने झी युवा या वाहिनीवरील तू अशी जवळी रहा या मालिकेमध्ये एकत्र काम केलं होतं. राजवीर आणि मनवाची जोडी ही प्रेक्षकांच्या बरीच पसंतीस पडली होती. दरम्यान आता त्यांनी लग्न करण्याचा सुखद धक्का चाहत्यांना दिला असल्यानं त्यांच्यावर प्रेमाचा वर्षाव करण्यात आला. 

असा आहे तितिक्षाचा 'व्हॅलेंटाईन्स डे'चा प्लॅन

यंदाच्या व्हॅलेंटाईन्स डेच्या प्लॅनविषयी बोलताना तितिक्षाने म्हटलं की, मी 14 फेब्रुवारीच्या दिवशी सातव्या मुलीची सातवी मुलगी या मालिकेच्या शुटींगमध्ये असणार आहे. पण शुटींग संपल्यानंतर जो काही वेळ मिळेल, तो आम्ही एकत्र घालवू. या निमित्ताने मी सिद्धार्थला एक निरोपही देऊ इच्छिते. प्रेम काय आहे हे कोणी अजून डिकोड नाही केलंय तर आपण दोघे मिळून ते डिकोड करण्याचा प्रयत्न करू. थोडं तू चूक, थोडं मी चुकते आणि चुकीतून शिकून मोठं होऊ आणि भरभरून प्रेम करायला शिकू. 

तितिक्षा आणि सिद्धार्थचा अभिनयाचा प्रवास 

तितिक्षा आणि सिद्धार्थ यांनी झी युवा वाहिनीवरील तु अशी जवळी रहा या मालिकेत मनवा आणि राजवीरची भूमिका साकारली होती. त्यानंतर सिद्धार्थ अजय देवगनसोबत दृश्यम 2 या चित्रपटात काम केलं होतं. तसेच तो आता श्रीदेवी प्रसन्न या चित्रपटातून देखील प्रेक्षकांच्या भेटीला येणार आहे. तसेच तितिक्षा सध्या झी मराठी वाहिनीवरील सातव्या मुलीची सातवी मुलगी या मालिकेत काम करत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Siddharth Bodke (@siddharthbodkeofficial)

ही बातमी वाचा :