Swayamvar Mika Di Vohti : पहिल्याच दिवशी तरुणीवर फिदा झाला मिका सिंह, प्रोमोमध्ये दिसला रोमँटिक अंदाज!

Swayamvar Mika Di Vohti : प्रसिद्ध पंजाबी गायक मिका सिंहचं (Mika Singh) स्वयंवर 'मिका दी वोटी’ला (Swayamvar : Mika Di Vohti ) धमाकेदार सुरुवात झाली आहे.

Swayamvar Mika Di Vohti

Swayamvar Mika Di Vohti : प्रसिद्ध पंजाबी गायक मिका सिंहचं (Mika Singh) स्वयंवर 'मिका दी वोटी’ला (Swayamvar : Mika Di Vohti ) धमाकेदार सुरुवात झाली आहे. या शोमध्ये मिकाची जोडीदार बनण्याचे स्वप्न घेऊन 12 तरुणी सहभागी झाल्या आहेत. सध्या छोट्या पडद्यावर या शोची जोरदार चर्चा सुरु आहे. नुकताच या शोचा एक नवा प्रोमो रिलीज झाला आहे. ‘मिका दी वोटी’चा हा व्हिडीओ सोशल मीडियावर प्रचंड चर्चेत आला आहे. या व्हिडीओत पहिल्याच दिवशी मिका एका तरुणीसोबत रोमँटिक होताना दिसत आहे.

स्टार भारत वाहिनीने आपल्या अधिकृत इंस्टाग्राम पेजवर 'मिका दी वोटी'चा प्रोमो शेअर केला आहे. व्हिडीओमध्ये मिका सिंह कोलकत्त्याची स्पर्धक तरुणी प्रणितिका दाससोबत रोमँटिक डान्स करताना दिसत आहे. रोमँटिक गाण्यावर डान्स करताना मिकाने या तरुणीचे चुंबनही घेतले. शेजारी बसलेल्या इतर स्पर्धक तरुणी हे सर्व पाहून कमेंट करताना दिसत आहे.

पहा व्हिडीओ :

पहिल्या दिवसाचा हा टास्क मुलींसाठी नव्हता, तर मिकासाठी होता. सर्व मुलींना भेटल्यानंतर, होस्ट शानने मिकाला दोन बांगड्या दिल्या आणि सांगितले की, मिकाला या बांगड्या त्या दोन मुलींना द्याव्या लागतील, ज्या त्याला सर्वात जास्त आवडल्या आहेत आणि तो त्या दोन मुलींसोबत डेटवर जाऊ इच्छितो. यात मिकाने पहिली बांगडी मुंबईच्या बुशरा शेखला दिली. तर, दुसरी बांगडी मिकाने प्रणितीका दासला दिली. मिकाशी लग्न करण्यासाठी या 12 सुंदरींमध्ये जोरदार चुरस असणार आहे.

प्रत्येक मुलगी माझ्यासोबत लग्न करण्यास उत्सुक : मिका सिंह

नुकत्याच एका मुलाखतीत मिका म्हणाला,"माझ्या नावामुळे आणि लोकप्रियतेमुळे जर कोणी मुलगी माझ्यासोबत लग्न करण्यास उत्सुक असेल तर मला काहीच अडचण नाही. 'स्वयंवर मीका दी वोटी' या कार्यक्रमात सहभागी होणारी प्रत्येक मुलगी माझ्यासोबत लग्न करण्यास उत्सुक आहे".

12 मुलींमधून मिका करणार एकीची निवड

‘स्वयंवर मिका दी वोटी' या कार्यक्रमात 12 मुली सहभागी होणार आहेत. 45 वर्षीय मिका सिंह 12 मुलींमधून एकीची प्रेयसी म्हणून निवड करणार आहे. या कार्यक्रमात सहभागी होण्यासाठी देशातील विविध कानाकोपऱ्यातून मुली आल्या होत्या. 12 मुलींमधून मिका जोडीदार म्हणून कोणाची निवड करणार हे पाहणं मनोरंजक असणार आहे.

संबंधित बातम्या