Bharat Jadhav: भरत जाधवचं नवं नाटक येणार प्रेक्षकांच्या भेटीस; पोस्ट शेअर करत दिली माहिती
भरत जाधवचं (Bharat Jadhav) नवं नाटक लवकरच प्रेक्षकांच्या भेटीस येणार आहे.
Bharat Jadhav: नाटक मालिका आणि चित्रपट यांमधून प्रेक्षकांच्या भेटीस येणारा भरत जाधव (Bharat Jadhav) हा त्याच्या अभिनयानं प्रेक्षकांची मनं जिंकतो. भरतनं प्रेक्षकांच्या मनात विशेष स्थान निर्माण केलं आहे. भरतनं अनेक नाटकांमध्ये काम केलं आहे. आता त्याचं नवं नाटक लवकरच प्रेक्षकांच्या भेटीस येणार आहे. या नव्या नाटकाबद्दल नुकतीच भरतनं एक खास पोस्ट शेअर केली आहे.
भरतनं शेअर केली पोस्ट
भरतनं इन्स्टाग्रामवर एक व्हिडीओ शेअर केला आहे. या व्हिडीओमध्ये लिहिलं आहे, "रसिक प्रेक्षकहो, आपणा सर्वांच्या आशीर्वादाने सही रे सही या नाटकाला आज 21 वर्ष पूर्ण होत आहेत. आपल्या लाडक्या 'भारत' ने मागील 30 वर्ष आपणा सर्वांना खळखळून हसवल्यानंतर तो आपल्यासमोर पुन्हा येत आहे... यंदा हसवायला नाही तर आपल्याला हळवं करायला... नवं नाटक घेऊन... कधीही न पाहिलेल्या नव्या भूमिकेत..." भरतनं या पोस्टला कॅप्शन दिल, 'लवकरच..'. भरतच्या सही रे सही या नाटकाला प्रेक्षकांची विशेष पसंती मिळाली होती आता त्याच्या नव्या नाटकाची प्रेक्षक उत्सुकतेने वाट बघत आहेत.
नेटकऱ्यांच्या कमेंट्स
भरतनं शेअर केलेल्या या पोस्टला अनेक नेटकऱ्यांनी कमेंट्स केल्या आहेत. एका नेटकऱ्यानं कमेंट केली, 'दादा तुला मनःपूर्वक हार्दिक शुभेच्छा!' तर दुसऱ्या युझरनं कमेंट केली, 'अभिनंदन आणि हाऊसफुल्ल शुभेच्छा भरत!'
View this post on Instagram
भरतनं 'या' नाटकांमध्ये केलं काम
मराठी नाटक क्षेत्रात भरतनं विशेष ओळख निर्माण केली आहे. श्रीमंत दामोदर पंत या नाटकात गोड गोजिरी लाज लाजरी हे गाणं म्हणत भरतनं रंगमंचावर एन्ट्री केली की, प्रेक्षक टाळ्यांचा कडकडाट करायचे.आमच्या सरखे आम्हीच, ऑल द बेस्ट, सही रे सही, तू तू मी मी या नाटकांच्या माध्यमातून भरत प्रेक्षकांच्या भेटीस येणार आहे.
भरत जाधवचे चित्रपट
अगं बाई अरेच्चा!, जत्रा,पछाडलेला, बकुळा नामदेव घोटळे, साडे माडे तीन, येड्यांची जत्रा या चित्रपटांमधील भरतच्या अभिनयाला प्रेक्षकांची विशेष पसंती मिळाली. आता भरतच्या आगामी नाटकाची प्रेक्षक उत्सुकतेने वाट बघत आहेत.
संबंधित बातम्या
महत्त्वाच्या बातम्या
