Thalapathy Vijays Jana Nayagan: 'धुरंधर'चा रेकॉर्ड मोडला, 'छावा' सिनेमालाही पछाडलं, थलपती विजयच्या 'जना नायकन'नं ओपनिंग डेला किती कोटी कमावले?
Thalapathy Vijays JJana Nayagan: 'जना नायकन'ने पहिल्या दिवशी किती कोटींचे कलेक्शन केलं?
Jana Nayagan big opening box office collection: विजय थलपती (Thalapathy Vijay) आपल्या 30 वर्षांच्या अॅक्टिंग कारकिर्दीचा (Jana Nayagan) शेवट अगदी दणक्यात करण्यास सज्ज झाला आहे. तामिळनाडू या राज्याचे मुख्यमंत्री झाल्यानंतर त्यांची शेवटची फिल्म सिनेमागृहात रिलीज झाली आहे. 'जना नायकन' असे चित्रपटाचे नाव असून, सात महिन्यांच्या प्रतिक्षेनंतर गुरुवारी म्हणजेच 23 जुलै रोजी (Box Office Collection) हा सिनेमा चित्रपटगृहात रिलीज झाला आहे. प्रदर्शित होताच (Entertainment) या सिनेमाला प्रेक्षकांकडून जबरदस्त प्रतिसाद मिळत आहे. या सिनेमाच्या चाहत्यांनी रेकॉर्ड - तोड अॅडव्हॉन्स बुकिंग केली आहे. विशेषत: तामिळनाडू, केरळ आणि कर्नाटकात या सिनेमाचे शोज हाऊसफुल्ल झाले आहेत. या सिनेमात ओपनिंग डेला रेकॉर्ड ब्रेक कमाई केली आहे. थलपती विजय यांच्या 'जना नायकन' या सिनेमाने पहिल्या दिवशी किती कोटींचे कलेक्शन केले? जाणून घेऊयात.
ओपनिंग डेला 'जना नायकन' या सिनेमाने किती कोटी कमावले? (Jana Nayagan big opening box office collection Day 1)
एच विनोथ दिग्दर्शित पॉलिटिकल अॅक्शन थ्रिलर फिल्म 'जना नायकन' या सिनेमात थलपती विजय यांची मुख्य भूमिका आहे. हा सिनेमा अनेक भाषांमध्ये रिलीज करण्यात आला आहे. हा सिनेमा हिंदी भाषामध्ये 'जन नेता' या नावाने रिलीज झाला आहे. या बहुप्रतिक्षित सिनेमाची प्रचंड चर्चा झाली. अॅडव्हॉन्स बुकिंगमध्ये या सिनेमाने 28 कोटींपेक्षा जास्त रुपयांची कमाई केली आहे. ओपनिंग डेला या सिनेमावर पैशांचा पाऊस पडला, असं म्हटलं तर वावगं ठरणार नाही.
सॅकनिल्कच्या अर्ली ट्रेंड रिपोर्ट्सनुसार, 'जना नायकन' या सिनेमाने प्रदर्शनाच्या पहिल्याच दिवशी 41 कोटी कमावून इतर सिनेमाच्या बॉक्स ऑफिस कमाईला हादरवून टाकलं आहे. तामिळमध्ये या सिनेमाने सर्वाधिक कमाई केल आहे. तामिळ भाषेमध्ये या सिनेमाने 36.50 कोटी कमावले आहे. तर, हिंदी व्हर्जनमध्ये या सिनेमाने 1.75 कोटी कमावले. तर, तेलुगु व्हर्जनमध्ये या सिनेमाने 2.75 कोटींचे बॉक्स ऑफिस कलेक्शन केले आहे.
'जना नायकन' हा सिनेमा ओपनिंग डेला 100 कोटींचे कलेक्शन करेल, अशी आशा होती. परंतु, या सिनेमाने 41 कोटी कमावले. 'जना नायकन' या सिनेमाने रणवीर सिंह आणि विक्की कौशलच्या ब्लॉकबस्टर सिनेमांच्या ओपनिंग डेच्या कलेक्शनला मागे टाकलं आहे. रणवीर सिंहच्या ब्लॉकबस्टर फिल्म 'धुरंधर' सिनेमाने ओपनिंग डेला 28.60 कोटींचे कलेक्शन केले आहे. तर, विक्की कौशलच्या 'छावा' या सिनेमाने पहिल्या दिवशी 33.10 कोटी कमावले होते. 'जना नायकन' या सिनेमाने दोन्ही चित्रपटांचे रेकॉर्ड मोडले. 'जना नायकन' या चित्रपटाने ओपनिंग डेला 41 कोटी कमावले. आठवडाभरात हा सिनेमा किती कोटींचे कलेक्शन करेल, हे पाहणं महत्त्वाचं ठरणार आहे.
महत्त्वाच्या इतर बातम्या:
महत्त्वाच्या बातम्या
