Satvya Mulichi Satavi Mulgi : 'सातव्या मुलीची सातवी मुलगी' या नावामागचं रहस्य उलगडणार; रंगणार 1 तासाचा विशेष भाग

Satvya Mulichi Satavi Mulgi : 'सातव्या मुलीची सातवी मुलगी' या नावामागचं रहस्य उलगडणार आहे.

Satvya Mulichi Satavi Mulgi

Satvya Mulichi Satavi Mulgi : 'सातव्या मुलीची सातवी मुलगी' (Satvya Mulichi Satavi Mulgi) ही मालिका अल्पावधीतच प्रेक्षकांच्या पसंतीस उतरली आहे. पण मालिकेत नेत्राला सातव्या मुलीची सातवी मुलगी असं का म्हटलं जातं आणि या नावामागचं रहस्य काय आहे हे प्रेक्षकांना येत्या रविवारी म्हणजेच 12 फेब्रुवारीला दुपारी 1 आणि रात्री 8 वाजता पाहायला मिळणार आहे. 

सातव्या मुलीची सातवी मुलगी या मालिकेत आतापर्यंत ममताच्या मृत्यूला कोण जबाबदार आहे, त्रिनयना देवीच्या मंदिरातील रहस्य असलेला ग्रंथ कोणी चोरला आणि राजाध्यक्ष कुटुंबातील जीवघेण्या कारस्थानामध्ये कोणाचा हात आहे, या गोष्टी पाहायला मिळाल्या आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ZeeMarathi (@zeemarathiofficial)

नेत्रामुळे प्रेक्षकांना कळलं की, या सगळ्यामागे रुपाली आहे. परंतु नेत्राला हे सत्य तिच्या दिव्यशक्तीने कळलेलं असल्यामुळे तिला इतरांना समजावून सांगताना ते सिद्ध करावं लागणार आहे. रुपालीने ग्रंथातील रहस्य समजावून घ्यायला सुरुवात केल्यापासून तिच्या मार्गात अनेक अडथळे येत आहेत. तर दुसरीकडे नेत्रा अद्वैतच्या मनातील ममताबद्दलचा गैरसमज दूर करण्यासाठी प्रयत्न करत आहे. अद्वैतसुद्धा नेत्राने सांगितलेल्या गोष्टींवर विश्वास ठेऊन ममताच्या बाबतीत पुन्हा एकदा विचार करायचं ठरवतो.

रुपाली ग्रंथ वाचण्यासाठी हेमाची मदत घेते. त्या ग्रंथातून रुपालीला कळतं की नेत्राला हरवणं सोपं नाही. तिच्याकडे असलेल्या दिव्यशक्तीमुळे ती आपला प्रत्येक डाव उधळून लावणार आहे. नेत्राची देवीवर गाढ श्रद्धा आणि विश्वास आहे. ग्रंथात लिहिलेल्या 'सातव्या मुलीची सातवी मुलगी' या ओळींपर्यंत रुपालीला अर्थ कळतो आणि या ओळीच्या पुढे लिहिलेलं रहस्य कळल्यावर रुपालीला आपली हार स्पष्ट दिसते.

'सातव्या मुलीची सातवी मुलगी' मालिकेचा महाएपिसोड

नेत्राची आई ही सातवी मुलगी आणि नेत्रा तिची सातवी मुलगी हा या मालिकेच्या नावामागचा एक अर्थ प्रेक्षकांना माहित आहे. परंतु या नावामागचं रहस्य येत्या रविवारी 12 फेब्रुवारी, रोजी दुपारी 1 आणि रात्री 8 वाजता प्रेक्षकांना महाएपिसोडमध्ये पाहायला मिळणार आहे. 

'सातव्या मुलीची सातवी मुलगी' या मालिकेचं कथानक भिन्न असल्यामुळे ही मालिका प्रेक्षकांच्या पसंतीस उतरली आहे. मालिकेतील वेगळा विषय प्रेक्षकांचं लक्ष वेधून घेणारा आहे. 

संबंधित बातम्या